|
TIC TAC
Daniele Ambrogiani
Passa el temp, pasne i' ann
vann e venghen i malann …
ce scordam dle belle cos
quand tutt' era acqua de ros ...
c' arcordam sól d' quel ch' ce par
che de fatt en è 'n cas rar ...
passa el temp che a malapena
facém cas de cla cantilena ...
tic tac … tic tac … tic tac ...
ogni colp gió dentra el sacc ...
sensa veda che dietra d' no
ogni tic è 'n tac ch' en arvien pió …
ARPENSAND
AL PASSAT
Elio Bacchielli,
La mi' Urbin c' l' ho te'l profond,
tra le belle ch' c' èn al mond,
la pió amata, la pió cara
com 'na gemma splende rara.
Mett da part ogni tristessa
e arvìv la giovinessa
perchè tant èn le ragion
ch' me procur'ne emosion
per i ann ch' er'ne ancor poch
pió portati per i gioch.
Ogni angol m' è genial
a c'mincè dal Mercatal
e pó dopp t'la Piassa d' l'Erba
quand la vita era pió acerba
e d' ottobre ma'l Petricc
m' arcord ben, er ancor ricc
e pió p'cin Santa Lucia
do' è nat la vita mia.
E tra i tanti badurlìn
c' er'ne i gioch sa le palìn
e tra questi chiapparella
c' divertiva anca quella.
La memoria arvà lontan
a le castagn d' ippocastan
e a quand da nó bufava
e p'le strade se slittava
e ai tant ricord del Mont
c' fermavàm fin al tramont.
E arpens i temp antich
quei passati sa i amich,
le passeggiat sotta el logiat
e i schers e le burdlat
e i ball sa le burdelle
se stringev'ne ed er'ne belle.
E pó dopp, i prim amor
c' addolciv'ne i nostre cor,
e tant' atre bei ricord
ch' en de tutti, p'rò arcord
anch n' età pió tribolata
e non sól, pió rattristata,
per le cos ch' vann a l' arversa
e ogni intimità è persa.
Ora en ce se divert pió
de chi temp, sparit 'gni co'
e el gioc ormai è fatt
manca solo l' ultim att.
INIZIO PAGINA
LE
RONDINELLE
Elio Bacchielli, Pasqua 1997
Anca st' ann t'el més di fior
èn tornat le rondinelle
e arv'dém i bei color
del piumagg, èn sempre belle,
e c' arporten primavera
volteggiand matina e sera.
El vestit en è cambiat,
lor, en fanno le sfilat:
del color azur, ner, bianc
del model, en èn mai stanc.
Giorne d' festa e de lavor
'na sól cosa hann te'l cor,
preparè 'na bella cova
per depona dopp le ova,
dè alla luc i rondinin
armediè el pan e el vin
e aiutai a crescia ben
e a volè te'l ciel seren.
Un po' d'acqua te'l lór becch
e de terra, sotta i tett,
pian pianin fann la casetta
sempre ugual, p'cina e perfetta,
lasciand solo 'na finestra
per portè un po' d' minestra
che lór troven te'l creat
per le bocch sempre affamat.
E la sera fè ritorne
per stè insiem, a lór intorne,
fè sentì el calor de madre
la presenza anca del padre.
Maigne in ciel, stando per aria
ce purifichen anca l'aria.
Sempre pronte sotta el tett
quand' arvién San Benedett,
tanto brave cantatric
e provette migratric.
Quel ch' per nó è daver magic
è el perfett orlog biologich,
un gran sens d' orientament
che stupisce molta gent.
Pochi gramm è el lór pés
chi de nó l'avrìa crés,
volè tant in t'la lór vita
ch' è 'na cosa inaudita:
el percors, la terra‑luna,
per tre volt fan, che fortuna !
Coprì simile distanza
manch un jet de la Lufthansa.
I' le veggh da casa mia
fè le cors, filando via,
gir'ne intorne al campanil
d' San Francesch, segue el profil.
E se svaghen un bel po'
volteggiando só e gió
ed è un bel divertiment
e per lor, e per la gent.
Stann sa nó per tanti més
en ce costen in t'le spés
e ce tenghen compagnia
ce dispiace, quand vann via.
Tenden p'rò a diminuì
perchè l'ôm le fa murì,
non avendo tanta cura
per le sort d' l'agricoltura.
