Confession d'un compleann
Roma, 30 gennaio 2007

Nov decin più anni un
messi insiem fann novantùn.
Bell 'ste nummer rovesciat !
tutt' un antre el risultat !

Ogg me trov sa 'n ann de pió,
un de men ch' me tenga só.
M' h' aiutat la Providensa
che mai m'ha lasciat sensa

e m'ha dett de righè dritt
fin a quand en sarò fnitt.
'I ho chiest sempre perdon
cercand d'essa un omin bon

El traguard do' so' rivat
en é d' molti el risultat.
Quand la rota fnirà i gir,
d'ognun quest è l'avvenir,

girem tutti in via dei lutti:
la sol cosa ugual per tutti.
Per non prenda l'abitudin
de soffrì in solitudin

succed sempre che i malann
fnirann sol sa'l fnì di ann:
già per nascia è cosa dura,
pó morì ... 'na fregatura.

Molt me fann i compliment
pe'l mi' bon invecchiament:
quest'è vera, el cor è bon,
com s' comporta è un galantom,

e listess è pe'l cervell,
mò le gamb en tremarell:
quand affront 'na salitella
mett la prima e 'l riduttor,

ancha sa l'aiut de quella,
i' da cima c' ho el sudor.
Pens alor quand s'stava mej,
mo' a chi temp sermi burdei!