UN INCONTRO - RICORDI

Urbino, 14 settembre 1996

Ormai è un fatt del tutt normal

ne parlen ogni tant anca i giornal

la voia d'incontrass, dopo tant temp,

arvedse, stè insiem, essa present,

le gamb malferme t'nutt sotta el tavlin

e beva alla salut un gocc de vin

intorne a una tavola imbandita

per festeggè che ancora sêm in vita.

Elenchè tra de nó le nostre storie

che en èn sol belle e le cui memorie

t'nutt in cont del temp ch'è già passat

e in qualche incontre, avem anca arcordat.

Eravam tanti e sêm ancora el doppi dle man

de nummer, anca se pian pian

la fila dei present s'restringerà

ma questa è la sort de chi ancora è de qua.

Che bei moment quand c'era la giovinessa

che nessuna cosa supera in bellessa.

Da p'cin, c'accontentavam propri de poch

e la sera stavam vicin al foch,

a guardé la fiamma sa le su' scintille 

che en contavam mò erne piò de mille.

Cresciuttì, avem c'minciat a stè fora la sera

che era tant bel, entrand la primavera (dla vita),

i prim sospir e pó i primi amor

ch' riempiven d' teneressa i nostre cor.

Pó è nutt la guerra e ha portat via ma tutti

e sol i fortunat en un po' per volta arnutti.

La vita dopp c'ha sparpaiat p'el mond

e c'ha fatt veda quanto ló è fond.

Ogg sêm aché, de pió de quattre gatt

pió o men contenti de quel ch'avem già fatt.

Avem da ringrasiè ma 'l Padreterne

se ha fatt vincia ma noiatre un gran bel terne,

essa seduti ancora in ste bel giorne

riuniti e ben contenti, tutti intorne.

Ce sêm trovati a nostre ag' insiem

passando un momento de seren

che c'ha arcordat che un temp ermi burdei

e adesso stam d'ventand quasi mei.

Cert, vivem sa un po' de nostalgia

pei giorne che se vegghen a gì via.

Sta sorte prò è propri ugual per tutti

t'nemce i piacer alora e allontanam i lutti.

Sia de sprone ancora l'amicisia

ch'avevam nó mantenut in tutti sti ann

cercarti d'avenne ancora con dovisia

e de st'incontre tutti c'arcordam.