En hann b'sogn da gì alla scola
la natura, è la sola,
manca propri l'istrusion
che invéc hann i caporion,
e fann tutt le cos perfett
sensa riscontrè difett.
Efficac i mezz d' trasport
e lór tutte èn ben accort.
Mò allorquand el nostre clima
en è pió quello de prima
tutte insiem fann un lungh vól
per gì in cerca d' n' antre sól.
INIZIO PAGINA
I ARTIGIAN
Nino Cesaroni
Quanti ricord arvenghen alla ment
do' se viveva sereni e content:
t'la via, la piasetta, el rion
do' s'accomuna un grupp de person,
e do' ce divertivam sa tanti gioch
semplic e diversi, da spenda poch.
C'erne i artigian bravi e operosi,
un po' artisti mo generosi.
M'arvenghen alla ment i lór mestier:
el fabbre, falegnam e tapesier,
l'arotin, mecanich e calsular,
pó c'era ùn ch'faceva el botar.
Arsenti i lór rumor sempre ugual,
arie comun al mond universal:
la pialla o la sega circolar,
el batta del fabbre e del calsular
ch'acompagnaven 'na canson sguaiata
cantata a viva voc mo intonata.
Ogg sti artigian en se vegghen pió,
en svanitti, sparitti chi sa do',
assorbitti dai vari Ent local:
Comun, Università, Ospedal.
E per fè 'na cosa pió compitta,
anca la lór butega è sparitta.
Acsé s' he bsogn da fè qualch lavorett,
metta un chiod t'na scarpa o t'un
banchett,
se da per te en se bon da fal
te tocca chiapè e gì arcompral.
INIZIO PAGINA
LA FIN DEL
MOND
Nino Cesaroni
El maestre spiegava ma i scolar
'sa sucéd quant vien la fin del mond:
« Strariparan i fium, s'ingrossarà el
mar,
ch' inondarà la terra tutt a tond;
tutt i vulcan sputaran el foch,
se spianaran i mont e le città,
el cel s'oscurarà a poch a poch,
e ogni forma d' vitta morirà ».
Dal banch de dietra s'alsa per parlè
el pió sumarr dla class ch'vol dmandè:
«Sor maestre, data l'importansa,
chel giorne per nó sarà vacansa ?»
INIZIO PAGINA
EL
GIORN E LA NOTT
Gianfranco Colocci
Sal spuntà del sól
com 'na raganella, a ne cerch el calor.
Vag in gir tra la sabbia
a osservà e pensà.
Quand incontre 'na zingarella
che me chiappa le man,
e me porta sa lia a riscuprì
di bugh ma me vicina e 'na mucchia lontan
dai pregiudizi e dai volt' uman'.
Ce guardàm atravers 'i occhie
metém, insiem le nostre annime
èn limpide e chiar,
com'è un p'cin acquarol.
Mar de gioia e alegria,
com e 'l mond dla bona fantasia.
Non sempre chiappat,
dal genere uman.
Tutt d'un bott sparisc la luc;
el fantastiche mond s'arduc.
Arman el sconfort,
de chi dentra se sent mort.
T'la nott arvìv el sogn del giorne.
Quand l'incantesime del mattin
Sona com' un campanacc.
Acsì artorne ma l'antich, amat,
p'cin mond.
INIZIO PAGINA
CHISA' SE CE' ?
Antonio Fontanoni
Chisà se c'è
un pió important de me ?
Se diceva 'n baghìn
masticand el favìn:
Me laven
Me curen
Me dann da magnè
Me fann ingrasè
sensa fam lavorè
Me tratten propi da re !
Va' là, en c'è
un pió important de me !
INIZIO PAGINA
UN SUCHE'
Carla Galli
En è d'adess, è tant
che da Urbin vagh e vengh,
ben o mal sa la mi gent
i contatt i mantengh.
En c'è vol. 'na mucchia
per mett'se al corrent,
basta du' chiacchier e
se' i ultim avveniment.
Tutt ugual mo com el sól
porta via la guassa,
ogni tant manca qualcun
in gir per la piassa.
Dispiac sempre quant
perdi un po' de vita tua
sens'avéi mai parlat.
Sotta i torricin, l'azur,
i aquilon e l'aria chiara,
ognun fa i fatt sua
e a vléss ben s'impara.
Maché ste tranquill
vivi in mod divers,
en t'importa se fora
stann mei per altri vers.
