LA MADONNA DELL'UOMO

Ho dovut arcercalla la stradina

pr' artornà giò ma la Madonna dl' Om,

tutta nascosta com la Chiesolina !!

En potev artrovalla! . . . quand' ho arvist

la siep d'acac ch'era tutta fiorita,

a man dritta chel grepp infalascat,

verd, de margaritine trapuntat

e d' botoncini d'or . . . me so' artrovat !

Me guidava el profum, la luc, un son,

un cant lontan come de litania,

e so' gitt dritt da la Madonna dl' Om !!

O Chiesolina fatta per pregà

com l'atre Chies, mo mei ch' in t' l'atre Chies,

ho sentit propri el bsogn d' nitt' a trovà !

En c'er piò nut da pcin, quand per el Mes

de Magg, ce 'niv insiem sa la mi' Mama

che m'arcontava com 'na storia strana

d'un tal ch's'è sprofondat in t' la stradina,

per avet ingiuriat, o Madonina !

Madonna dl' Om, o quanta, quanta gent,

en te cnosc, en t' vol cnoscia né arcordà !!

Ma un giorn vnirà, 'nirà cert el moment

che, come me, 'sta gent artornerà

comossa, inginocchiata d'vanti a te

muta, pentita . . . e tu perdonerè !!

Ed anch'i tornerò, Madonna dl'Om,

perché avrò ancora bsogn del tu perdon.