|
LUANA FUCILI |
|
|
DA POLISCA, EL DUTORdi Luana Fucili
So’ rivata un po’ accaldata sa ‘na spalla anchilosata
e la gamba? en te digh gnient. Me so’ méssa tra cla gent
che stà ma lé ad aspetè ma ’l dutor ch’ha d’ arivè. Per un po’ ce sém guardati un tantino spaesati,
po’ qualcun incmincia a dì: «Vers le quattre avrìa da ‘nì;
ch’sa va fat ma vo’ ier l’atre ?» «M’ha piegat ben ben in quattre
è ’n dutor pcinin pcinin mo la forsa c’ n’ha un casin,
io credév quant so’ scapat che qualch pèss c’ n’avev lasciat
invec, dopp un para d’ór me sentiv propi un signor !»
Ecco ... ariva ... e pr un moment en
se parla pió de gnient;
ognun pensa a salutè, tutti pronti per entrè.
Entra il primo:
«Dite pure cosa avete? Che dolore vi sentite ?»
«Mentre stav facend el lett me so alsata só de scatt,
m’ha
prés fort un gran dolor e so’ corsa dal dutor;
en sapev pió cosa fè, en riusciv a respirè ...»
«Via ... si tolga il maglioncino e si sdrai nel lettino ...»
E po’ incmincia lentament guasi cum se fossa gnient:
un massagg ... un bel sorris ... e po’ dop all’improvvis
t’
calsa fort du’ c’è el dolor che te par ch’ te scappa el cor !
Quant s’è guasi a kappa ò e del fiat c’ n’è apena un po’
sa ‘na bella risatina: «Or facciam ‘na punturina.»
En
se riesc a protestè; massim massim pò pensè
mentre
ló te storce el coll: «Faggh
la fin de chel por poll !»
«Ecco fatto si alzi pure»
Arcoi só tutt i cuncìn, cerch d’alsàm da chel letin,
tutta rossa e s-ciffaritta pens che finalment è fnitta
e ló, alegre e sorident, me dà ‘n antre apuntament !
LA MI CITTA'di Luana Fucili La cità ch’ se chiama Urbin la
truvat fra du’ culin lì sdraiata sempre sta mai nisciun la spostarà. Io che tanto l’ho amata è da ‘n pess che ce so’ nata e ne cnosch ogni pestin propi tutt i vigulin. Se ve’ a spass in t’ i turion quant
en c’è la cunfusion e el sol già bagarìn fa el barlum ti toricin, t’ metti a seda t’ na panchina mentre t’ soffia cl’arietina, tu la vedi trista e mesta ‘sta cità ch’ è sempre in festa. En le ott e già affamati i abitant s’ èn rintanati mentre io me sto ma lé tutta asorta a contemplè ‘sta cità, ch’ è proprio vero, come dice lo straniero, è bellissima, si sa, e te dà serenità. Giovanin1 lodava el vent, mo per quest io me lament, lasciam perda cl’arietina dalla sera alla matina, mo s’ parlam dla tramontana ch’ pol durè ‘na setimana eh! carin, sé, me va via anca tutta l’armonia. Se vo’ veda Rafael che sta dritt sa chel penell è da fè tutt la salitta, en
te digh prò quant l’è fnitta… sarè stuff sicurament, mo quant vedi el monument de chel gran pitor d’Urbin te pudrè arpusè un cuncin. Poch più in là in t’ la pineta s’ fa la festa dla cometa, chi burdei sa ’l fil t’ le man guarden tutti assai lontan i aquilon, che voland via metten propi l’alegria. Ecco, tutt el ciel d’Urbin è dventat un arlechin. Se c’ arnìm el giorne dopp de ‘sta festa sa le topp ce saran tanti aquilon ch’ èn armasti a spindulon, ogni carta s’ è straciata la gran festa è già pasata. S’
en ce vien manca un malann c’ arvedrém tutti ‘st’altr’ ann. 1Giovanni Pascoli
di Luana Fucili Dal Gall vien só, pianin, pianin 'na nebbia fitta che copre Urbin.
Vien silensiosa in t’ un moment in ogni strada en s’ véd pió gnient.
Tutta stupitta l’ho guardata ch’ s’adagiava t’ la vallata;
era 'n spetaccol meravigliós, pareva quasi ch’ volaven le cos.
Sembrava el mar, el mar in Urbin ch’era ‘nutt só pianin pianin;
mo all’improvvis me so' resa cont che ‘n se vedeva pió manch un mont.
O nebbia mia è mei s’ arvè via,
va pur tranquilla, dai, fatt coragg io voi arveda chell bell paesagg;
voi veda el sol, voi veda chiar, vaggh fin a Péser s’ voi veda el mar.
Tutti te cnosc’ne, en fè finta d’gnient, quand ce si’ te sucéden i incident.
Via lontan, va gió per chi foss se stè maché me penetri t’i oss.
Io te salut e t’ un moment sparisc la nebbia e ariva el vent ...
|