T'el stommoch c' ho un suchè,
cor mia en fè immatì
sta bon e dorme che
d' matina tocca arpartì.
INIZIO PAGINA
A LA SERA
Oliviero Luslini
A la sera, quand fa scur,
en me sent pió sicur.
Me guard intorne, so' sól.
En c'è pió manca un fiol.
Lia è gitta via:
che torment la vitta mia.
INIZIO PAGINA
A Vincensin
Oliviero Luslini
O Vincensin
t'arcordi quand eri pcin?
Quand giocavam in t' un chi viculin
sa le castagn i tapp e le palin.
T'arcordi quand fregavam i pcion dla
piassa,
malé da la tu' terassa
sa chel particolar congegn,
frutt del tu' ingegn ?
I pción eren duri com i accident,
ma éren boni i nostre dent.
T'arcordi quand sotta chel murett,
che ce faceva da parapett,
stavam nascosti
e molt' accorti,
per freghè ma chi vecch,
sa cla moneta de carta atacata al fil ?
Mentre lór s' abasaven per arcoja
la moneta volava come 'na foja.
E no ridevam com i matt:
fugiven sfuriati tutt i gatt.
Adess t'arcord anca un fatt brutt,
e per dilla francament è stat un lutt.
E' sucess quand eravam grandi e grossi,
c'era cresciut anca el goss.
T'arcordi Vincensin
de cl' atre burdlin
che se chiamava Diegulin ?
Lo era pcin e secch,
i facevam sempre i dispett.
Pó da grand quand è dventat professor,
è sucess 'na robba che me dà ancora tant
tremor.
Lo en è pió sa nó,
è gitt Malasó !
Adess i salut ma Diegulin:
ce manca tant chel burdlin !
Adess salut anca ma tè
e te dich sa tutt el cor :
« O Vincensin,
INIZIO PAGINA
DATME 'N KILLER
Stefano Mancini Zanchi
Ce vrìa un Killer! Ce vrìa propri un
killer! . . .
Perché ? …
… Perchè vrìa masè un om !
Un om ch' me porta via lontan
da tutt quell ch' c'è d' bon
tun st' mond infam.
Me strascina gió t'el foss
Suchiandme fina 'l midoll
me plucca com' un oss.
E' un om che pian pianin
me sping sempre pió in là,
e che me porta a innamoramm
sól dle comodità.
Sotta el su' giogh, m'atacch tle
frivoless
perdend giorne per giorne
tutt' chi valor, ch' se sent a parle
spess.
Lavora sotta sotta, pian pianin
e io che i dagg retta me rovin.
E tenta d' lontanamm anca da Dio !
Mo quel ch'è traggich è ... che cl'om ...
so' io !
INIZIO PAGINA
I TERRORIST
Stefano Mancini
Zanchi
Fann rumor mostrand i dent
e de mezz c'vann 'i innocent.
Lór stann dietra t'el machión
mentre s'alsa el polveron.
Vojne tiena el mond in scacch
cla manciata de vigliacch !
Mo c'è 'n Dio anca per lor:
"all' inferne i traditor !".
El giudissi sarà dur
pió del nostre, stìen sicur !
E quand sarann tutti all'inferne
Pagherann!, Ostia s'pagherann !! … In
eterne!
INIZIO PAGINA
LA VITA DLA
CITÀ
Silvano Marcucci
Quand ancora era scur,
la cità se svejava
sa le filandar, i lattarol
e le bisoch che given a la Messa.
Otr' otra niven j operai,
j impiegat, j insegnant,
le donn a fè la spesa.
Pó arivava el chias di student
che given a la scola.
Per veda i notambul
bsognava aspetè mezgiorne.
Più tardi,
i rumor e j odor
riempiven i vicol e le strad.
T'i spias
i fabbre bateven el fer;
tle botegh, apert su la strada,
lavoraven i calsolar,
i sart, i barbier.,
i lattonier, i falegnam.
Vers le undic,
le donn, sa le finestre aperte,
El postin,
quand arivava 'na lettera,
chiamava da la strada.
C'éren di personag
ch'arichiven la cità:
Gneo, Rafailon, Jachmin el mat.
El "Gobbet" arcojeva le cich
sa ' na canna a punta.
Vendeva el tabach
ma'i contadin e ma i porett.
Quand èn nut fòri
le sigaret sa 'l filtre,
le bestemmie
arnuvolaven l'aria.
'Na volta a la stmana
niva da Péser el straciar.
