LE MESS IN SUFFRAG

1998

Presentata al I Concorso di Poesia Dialettale  Renzo De Scrilli

S’arconta di un curato de città

bsognós de sold per oper d’ carità

che ma le vedov ha dat ‘n insegnament

per fè tutti i lór sposi pió content.

I angel i chiaparan per i capei

per portai in alt do’ se  stà mei.

Ma per artrovass lór tutti a miglior ag

bsogna fè dì le mess a lór suffrag.

All’invit hann aderit tutt cle por donn

Cavand da le sacocc dle belle somm.

E’ subitt aumentat per ló el lavor

e dle moi le preghier con fervor,

consolate, sé, ma sempre avvilit,

per la perdita crudel del lor marit.

Una d’ lór en ha propri acettat

e in attesa d’ chiarimenti era ’l curat

ch’ asptava de sapé perchè en ha dett d’ sé.

De rimand i ha rispost propri dacsé:

«En s’ arcorda che ‘l mi òm era tutt plat

i  angiol, in alt, com l’avrien portat ?»

La replica en ha tardat ad arrivè

per dimostrè non vér el  su’ perchè.

« Invec da tiral só per i capei

per i corne, el chiaparan, per fall stè mei.