ORTO DI CASA IN INVERNO

Do prac'tin de spinac ch' nascen adess

e vent bugh de pisei ch' spunten apena,

timidi, ratrapit, ch' fann guasi pena

qualch palla d'cavi, boni da fa less.

El per, el succne en come ischeletrit

e sol el gall, canta de bona lena

fra le galin ch'en tutt' ingrufolitt

tien testa dritta; el fred en i dà pena !!

De passre un branc s'arversa pr'el stradin

e saltella a beccà tutt chi granei

che dalla catinella dle galin

en caduti per terra . . . t' 'n angolin

un calicant ha mess fora i su' fior

e s' ún i va da vcin

se sent un gran odor

da ch' l'arbre sensa foi, ch'par come mort . . .

e ch' prima ch' la sia fnita

vol spanda tra per l'ort

el profum dla su' vita.