|
EL
RAFFREDOR
Pubblicata ne "I quattre
vent" n° 2 - 1981
Se chiappi un po'
de fredd, spec' tl'inverne,
te poi salve soltant el Padreterne
da un d'chi raffredor propri arabitti,
noiosi, fastidiosi e ben cunditti...
Te senti pian pianin a sfrussichè
so e gió pel nas sensa lascè andè,
cmincen a scenda gió i lagrimon,
se riemp el nas de tutt chi mucicon;
'en ne pò piò, corri ma'l fasulett,
cerchi da chiapè el nas da strett,
ormai è tardi, en c'è piò gnent da fé',
è'1 raffredor...e cminci a stranutè:
E..pei, e..pei, e..pei, ne fé sei o sett
che già en te basta piò un fasulett,
soffi, stranutti, tossi e arsoffi,
stranutti, tossi, soffi e artossi.
Corri a compre qualch «sprait» nasal
o qualca pillola antinfluensal,
mo è tutta robba che fa poch efett,
per el raffredor e'voi sol el fasulett
che sia sempre pront in tla sacoccia
per cerche de non fé cade la goccia...,
perchè se'n c'è nisciun en i fa gnent,
pro armani mal do' c'è la gent...
Ha dett 'na volta un tal ma 'na signora,
che cucinava sa la goccia d'fora:
«Se vlet ch'io stia maché a magne
prima voi veda ma do' va a caschè!...
Cert che'l raffredor è'n bel fastidi,
en te dà pac' e non c'è rimedi;
c'è chi die': «Tropp è pegg 'na malatia!»
Mo ma chi el dic'i daria el mia,
che quant el chiap dagh 'na cunsumata
ma sett,ott fasulett in t'na giornata;
piscia com quant se spanna un rubinett,
sia de giorne che de nott tei lett;
scappa dal nas,
da i occhi e da i urecchi,
me tocca tiena la testa sopra'n secchi,
toss, stranutt, face' qualch strangulon
e in mezz ce scappa qualch maledision,
com s'vlessa piccichè el mi raffredor
ma qualch pess gross o ma qualchi sgnor,
mo en è bon gnent e com sopra ho dett,
speram d'armedialla sol sa i fasulett.
|