Era 'n om gros
che girava per i vigol sa la bilancia
e 'l sach tle spalle.
Urlava da la strada:
« Avè i stracc donn, ooh ?»
Le cas éren piene de stracc
E subit el sach se riempiva.
Tut i dop pranz,
in quattre o cinq,
facéven el gir dl'osterie :
la via crucis. I santi bevitori.
Un litre a la volta,
beveven sól el bianch,
e bagajaven del pió e del men.
Só e gió per Valbona,
Lavagin e dintorni,
éren precisi
come Kant a Königsberg.
Allegri e coloriti
en daven fastidi ma nessun.
Éren dventati 'n istitusion.
Prima de nott,
la vita se concentrava
t'la piassa e sotta i logiat.
C'éren tutti:
studenti, operai, impiegat.
S'ammicava ma le ragas
e se discorreva
fin a l'ora de cena.
Pó arivava el scur
che girava intorne a le mura
e chiudeva le port dla cità.
Dle volt lampava sensa rumor
de dietra i mont;
la luna s'impigliava tra le nuvol;
lontan tra j alber
se sentiva el cant del chiù
ch'afondava el su'singhioss
dentra la nott.
Pian pian tle cas
se smorciaven le luc;
s' alentaven in gir tut i rumor;
cominciava a caschè
qualca gocina d'acqua.
Che nott tranquilla,
era ora de gì a let !
INIZIO PAGINA
SENSA MISURA
Elena Daniela Sgondea
Da l'arsura dla set
nasc la sorgent
tra i deti
bevi da l'ombra
el sentiment viv
vibra e s'inchina
s' butta cla Bestia
t'el sconosciut
sensa pesè le parol
s'fa contornè
cla Bela Bestia
vers la libertà
urla felic e subbit
butet gió crolla
d'là da l'ombra sacra
folgorant s'ripet.
Abrac l'Unìvers
INIZIO PAGINA
SUCESION
Elena Daniela Sgondea
Ho ereditet
el gran rimpiant
dal sól trop ferm
com un lellr
che trema
t'el sconosciut come
uguel t'el conosciut
con l'equilibrij guastet
è 'n altr pas
per gì avanti
t'la sostansa.
INIZIO PAGINA
TRA LA CROSTA E LA MULICCA
Maria Teresa
Spaccazocchi
Un pes de pèn ?
nisciun te l' nega,
provva a chiedle t'la botega,
te dirann:
«Fiol mia, l'ho fnitt
c' n' ho un pes d'ier un po' induritt,
te l' poss dè se te va ben,
s' no stasera, el magna el chen …»
Lascia pur che 'l mond el dica …
tra la crosta e la mulica,
c'è qualcosa d' diferent
per chi i dent
en c'ha per gnent !
INIZIO PAGINA
EL MI' AQUILON
Alessandro
Sanchini
Prima d'l' inverne,
prima del gel e del nevón,
preparavam la Festa dl' Aquilon.
Gió per i foss, in t'la spagnara,
se cercava la canna rara:
alta e ritta, gialla e altera,
che facessa da bandiera ma 'sta voja de
chimera.
E dop, pian pian sensa arvinalla,
se cminciava un po' a liscialla;
a falla fina e tutta ugual,
sensa i nod, com sa 'na pialla.
Quant n' ho rott,
quant n' ho sbecat de cle cann,
quant aquilon ho vist a casché
e quanti ancora ne volen dentra de me.
Ho voja de prenda un foi de carta,
'na canna secca malagió ma 'l Perle,
ho voia de caminè e infanghamm tutt,
de volè in alt o pichiè de brutt.
Com un burdell legat dietra un fil de
lana,
dietra un sogn, un pess de carta colorata
che pió del vent la fantasia tien in t'el
vol.
Com 'na foja gialla e rossa
che fnisc el su' vol ma splend in t'i
color,
prima che l'inverne arivi,
prima di nebión,
el voi butè in alt el mi' aquilon.
INIZIO PAGINA
LA DMENNICA
Antonio Sanchini
Ogni tant el pensier me va male,
è 'n chiod fiss, el so sa ce poss fè ?
A pensè da gì a scola el giorne dop,
en t' nascond ch' me cascava el mond
adoss.
Ci alsavam tutti cuntenti alla dmennica
matina,
ma San Francesc la messa, 'na visitina.
'Na pasgiata ma 'l pinc sa qualch amich,
e spess se 'vdeva la cagnetta e Menelich.
