|
LUDIUS o
COROSEDUTO
Anonimo
Urbinate residente fuori di Urbino, extramuros
L’AMOR NEGAT
di Ludius,
anonimo
C’ ho set, ‘na set
tremenda del tu ben
mo da te en me vien
atre che arsura
perché, trista, fè
crescia le mi pen
secand'me la tu font de acqua pura.
Vria essa tua, entratt
dentra le ven,
parlè sempre de te, mo
cred’me è dura
per la disperasion ch’
da te me vien,
per l’angoscia ch’ me
dè, per la paura.
Donca sto sitt, sto
sempre sitt e pens,
e ‘l silensi facc
finta ch’ me protegg
da tutt ste gran dolor
ch’ me chiappa, immens:
mo dentra, dentra i
staggh sempre pegg
chè
l’amor vers de te è tropp intens !
chisà, porett,el cor
per quant me regg!
INIZIO PAGINA
CONGEDO
di Ludius,
anonimo
Ecch, adess cminc n'antra
impresa
d'arcontè ma vo', in
atesa,
tuti pronti, machè,
atenti,
di gran fatt e
avenimenti.
Cercarò de fall in
rima
per avè la vostra
stima,
e pó – robba piò
tremenda! -
se 'n el facc, adio
“Agenda”!
C' ho da dì, a onor
del ver,
ch' spess so' armast
da pied al per!
En vria cert chiapè el
post
né del Tasso né dl'
Ariost:
in confront a chi du
“vat”
i' so scriva sol
sciapat,
mo stavolta, ve 'l
confess,
voj sforsamm,- almen
adess!-,
tanta granda e tanta
seria
potria essa la
materia.
Ecch , incminc...-mo
sa suced?-,
tun quel ch' facc
manch' i' ce cred!
Gir la penna, guard el
foj
(poss parlè de tutt
quel ch' voj!)
scriv, coreggh,
arscriv, cancell,
po me ferme tel piò
bell:
pens ancora, arcminc
de nov,
facc e arfacc un
scrull de prov!
Me dispiac... car la
mi gent...
mo en c' arcapess piò
nient...
e dacsè...de
conseguensa
ve rivel quel che 'l
cor pensa...
(e donca...)
...vria butè giò du
vers per di' calcosa,
parlè magari d' qualch
aveniment
ch' riguarda Urbin, la
su meravigliosa
storia pasata o anca
cla present.
Per concentramm guard
fiss 'na bella rosa
machè tl'aiola dietra
'l monument,
da cima 'l Mont: c' ho
l'aria anca “pensosa”,
mo da la testa en me
vien fora nient!
Sa ce poss fè, la vena
s'è secata
e alora è mej ch'lasc
perda s' no va a f'ni'
che, invec de qualca
rima un po' ispirata,
scriv poch o nient
perchè en c'ho nient da di'!
Me niria fora sol che
'na “casata”!
Ludius, mett giò la
penna e lascia gì!
INIZIO PAGINA
EL SENS D'LA VITTA
di Ludius,
anonimo
C' ha temp, e mod, e
forma e anca misura
el sens, quel natural,
ch' sempre s'inclina
dentra ognun de
noiatre, in tl' avè cura
de chi tel mond ti
stent viv e s' strascina.
E piò c' darem da fè e
men paura
c' avrem tel cor, e
piò ce s' avicina
ma chiatre, dventa
sempre piò sicura
la cosciensa. Mo chi
piò e piò s' ostina
a pensè sol per lo,
per la su vitta,
s' artrovarà soltant
in t'una trista
noia ch' s' trasforma
in t' 'na pena infinitta.
E com la luc un sens
dà ma la vista,
anca l'amor a viva mej
c' invitta.
Chi acsè farà godrà d'
'na gran conquista.
INIZIO PAGINA
EL
TEMP BRUTT
di Ludius,
anonimo
Quand in Urbin el temp s'mett vers el brutt
-
e quest cappita spess, credetme pur -
la
gent va in cerca d'qualch andron asciutt
per riparass o s' mett rasent i mur.
E
fin che 'l piova en è pasat del tutt
per l'aria en senti atre che i colp dur:
e
soltant quand el sol tel ciel è arnutt
e'l chiar s'arved intorne, dop el scur,
la
testa armetten fora le person.
La
vitta archiappa sotta 'l ciel seren,
per goda finalment del nov temp bon,
el soris in tle facc pian pian arvien
mentre qualcun se sping fina i torion
cercand, magari, in alt, l'arcobalen!
INIZIO PAGINA
LEOPARDIANA
di Ludius,
anonimo
Ognun de no', quand
spera, è tel futur,
chè 'l pasat sa'l
present è pers del tutt
tel scorra lent del
temp ormai matur
che 'n lascia traccia.
Le or e i minutt
van sensa requie vers
n'orizont scur
che ce spaventa e
ognun fa trist e mutt
per la paura, d'la de
chel grand mur,
del mal che prima o
dop sarà visutt.
De qua 'l seren par
ess'ce, el giuste e 'l bell,
de dlà disperasion e
noia e mort,
tra mezza el nient,
com un pesant fardell
ch'c' portam adoss per
quel ch'c'ha dat la sort.
Quest è 'l destin, ch'
ogni om ce fa fratell,
sensa guardè com'è,
debbol o fort.
INIZIO PAGINA
|