|
Nino Cesaroni Urbino |
|
Nino Cesaroni |
|
|
LA PELL DL'ORS Pubblicata nel V° (2001)
La gent d'un paés era tutta impauritta perchè t'el bosch vicin c'era 'n ors ch'la terrorizava e tutti aveven paura da scapè da casa. Un giorne èn capitat t'la locanda du' giovin cacciator che, avend saput dl'ors, hann dett ma l'ost : «En ve preoccupat ch'ce pensam nó a fa la festa ma st'ors e sa la su' pell pagarém el vostre cont !». E in tant magnavne e bevevne a stuff. La matina dop s'en fatti insegnè el post, en gitti decisi t'el bosch, hann girat da per tutt mo l'ors en l'hann vist. Dacsé en gitti avanti per du' tre giorne magnand e bevend a scrocch, perchè tant en c'avevne manch un sold tle sacocc mo avrìen pagat sa la pell dl'ors. Un giorne, mentre giraven per el bosch, ecca ch' i scappa fori d'improvis st'ors ner, gross, alt ch'pareva 'na cerqua, ritt tle gamb de dietra e infuriat. Un de sti du' cacciator ha prés el fucil e ha sparat, mo sicom tremava dalla paura, acsé el colp è gitt a vot; alora s' è mess a fuggia e ha fatt a temp a rampicass t'na pianta nascondendse tra i ram. Cl'atre ha fatt foch lustess mo el fucil 'i ha fatt cilecca e non avend avut el temp da fuggia per montè t'na pianta, perchè l'ors 'i era ormai adoss, ha pensat da butass stés per terra facend finta da essa mort, perchè aveva sentit a dì che i ors ma i mort en i tocchen. Infatti l'ors ha fatt un gir intorne a quest, s' è avicinat sa'l mus t'n urecchia e pó è gitt via per el bosch. Cl'atre ch'aveva vist tutta la scena e dop ch' s'è asicurat cl'ors era sparitt, è scés dalla pianta per gì a dmandè ma cl'atre: «'Sa t'ha fatt cl'ors t'l'urecchia ?» quel 'i ha rispost: «M' ha dett che la su' pell en s'pò venda prima de avella presa !». Questa è la morale della favola e anche un vecchio proverbio.
|
|
|
Nino Cesaroni Urbino |