PER ODOARDO GIANSANTI (PASQUALON) 
POETA PESARESE  1852 – 1932
(Pubblicata in questo sito il 25 maggio 2007)

Che vergogna, che schif, che tradiment!
Garzanti ha publicat ‘n’antologia
dla piò qualificata poesia
d’i dialett italiani del Novcent.

Ho dat n’ochiata tla provincia mia …
e Pasqualon en è citat per gnent!
En capischen un cass! roba indecent !
Oltragg, roba da chiod, che vilania!


Perché i Psares enn stati tutti sitti?
Fann i patacca al ROF e tla lor spiaggia,
sempre piò tronfi e sempre piò invurnitti.

Mo avrà d’arnascia Pasqualon, managgia!
El pesc e i pesciarol i faria fritti,
ch’saria ‘na scelta bona, giusta e saggia.


So ch’ c’è chi m’incoraggia;
prò anca maché la patacaggin gira:
tra boria e prepotensa en se respira.