LA  NOSTRA  VITA

Presentata al I° Concorso 1998

La vita è ‘n pasagg tun ‘sta terra,

‘n attraversament d’un camp de guerra,

d’un prat fiorit o d’un desert,

mo alla fin è sempre quella, sta pur cert.

Quant se’ pcin e porti i panulon,

al temp del Battesim e Comunion,

per te la vita è ‘n divertiment

perchè ancora en capisci gnient.

Da ragassin cerchi da fè ‘l grand

perchè en porti pió cla spec d’ mutand,

mo c’è el slip e la canottiera,

e cerchi d’avè n’ aria pió austera.

Da giovin:  ‘st’ età intraprendent,

cerchi da sciupalla come gnient,

sa la voia da crescia ‘n antre po’

per fè chissà cosa ... en el sò !

Quand cminci a dventè abastansa grand,

e porti la maia e le mutand,

cerchi da nasconda qualch annett

mo c’è le gricc ch’ te fann i dispett.

Quant se’ vecch: te vanti di ann pasat,

dicend: « Fina maché ce so’ arivat!»

sa la maia dla salut e mutandon,

e per camminè ce vol anca ‘l baston.

E quant el sol è git gió tra i mont,

lasciand un strascicch ross all’orizont,

se fa sera e incmincia a imbrunì,

vòl dì ch’ la tu giornata stà per fnì.

Alora essend prossim alla sepoltura

t’ acorgi che la vita è tutta ‘na fregatura.