LA RIMPATRIATA DELLE BELLE DI CASTEL CAVALLINO

Castelcavallino lì, 16.05.1987
Presentata a XI Concorso 2011

Anche se la Vanda en era tanta contenta d'avec' maché, ce sém riuscitte lustes ad artrovacc dop de tant temp che sém nutte via da ste bel paesin che ma la maggior parte de no' ha dat i natal. So contenta che l'iniziativa è piaciuta e parecchie han aderit.

V'arcurdat quand givat a chiappè l'acqua sa i orc ma che Rusin? Quanti orc c'avet arméss su per chel stradin, che sudat, che fatigat !!! E quand'era el temp da mieta e da spighè? com'erne le vostre gamb quand arnivat la sera? E no' sa facevam? Eravam tun chi fundin tel vigulin dla Ziffra a giochè sa le lumach; la dmenica tla chiesulina a giochè a dì la messa e litigavam sempre perché ognun de nò vleva fè el prêt; e la liscia da cima al mont? Le mutande ch'avem rott e i schiaffon ch'avem chiappat !!

E la bottega de Second? Malé potevi gì a comprè el da magnè a qualsiasi ora, era sempre apert e Second sempre pront a soddisfè i nostre bsogn anche quand la Lisa i portava i piatton de flschion. T'arcordi Grazia quanta mortadella è magnat? V'arcordat de Alberton, la guardia del paesin, che accendeva e spegneva tutti i lum de Cavallin sa 'na canna longa longa? E Pep Rossi che ce tirava sempre l'acqua quand giocavam la sera sotto el lampion davanti alle su' finestre?

Guai a gì a rubè le noc ma Capot !!! E Tugnin quand arcoieva i sold tla chiesa s'arabiava com'un can se trovava qualch boton al post di sold. E Ciani s'imbestaliva quand el chiamavam "Cinciangle" e no' giò a corra a ciampicon per chi vigulin.

E l'odor del pan fresch, dla crescia sa 'l rosmarin, la crescia de Pasqua, i biscottle, le mel cott, l'arost de patat, de pundor, de mlanzan che se chiudem i occhj ancora c'avem tel nas e tla bocca. E le tavlate de conserva in gir per el paes? Chi giva, chi niva, che movimenti; e i mars e le cincee per la festa dla Madonna? Quant s' ne vedeva per la strada de Moncalend, vers el Mont, ma Che' Lorf, ma Niculin, ma la Piev, che luminaria, che fumaraia... e i biscott sa l'anic dla Gidia?

E Gig el calsular ch'aveva fatt dla su bottega 'na scola de vita per i bordei? E la Clelia sempre in prima fila a lottè per fè stè mej ma nó donn? Infatti adess en se va più a chiappè l'acqua ma Che Rusin e Alberton sa un boton sol accend e spegn tutt le luc del paesin.

E chi de vo' en è stat mai da Pitrin el fotografo de Cavalin a fè 'na foto e se propri en eri tanta blina te faceva anche un ritochin?

Quand sentivi el rumor del tlar dla Prima eri sicur ch'era arrivata la primavera.

Quanta gent, quant chiass, quanti bordei e quant'è bel arcordè tutta st' allegria.