LE MURA D'URBIN
di Nino Cesaroni - Urbino, 1995

Antologia nel IV° Concorso 2001

Finalment se ved Urbin
circondat da le su' mura
ripulitte per benin
da tutt chi bosch e cla verdura,
che cuprivne ste cinturon
fatt de mur e de turi.

A vedla adess è 'na blessa
sta cintura d' madon antich,
ch' dava vant e sicuressa
ma Urbin e ma Fedrich,
che partend dal su' palass
per le mura giva a spass.

A cavall tel su' destrier
giva só vers la Fortessa
sa l'aria da guerrier,
a ispesionè la soldatesca,
perchè c'aveva la mania
d' fè la guerra ma chi sia.

P'rò adess se vò girè
tutt intorna ma ste mura
c'è di punt ch'en s'pol passè
perchè occupati adirittura
da privati cittadin
sa ort, capann, giardin ...

Mentre invec sarìa 'na blessa
ripristinè el caminament
dal Palass alla Fortessa
per fè in mod ch' passi la gent,
ch' vol gì a veda chel coloss
dla Fortessa d'Albornoss.

Mo purtropp anca quella
è chiusa da 'n dell cuncin,
e nisciun cerca d'aprilla
perchè pare che in Urbin
ce sia propi sta mania
de lasciè le cos com sia.

Anca la statua d' Raffaell
ch' è malé poch lontan
è ardotta un macell
impiastrata de verd rame.
Dopp cent'anni ch' l' hann manitta
tocca dj 'na ripulitta !

Intant per consolasion
l'hann schiafat t'un mezzmilion.