|
Antonio Fontanoni: scrittore dialettale |
LA VERA STORIA DLA CAVERNA MAGN'ANGOSC
Parti liberamente scelte dal web-master
dalla detta raccolta
di poesie di Antonio Fontanoni e pubblicate nella Parte Antologica
di "V'larcont in dialett" del __ Concorso _____
...............................................
T'un temp antich', acsé antich'
ch'en c'eren ancora j'alber di fich,
i vestìt en c'eren per gnent
eren propi inesistent
mo tutti cnosceven el baston
e s'ne daven de santa ragion.
Mnaven e rideven
le chiapaven e strideven
Eren propi esagerat
tel dè o chiapè le bagolat.
Le moj, stuffe da soportè
hann incminciat a dass da fé:
la Rachele chiama l'Adele
l'Anna chiama la Marianna
la Rosetta chiama la Concetta
la Dina chiama la Pina ...
Per falla brév
s'ardunén tutte insiem.
I bordei e le bordelle
messi a fé le sentinelle.
… 'na voc tremolant
d'na donna fra le tant:
" Per sfogass
tocca propi mnass ?
En se potrìa trovè 'n post
magari nascost
dov urlè e sbraitè
sia com un cantè ?
En sia mai dett
ch'en se possa mnè tun grepp
per tojse da doss
tutt le angosc !”
(Segue una serie di minacce)
Dop che'l mormorio s'è quietat
un om ma la su' voc ha dat fiat:
" Mo se nò en usam el baston
sa cosa fermam l'invasion ?
Avém sempre litigat
perché chi'atre èn di disgrasiat
Sa che paura se vivrìa, tutt el giorne
s'en ce fossa un baston intorne
per dalli tla schina
ma quel dla tribù vicina ?
E che om sarìa
s'en difendessa casa mia !? "
"Sa sarìa el mi' dman
sensa 'n baston per le man !
Com farìa a sfogàm
quand c'ho i mi' afann
A levàmm i magón
ch'me blocchen la digestion !?
Quand e com potrìa urlè
s'en gissa più a mnè !?
Com potrìa rida o piagna
dle mi aventur tla montagna !?
Mnè ma chi en cnosc
me leva le angosc
me fa sentì piò sigur
e me fa vincia le paur..."
J omin éren tutti a testa ritta
chel discors en faceva 'na griccia
e hann segnat la conclusion
sa 'n gran cor d'aprovasion.
" Orca maghella !
Questa è propi bella !
Avet già dimenticat
quel che le donn hann minaciat ? "
" No, no aspetta
en avè fretta !
En concluda ansi temp
quel che anca per nò
è 'n gran torment !
Te credi ch'en ce piac'rìa
viva sempre in allegrìa
sensa angosc e paur ".
..........................................
" Facém 'na caverna
per la nostra rabbia interna ! "
.............................................
Risponden in cor
guasi tutt' j ascoltator:
" Sol per scavè
ce potrém sfoghè
e quand l'avrém fnitta
gambierà per nò la vitta
perché lavorand insiem
ce cnoscerém e ce vrém ben
Scaverém sol sa i baston:
sarànn la nostra liberasion !"
La collina prescelta:
Era dolc, sa poca vegetasion
era propi fatta per le lor intension
In fond a la colina c'era 'n ruscell
ch'acompagnava 'na corona de alberell
Intorne c'eren dle radur
e piò lontan dle altur
Spicaven le pietre sa i lor color
com fosser font de calor
Era tutt ma'l su' post, equilibrat
com se qualcun l'avessa preparat.
La caverna funziona:
Tla caverna giva la gent
a scatenè '1 malcontent:
entraven com i ragg matt
e arscapaven sodisfatt ...
daven dle gran bastonat
tun cle pietre ' inluminat '
e pò tutt' j pasava
e a la vitta normal artomava
dov tutt giva lisc com l'oli
dentra la capanna com de fori
tutt le angosc eren pasat
e ognun sa clatre viveva beat
En c'era piò el desideri da mnè
mo sol e sempre la voja da salutè
la caverna Magn'angosc
ogni afann tojeva d'adoss:
Quand'entrava un incasatt
tutti given via per lascial in pac
e lò malé dentra se scatenava
urlava, coreva e mnava
e quand aveva fnìtt
da sprigionè i su' conflìtt
artomava ti su' pass, tra la gent
e tutt spariva com fossa gnent.
Declino:
Cla caverna, per le nov generasion,
perdeva lentament la su' funsion
e la su' cura e la su' pulisia
era fatta de corsa e fugg via
perché, per i giovin, i su' frutt
eren ormai un att dovut.
dla caverna era franat l'ingress
le pietre eren cascat
perché le radic l'aveven solevat:
era dventat un macell
quell' che prima era acsé bell !
Ognun se giustificava
e ma i su' antenat pensava
arsentiva le parol, chi racont
del lavor da l'alba al tramont
per fé la caverna Magn'angosc
ch' j aveva levat le ansie da doss:
El prim schiafon è volat
apena dop dò o tre giornat
e pó s'è pasat al baston
alle ferìt, alle contusion
Di bordei en ne voj parlè:
èn statti i prim a buschè,
anch' le donn eren arabìtt
e aiutaven i lor maritt.
Purtroppo, tutto ritorna come prima
..................... nò saputon
ch' avém sostituìt i baston
sa i car armat e i canon:
en pensam mai ma Magn'angosc
ma cla caverna:
tant, nò, c'avém la vitta eterna !
mo Magn'angosc c'è ancora, è sigur
e aspetta da essa liberata da chel scur
per archiapè 'l su' lavor
de magnatric de angosc e dolor.
Io en so dì dov potrìa essa
mo so' tranquill, c'ho la certessa
che Lia sarà font de serenità e belessa ...