|
VIII° Concorso 2007: Prosa: racconti, indagine dialettale, cantilene... |
|
L'ERNIA D' GIGION
|
Segnalata per la prosa
L'ERNIA D' GIGION
Gigion, tutt' preocupat per chel dolorin che da 'n po' d' temp sent tra la gamba e…. e i minchion (tant' per dilla tutta ben ben e per fass capì) decid de gì dal dotor… “Sta tranquill|” 'i dic el meddic “ Per sta volta en mori de sigur! È sol un' ernia de quelle inguinal che convien operalla subbit per evitè complicasion.” Gigion ce pensa só e po' vist che el fastidi e le preocupasion del pegg en el lascne avé ben, decid de toja el pensier e va tl'ospedal dov per fortuna c'è un dotor che c'nosc ben e che 'i dà fiducia. “Car Gigion” i dice chel chirurg: “en te preoccupè che sta volta te facc 'na revision che ste ben un bel pess!” E insiem decidne la data dl'intervent. Acsè passne i giorne finchè ariva el moment de operass. Gigion prepara un gran borson do' c'mett dentra el pigiama (chel nov), du' maiett da sotta, sei para d' mutand (quelle d' fustagna), du' sciuttaman, la saponetta e quant atre che serve per stè via un mes anca se per l'ernia te tengne ricoverat sol un giorne….. La matina prest Gigion entra t' l'ospedal e se sistema ben ben tel lett e aspetta…. Dopp un para d'ora ecch ariva n'infermiera; el fa spojè tutt' nud, i mett 'na camicia de quelle ch' se laccen dietra com quelle d' forsa, el schiaffa tel letin e el porta via…. Fin a chel moment Gigion era statt abastansa calme “tant el dotor è un mi' amicch” pensava “sa me avrà pió riguard!” e la presensa de cla faccia amica el consolava abastansa… mo com s'è trovat tla sala operatoria, a veda tutt chi dotor ch' giraven sa la faccia coperta com s' fossa i banditt, ma Gigion 'i ha pres la fifa a novanta… Dopp calch minut de tremarella ecch ariva finalment el dotor amicch de Gigion pront per l'intervent. “Oh! Gigion! Com va la vitta?!” esclama el dotor… “Com vlet ch' vaga dotor, “ rispond Gigion tutt sconsolat “ved, ch' ho 'na paura dla madonna!“ e el dotor mentre s'infila i guant i rispond: “ma chi el dici Gigion ! vara ma me com me trema le man !!” ...
Stefano Mancini Zanchi Racconto presentato al VIII Concorso 2007
Era 'n pomerigg d'autunn; una de cle belle giornat luminose, ventilate, che te ricorden ancora l'estat se en fossa per i ram di alber ormai spoj. Per un come me che en soporta el cald afos era 'l giorne ideal per fè 'na pasegiata fin al cimiter e po' anca pió in só fina le Sciàn. Acsé me so' incaminat, apena magnat, gió per la piola d' san Bartol e po' sotta la volta del turrion; se risparmia parecchia strada! Dopp du' salt se' già rivat ma la croc, mo en ve nissa in ment de falla al contrari: è 'na salitta che te stronca !!. Chel pomerigg me so' incaminat per sta paseggiata; avev pensat ma 'n salutin ma i mia (i genitori morti ndr.) tel cimiter e po' gì pió in só a prenda un po' d'aria bona, quella che vien dal mar… e quand er stuff arvoltè e nì a casa e fè un paluss. Magari prima del paluss un bel panin sal prosciutt, el pecorin, un bichier de vin, de chel bon, e possibilment chel ner. Dett' e fatt, dopp du' minutt già traversav la croc (ancora en c'era le rotond come ogg che van ben per le macchin mo van mal per chi va a pied !) e via só per la strada d' San Donat che s'arampica prima in un leger acenn de salitta fin dopp la curva ma la chiesina del Crucfiss e po' continua ma l'acquedott; e po' un straptìn fina la piana d' san Donat da dov la strada se divid in du' strad: la prima a sinistra va tle Sciàn (passand per el chenion che gnent ha a da veda sa quell'american ansi en se capisc com la fantasia galopant de calcun 'i abbia affibiat ste nom). A destra invec la strada dopp pochi metre d' pianura forma 'na bella salitta che porta só ma san Bernardin e quindi ma 'l cimiter vicin... Insomma camina camina dopp vent minutt ecch so' arivat da cima e tel spiasal davanti a S. Bernardin m'arpos du' minutt a seda tle panchin. Me gust el paesagg, veggh la mi' casa pcina pcina, i giardinett dl'uspedal vecch e piò in là el curtil del vecch convent de santa Chiara quel ch'ha fatt Bramant ansi no Bramant, Di Giorgio Martini, o no…! Boh! So 'n cass chi l'ha fatt adess lé per lé, toccaria gì a documentass, mo quest mica è 'n trattat de storia dl' art ! se v'interessa ce giret voiatre a veda chi l'ha fatt, io me ferme a dì sol che è bell da bestia!!! E che nonostant la su' belessa per me è 'na spina tel fianc: quand el vegg sempre m'arvien in ment cla maledetta camera mortuaria dov chel giorne giaceva mi padre mort, el mi piant ch' se mescolava