LA VITA CHE CAMBIA

7 giugno 1997

Quant'è brutt a dventè vecchj

en funsiona pió i orecchj

e pó anch qualc'altra cosa

quand la vita ormai riposa.

Per qualch guai de la tu' vista

c'è el dutor, come un artista,

te fa mal un po' la schiena

la spalliera toi la pena,

se 'n funsiona ben el cor

c'è l'aiut d' un correttor,

dol un bracc oppur un pied

c'è rimedi e presto s' ved.

Se s'ammala un polmon

per cambial c'è chi fa don.

Quanti bon migliorament

p'r' arginè 'i inconvenient.

Ogg s' ha cura piò del corp

e su quest en s' pò de tort,

l'esistensa s'è allungata

e la fin, allontanata.

Piò efficac le medicin

prò ce costen piò guadrìn

mo se ved el risultat

e el mondo è cambiat.

Sol per 'n antre cambiament

ogg 'en s' pò fè propri gnent,

el progresso della sciensa

en è ancora a conoscensa

d'un miracol, d'na ricetta

pel malat, ... ch' bsogna ch' aspetta.