LUCCIOLE

Ve' !! . . . guarda le luccle, mamina !

Fam fam la sactina

de mussola bianca . . . valà?

O quant lucciolin

t'la cambra voi metta

da pid al lettin

a fa da lumin !!

Lucciola, lucciola, calla calla !

M'arcord che 'l Profsor

quand'ermi in Liceo,

parland di bordei

in Grecia e di lor giocarei,

" Alora ed adess

i gioc di bordei en semper l' istess "

- diceva – " Kalή, bella bella

Kalή, calla calla,

corevne de dria ma le luccle

cantan e chiamandle l'istess

alora ed adess,

mettendle de dentra al sactin

da pid al lettin

a fa da lumin !''

Ch'el foc e chla luc

che vien e che va,

ch' s'acend e se spegn

ch' s'inalsa e s'abassa

portat qua e là

in t' l'oscurità,

adess en è piò misterios !!

Se cnoscen tant cos

ch 'na volta erne pien de mister

mo alora, com erne piò belle

com favne piacer !

Un fior, un uclin che cantava

'na lucciola d'or

ma'l cor i bastava da pcin,

bastava un sactin

de luccle da pia del lettin

a fa da lumin ! . . .

Adess ch' ne savem tant e gnent

chi è piò content?

E ditme un po' só,

chi è che god piò !?