PER UN COLLEGA CHE VA IN PENSIONE
Presentata al XI Concorso 2012

Anca te finalment
Dop tant' ann de dur lavor
È dat l'adio ma i "aliment"
Che vendevi per cont d'lor ...
Se stat brav tel tu servissi
E adess godi el benefissi
D' fè la vitta da pensionat
E' un ripos meritat.
Sa la faccia sorrident
Te servivi ogni client
Anca quei che ogni tant
Fan rabí anca ma i sant.
Sempre calm, paciott paciott
En t'incassi manch sa i casott;
brav e bon da fè ogni cosa
se s'rompeva anca qualcosa
l'arcmdavi e tel pió bell
favi el manich ma 'l cortel !...
In tla testa sempre el brett
Sia d'inverne che d'estat,
dic chel porti anca tel lett
qualchedun c'ha arcontat.
E' paura dle malattì
Ch'ogni tant te fan sufrí
Mo el più gross incovegnent
Vien dal "tub de scappament" ...
C'è la mania dla toccatina,
'na caressa sa la manina,
mo sa clia tle panchin
en 'i givi manca vicin ...
Adess sé 'n liber cittadin,
pó durmi tutt le matin,
gì a spass quant te par
sia ai mont che al mar.
pró en te nissa in ment tla testa
da comprè n'antra vespa
per gì a fnì a rutilon
e arvendla s' en se' bon ...
bada sol sa la consort,
la fameia e vanga l'ort
sa chi attress rinovat
che no t'avem regalat.
Adess l'auguri ch' te facem
noiatre tutti insiem
è 'na vitta da pensionat
tranquill e beat,
sorident e gioios
godend el meritat ripos.