A seda, tutti t'i turion, 'na barzeletta,
'na risata e qualch schiafon.
Qualch festin cercavam d'organizè,
sa la speransa de poté tuchè.
Le colett ch'avem fat per un pò d'
martini,
era 'na cosa normal eravam sensa un
guadrin.
El temp pasava ed era ora da gì a cena,
arivavam a casa che babo c'era.
Ce guardava sa la faccia un po' incasata
e ce diceva: "Set stati in gir tutta la
giornata !"
Cl' udurìn de patat fritt e de fetina,
c' arcordava la scola del lundé matina.
Alla sera andavam al bar a veda la
television,
sa tutt le sedie in fila; che confusion !
Babo ce meteva tle man cinqu sei monet,
che doveven durè fin ch' givi a lett.
Se giva a dormì sa chel chiod fiss del
giorne dop,
i pensier s'affievoliven e se chiudeva 'i
occhj.
INIZIO PAGINA
UN
QUADRE DE MONDRIAN
Antonio Sanchini
Apre 'i occhj e un po' indurmentat
als la testa vers el sofitt
e ved dle lunghe sbarr
che formen tant retangol e quadrat.
Subbit m'è nutt in ment
un quadre de Mondrian tutt stilizat,
le su linee t'el spassi, che dinamismo,
che s'arfann al principi del cubismo
dentra sti retangol e quadrat
mancava 'na pnelata de color,
m' è bastat poch per capì
cle sbarre a cosa doveven servì
a spindulon c'eren dle grand tend
e Mondrian en c'entrava propri gnent,
eren tant separè dov la gent se fa curè
e 'na stansa d'ospedal dov la gent è
tutta ugual.
Mo el bell incmincia d' sera
tutti quanti s'dann da fè,
qualcun mett in posision
el bichier sa 'l butiglion.
Chi ha prés el papagall
e l'ha mess t'el cumodin,
c'è pó quel sa la dentiera ,
che s' la leva quand è sera;
el cuscin un po' più bass
la coperta un po' più in só
la lucina de rispett
per non fè la piscia a lett.
Questa è l'ora del concert
el trombon ha già incminciat
de rinfors c'è el bombardin
la grancassa e du' viulin.
El sega legna sai su' sgón
ha taiat cinqu sei pianton
un colp d' tossa e 'na scurgina
che completa l'orchestrina.
Dop tutt ste bel concert
tocarìa anca dormi,
me met gió, me gir t'un fianch
m'indurment com per incant.
En è manch pasat mez'ora;
una luc da luna park che rischiara tutt
l'ambient
tre dotor, sei infermier, quasi un
squadron
sa i carell e i lór bidon.
"To chiappa 'na goccia de cafè vér
che dop per te c'è un bel clister,
te invec en rida tant che ste bel
cateterìn
dop tl'infil t'el pistulìn".
"Cuchìn mia ma te t'è gitta ben
fè 'na lastra de sotta a pian terén
oh . . . scusa tant, m'er già dimenticata
anch'ogg purtropp te salti la magnata !".
A ste punt me chiappa 'na desolasion
ho 'na tristessa adoss e un gran magon;
è già matina, el sól le cos indora
en ho più voja d' sentì sta tiritera.
Chiud i occhj, do sfogh a l'imaginasion
chiapp un pnelle cminc a piturè la mi
pasion,
riemp de color i quadrat e i retangol,
de giall, de blu, de ross in tutt i angol.
Tutt me sembra più luminos,
più colorat com l'arcobalen,
e quest me basta
per essa più seren !
INIZIO PAGINA
A PASQUA
E A NATAL ARNOVA I PECURAR
Delfina Scoglio
Quant le rondin givne e nivne per fè el
nid
vleva di ch'era gambiata la stagion:
era ora d'metta via le scarp d'inverne,
la maja sotta, el capot e i calsetón ...
Nó burdelle eravam tute cuntent
d' arnuvè finalment l'abigliament
un bel soprabitin celeste o rosa
era quel ch' bramavam sopra ogni cosa.
E infatti era malé, dentra l'armadi,
apena fnit da cuscia da la sarta
che, a forsa da pruvè, da cuscia e
sdruscia,
aveva finalment dat la sentensa:
« Casca già ben e l'orle
en c'ha manch 'na pendensa ».
