|
DU URBINAT IN
PIASSA
di Nino Cesaroni - Urbino1986
Presentata al V° Concorso 2002
Pasav in piassa una de ste matin
quant ho sentit chiamam da ùn d'Urbin,
m'ha dett: "Te ch' se' d'Urbin, nat tra sti mur,
com del rest so i', e te el sê sigur,
guarda maché intorna se se' bon
da trovè ùn come nó tra ste person,
ch' sia un ver urbinat al cent per cent,
è 'n pess ch'i so maché mo en ho vist gnent!"
Per fal cuntent e per curiosità
ce sêm méssi tutti due a indagà.
C'era 'na mucchia d' gent in t'la piassa
e me pareva impossibil ch' en c' fossa
un dla nostra rassa.
Avém pasat al setacc parecchia gent
mo de ver urbinat en s'è vist gnent.
Ogg le città s' èn imbastarditt
e anca el dialett
la stessa sort ha subitt.
Tra estramur, student e forestier
ùn d'Urbin en el trovi per daver.
E dacsé in chel moment bsognava dì
che in piassa c' n'era sol due: lò e i'.
Pubblicata in proprio in "To' chiappa" - 1986 -
Urbino
|