SAN BERNARDIN

San Bernardin, com sonen le Campan

da la tor dla tu Chiesa e com el son

è dolc e chiar e se difond lontan

destand t'el cor 'na strana comosion !

Scendne da la Cesana, giò i vilan

ed han tla faccia un non so che de bon,

caminne e dann de mors t'un pess de pan

e chiamne e toccne " Namoré ", " Faicon " !

T 'el prat tutt pichietat de primaver

se god un fresc, 'na pac profonda e mesta

com godne i mort in t'el tu Cimiter !

La vita che dovria essa 'na festa

se confond sa la Mort t'i mi pensier

ma se pac dà la Mort, la festa è questa !