E le scarp? A falle nov propi en s'pudeva
…
mo se c' meteva man el calsular
che érne vecchie guasi en se vedeva.
Per essa propi fina e elegant
mancava sól 'na robba: un para d' guant.
La bursetina era malé da tant
e se purtava sól per cle ocasion
ch'en s'pudeva fè a men del vestit bon.
Tutt era pront e io tut' agitata
en vedev l'ora da fè la mi girata
sott' al lugiat opur naturalment
tun tutt chi post du' c'era un bel po' d'
gent.
La Pasqua era vicina e i vestit pront
mo "A Pasqua e a Natal" diceva un dett
"arnova i pecurar" e alora nó,
che credevam da essa raffinate,
s'anticipava un po' l'aveniment:
el giorne di "Sepolcre" finalment
pudevam arnuvè i nostre indument.
INIZIO PAGINA
L'ISCRISION A L'UNILIT
Anuska Severini
Ho gambiat la compagnia
C'è scapat n'antra poesia.
S'è decis da gì in pension
E c'ha prés la preocupasion
da riempì tutt le giornat
sa dle atività mirat:
prima el temp en ce bastava
pó avem vist che c'arvansava
e dacsé ce sem iscritt
tutte insieme all'Unilit.
Cert la sigla è altisonant:
Università Libera Itinerant,
mo arcòi quei dla tersa età
anch se arzilli in verità;
se poteva anca chiamè
" union de quei ch'en sann sa fè ".
Cercam tutte d' tience só
restaurand tutt quel c'se pó:
'na maietta un po' sgargiant,
un foulard svolasant
mo a la fin el risultat
en è mai del tutt scontat.
Sarà mei a precisè
C'ho parlat sól per schersè,
e qualcun potrìa pensè:
"En è mei ch' pensi per te" .
Sem seguitti egregiament
da un bel grup de docent
spinti a far le lór lesion
solament da la pasion;
quest el sa tutta la gent:
en riscoten propri gnent.
Dop l'impegn de tutt cle stman,
becchne sól batutt de man.
A ste punt voi dì tra i dent
qualcosina su i present.
L'interess de tutti è viv
e el coinvolgiment ativ,
quest gratifica i docent
ch' s'acontentne d' poch e gnent.
Chi coordina el lavor
ed el fa sa gran fervor,
è Anna Cola un insegnant
rafinata ed elegant,
ch'se sacrifica per tutti
e s'impegna perchè el cors
dia sempre buoni frutti.
Durant l'ora dle lesion
tocca ste in contemplasion;
se t'azardi a di qualco'
da davanti dichne "No !"
e sa i occhj te guarden brutt,
t' fann capì ch' arvini tutt !
Bsogna ch' resti bona e ferma
com se fossi t'na caserma,
un coment en se perdona:
mica sém a la Sorbona!
Tra de nó c'è un profesor
ch' s' intromett sa gran fervor;
chiappa in man le situasion
c'immatisc sa le istrusion.
Caro Sansio, t'avem vut come docent,
lasci gi d'fè el dirigent?
Pó c' n'è ùn ch'en sta mai sitt,
porta un baffo corto e dritt,
el su nom en el voj dì,
mo chi è se pò capì;
puntualizza ogni question
esprimend la su' opinion
mo en la dic 'na volta sola,
vol sempre l'ultima parola;
c'è da dì a onor del ver
ch'è ben vast el su saper;
l'esperiensa ha dat i frutt,
ló s' intend un po' de tutt.
Nella gita là a Bologna,
durant tutta la giornata,
c' ha seguitt una guida preparata
che con gusto e competenza
ci ha eruditi a sufficienza,
pó t' l'arnì s'è scatenata
e ha elencat un'infilata
de propost: lé per lé
tutte quante assai osé:
qualca gitta a tarda sera
da trascorra t'la riviera
sa un bel abbit scolaciat
e magari un distintiv
rafinat e sugestiv
o un diadema o un bel fior
da apuntè vicino al cor.
una dietra, più realista,
ha avansat 'n'antra proposta,
e a voc alta ha sentensiat:
"Un crisantem è più indicat !"
Sarà mei a lascè gì
anch se ancor c' n'avrìa da dì,
lascerò cl'altre sparat
a le prossime puntat.
Chiedo scusa per questo mio dire
e auguro a tutti un sereno avvenire.
