NEL CONVENTO DI SANTA CATERINA

Me fermò la fatora, e: " Sor Dotor,

c'è 'na monica a Santa Caterina

che sta mal da un peztin ! . . . Un brutt lavor !

per piacer, vol vni a facc 'na scapatina ?!"

"Andam, andam ! " Quand sem in tel porton

lia tirò pian pianin el campanell !

Cla gran pac fu turbata da chel son ! . . .

Sentii, più tardi, un pass leger e snell

che s'accostava . . . silenziosament

s'aprì la porta ed una monachella

aparv sa 'n campanlin: ed umilment

me dissi " Avanti ! ". . . Andai de dietra a quella

pr' un coridor lung lung . . . e scampanlava !

T'el cor dla Chiesa alzavne un cant gentil

l'altre sorelle insiem: e quella andava !

Fora., splendeva el tepid sol d'April !!

T ' un cameron, copert da un baldachin,

un lettin bianc, e dentra 'na sorella

più bianca di' lensol de chel lettin !!

" Dotor, me disser, la malata è quella !"

Te guardai con pietà: la febre ardeva

eri 'na fiamma accesa ma'l Signor!

Una luc viva in t' i occh te risplendeva:

el splendor dla tu fed ! Dicesti: "Mor ! "

" En s'affatichi, en pensi" , " m' hann chiarnat

(e sa 'n dit festi un segn sò vers el Cel).

È volontà divina ed è pecat

opors a questa ". . . ed abbassasti el vel !!

Da la Chiesa, la voc d'le tu sorelle

s'alzava dolce e comoveva el cor !

Cantavan tutte le lor preghier più belle

pr' acompagnat, sa quelle, dal Signor!

Oh monachella bianca ! Te passasti

calma, serena e tutta speranzosa !

E prima de spirà me riguardasti

sa la luc di tu' occhi luminosa:

po' lentament el sguard al ciel levasti !! . . .

Presi dal comodin alor 'na rosa,

t' la posai sopra el lett. Te te voltasti:

un soris ! . . . e po' fredda e silenziosa !!