SIT DEL MI URBIN

suoni - rumori - voci e persone di primo mattino

A la matina arsent la mi' campana

che per prima rintocca a San Francese,

e quella piò lontana

de Santa Caterina

e po' quella d' San Serg !

E dal rumor di pass

giò giò per la stradina de bon'ora

arcnosc la gent ch' va fora

per i so' fatt . . . e la voc di vicin

quella de Pungolon e d' Leoncin

ch'arentne in discussion

s'el temp arfarà trist o s' farà bon !

Ecc, atacne i motor

dle corrier che van giò per Pesre e Fan

e apena spunt' el sol

le scarp del latarol

che sal su' tamburlan

fa un rumor special

mentre a bass, tel giardin

dal polar, le galin

sa l'antra, quà quà quà,

reclamnen da magnà!

M'als anch' i' de bon ora

e da casa vagg fora

ad incontrà per prim

quasi sempre Gagin

e piò in là Roboam

sa 'l giornal in t'le man

e sa chi occh stralunat ch' metten paura !

S'avansa la figura d' Sor Antonie

che pien de cerimonie

me cerca de spiegà

cosa dic l'Unità

ed un nombre m' ne dà

quasi sempre aretrat,

forsi pensand ch'en so' tant avansat !

Ariva de gran fuga e mezz sfiatat

intant Ughett

ch' me fa veda el brodett

e po' Brenno ch'artorna da la spesa

per daver matutina

e me cmincia a parlà dla su' fiolina !

Dop, sensa tante storie

cominc in piassa el prim ambulatorie !

Anca per tutt ste cos

e non soltant per quelle mravios

ce sto ben t'el mi Urbin

Amir i grand, mo voi pió

ben ma i pcin.