INIZIO PAGINA
EL RUMORE
DI RICORD
Savina Vetri
Ogni volta ch' pass per san Pol
la mi ment en pol fè d' men da chiapè 'l
vól
e artorna ma tanti ann fa
quant sa la mi famija stav ma là.
I mur del vigol fan un gran rumor
me parlen dla Netta, dla Iole, de Chiador,
dla Lina, dla Tea e dla Maria
insomma, de tutta la mi' compagnia.
A chi temp vivevam tutti in comunion
per divertic en c'era bsogn dla
television
bastaven le storie arcontate dalle vicin
e fè 'n gir tl'ap de Dorin;
en c'importava d'avé la casa bella,
era già 'n luss fè 'l bagn t'la mastella
e d'inverne, perchè la bronchit en
dventassa cronnica
mettevam t'el lett el pret e la monnica.
En c'era invidia, en c'era gelosia
e dacsé pasava l'infansia mia.
Ma babo ch' ha vlut fè un regalon
la casa a 'n pian, la vasca, i termosifon
e per avé tutta sta sciccheria
tocava gì in periferia;
la chiamaven fortuna, i nostri vicin
potevam lascè el centre d'Urbin
e gì a fè 'na vita miglior
propri du' given i signor.
Ma quant la nonna ha chius per sempre el
mi porton
t'el cor en c'era contentessa, ma sól un
gran magon …
Ormai del vigol mia en c'è più gnent
se senten sól le voc di student;
qualcun è mort, qualcun è gitt via
già, a stè in periferia,
e intant el temp 'ni co' s'è portat via
ma i ricord, quei no, en ci pol rubè
nisciun
vivran sa nó, finchè vedrem el lum.
INIZIO PAGINA
LA CAPPELLINA
Massimo Volponi
Da cima 'l stradon
la cappellina era ardotta mal:
el lastron
dl'altarin era rott in du' part ugual;
l'immaginetta (santa Lucia? santa Rita?
en s'capiva da quant'era sbiaditta)
era inclinata, giust quel tantin
ch'era bastat a facc 'na cova ma 'n uc'lìn.
L'aveva fatta costruì la madre e la
sorella
d'un soldat in guerra: com'era bella !
El tettin ross, aguss
com un campanil,
sembrava du' man in preghiera
com un respir che, de sera,
chiedeva la protesion
per quel ragass al front ...
Per terra,
'na foto gricitta dal sól
sembrava bandonata ma 'l destin.
Sarà viv, sarà mort ?
Perchè ha da giochè dacsé sa nó la sort?
Petta la cappellina
un cepp de rosa canina
che d'estat la copriva tutta,
come un alber da frutta.
T'la casa vicina
dov, ogni mattina,
la madre pregava per el fiol,
adess ce abiten i student;
lór en san gnent
de sta storia,
a lór i basta la baldoria.
Sa san dla guerra,
del soldat feritt anca per lór,
che oggi pensen sól a fè l'amor ?
INIZIO PAGINA
LA MI RAGASSA
Massimo Volponi
Trent'ann: tanti auguri ma tutti e dó..
Oggi, che ognun va per la su' strada
e dop un po' gambia sa 'n'atra
com gnent fossa, perchè è più giovina,
io e te invec ancora insiem, da cla
volta;
e anca dman, so' sigur.
Qualca volta ho dubitat de te,
tra i tu' singhioss, i sbandament,
ma t'ho mai lasciata?
Me se piaciutta subbit, semplic, mai
truccata,
pulitta, acqua e sapon;
pcina, mo en te mancava gnent,
ogni robba al post giust.
En c'avev pretés, me bastavi acsé,
fatti l'un per cl'atra.
E la gent se girava a guardacc ...
Quanti viagg insiem, sa du' sold,
qualca volta sa chi atre
quasi sempre nó du' soli:
te sonavi, io cantav.
I prim tempi givam fort,
adess sém più prudenti, el temp passa ...
Ho cargiat dle burdelle?
En fè la g'losa !
Per famm perdonè
t'ho regalat i vestit e 'na radio,
ma preferivi che cantassa io per te, t'arcordi?
Se ridevi te s'illuminaven j occhj
e 'l vent niva a spass sa nó.
Quand mi padre t'ha presentata
me batteva 'l cor t'la testa:
che linea, che class, che nummeri !
E ogg, che ló en c'è pió,
me par da sentill ancora:
"E' la tua, tienla da cont ".
La mia 500, la mia ragassa ! ...
INIZIO
PAGINA
|