I  PIN !

Urbino, 15 agosto 1947

Mi bab, quand'er pcinin,

mis giò 'na massa d' Pin,

m'arcord, in t'un pogett

de sora d'un boschett;

e ce diva: " Fioi mia,

quand' i sarò git via,

sti arbre saran maché ! . . .

ve potret arcordé

ch' i avet piantat sa me! "

Com'en cresciut i Pin !

Anca i', da pcinin,

so' dventat bell e vecch

i', c' ho i capei canuti

e ch' i arbre qualch ram secc!

Ho in t' l'anima un mal fin,

'na spec d'ipocondria;

finirà la vita mia

ed armanran i Pin !!

Mo guardand tra per l'aria

ma chle piant propri bell,

ved la Processionaria

só, só per el modell !!

Me vien fatt de pensà

ch' in t' l'anima anca i Pin

sentiran el mal fin. . .

ch'avran l' ipocondria

dla vita che va via

d'acsé, pianin pianin,

anca ma i Pin !!