sa 'l chiass di burdei che tla lor innocensa en se rendevne cont de quel ch' me capitava, giocaven malé vicin ma i giardinett, ogg in malora ardotti a un cov d' maceri... Mo artornam t'i nostre pass, lasciand perda la malinconia che s' no ce perdemm. Donca! Tutt trafelat dalla caminata, mo ringiovanitt dalla belessa del panorama e dai mille color, (per en parlè po' del vent che scorassava tra i ram dle piant quasi a fischiè 'na bella canson de quelle che te fan cantè anca se te tira el cul…) me so rposat un cicin tel giardin davanti la chiesa. En c'è tanta gent intorne ansi, guardand mej me rend cont che en c'è propri nisciun. Guard l'urlogg, le quattre e 'n quart. “Sarà mej ch' m'incamin se voj gì tel cimiter prima ch' fa nott!” pens tra me e me e travers el cancell del cimiter. Guard intorne en c'è un can manch a pagall “è propri vera!” esclam ”en c'è anima viva tel cimiter, enn tutti morti per daver !” E mentre el vent continua el su' “motiv” vaggh só per le scal subbit a destra 'pena entri e chiapp la stradina che porta só cima tla part alta del cimiter. Me gir intorne so' sol com un can; per essa sincer me sent un po' inquiet, un po' stran, e mentre continue a caminè só ma 'l stradin sa 'l fiaton me cmincen i pensier, quei che mai te avrienn da nì tun cimiter. Insomma m'acorgh che me sta chiapand una cacaccia (Dla Madonna!!!! Modo di dire n.d.r.) Alora me cerch de famm coragg da per me: ”En avrè paura!” me diggh … “Guarda che fann pió mal i viv che i mort! Diceva mama…“ e intant el cor bateva sempre pió fort. Oh! Cla salitta pareva en fnissa mai !! El vent s'era fatt fort e anca giacc; sembrava ch' vlessa portè via anca ma me; insomma la paura cominciava a fass sentì e i cercav de famm coragg da per me: “ Mo tant' sarè stuppid?” e continuav a gì so sa 'l pass incert. D'un tratt la fila di alberell che costeggen la stradina in salitta fniscen e al lor post incomincia le tomb, quelle d' famiglia; c' n'é un po' d'qua e un po' d' là. Io continue a caminè e intant sa i occhj cerch da guardè da per tutt ansi me rend cont che staggh propri atent a che en ce fossa niscium, non tant de chi viv, mo che nisciun scapassa fora all'imporvis da calca tomba. E arpensav ma tutt cle storielle che s'arcontava de nott in estat quand se dormiva tla tenda, sa i scàut o sa i amicch ch' se faceva a gara a chi la sapeva pió spaventosa e le balle più gross dventavne verità che se tramanden ancor ogg tun cle occasion da 'na generasion a clatra. Insomma la paura chel giorne la faceva alla fin da padron e rischiava de arvinam tutt i progett. Mo ormai er decis, so testard io, abastansa … almen a gì só fina da mama che riposava incima vicina a clatra uscita. Man man che vaggh avanti tel sentier ecch alora che el vent daprima fort se sitisc. Al su' post ariva un vociare da prima lontan po' sempre più chiar. Pareva un grupp de ragass che ridevne tra d'lor com se se arcuntasser le barzalett ... Mentre camin me vien da gusè i urecchj e cerch de metta a foch la diresion da do' arivne sti rumor lontani, ste risatin, sti schiamass. “Tant en pol essa …” pensav “che i burdei venghen a giochè tel cimiter !”. Epur ste chiass era sempre più chiar, più vera e sopratutt piò vicin. El cor me batt fort fort, colpa de tutt chi pensier de prima; cerch de ste calme e de capì da do' vien ste benedett bacan, mo pió cerch da calmamm e pió rischie el colass. Già perchè ben prest me so' res cont che tutt chel chiass scapava da 'na tomba ma le de front. En c' credete? Ch' dventassa gatt !! E pió me par imposibbil e pió me sembra vera, me ferme a ragionacc, mo sent de non sbajamm…. Era 'na capelina sa 'na porticina aperta e da ma lé scapavne chi rumor che prò eren bei, eren pieni de alegria, en era gent ch'sofriva, eren contenti, mo pro ... Calcò en quadrava... Sarà statt calchi spiritt burlon ? O sarà frutt d' n'indigestion ?! Chisà, trovatla vó la spiegasion! Io, per quel che me riguarda me so' pres un bel spaghett… e so' fugitt sitt sitt com 'na putana…. Pien de paura ho arpres el vialett de corsa al dingiò, ho traversat el cancell e sempre d' corsa ho arpres el stradon… dopp cincq minutt er già ma 'l torrion e sol da sopra el mur me so fermat, un po' per prenda fiat e ragionè de quell ch' m'era sucess…. En c'arcapsav nient e naturalment en ho trovat nisciuna spiegasion: me sarà pars? Sarà statt vera? Boh! Chi el sa! 'Na robba è certa! Che per un bel pestin quan vlev gì a trovè ma i mia pasav de sopra dal cancelin più pcin; un salutin ma mama, 'na preghierina corta e po'….. Via !!!
|