URBIN  C'E'

Presentata al Concorso 2000

Chiusa e rinciculitta

t'una spec de tribunal

er 'na palla fatta

sa quattre foi de giornal.

Sa ce facev malè tel brusio

de tanti palon colorati

fanfaroni e sicuri

d'essa tutti premiati?

Er fori post

'na concorent svantagiata

avria fatt mei

a gi fè 'na pasegiata.

A seda immobil

sa la sudarella

me sentiv provisoria

com t'na canestrella.

Storditta e delusa

en m'importava d'la festa

persa tra la mi' gent

er sal cor tna tempesta.

Tel blu di ricord

ho fatt volè un aquilon

ha balat content

prima d'arnì tel su canton.

L'ho seguit sal pensier

era un gioch divertent

'na lucina m'ha schiarit

l'idee dolcement.

S'era smoss el via

cosé me so' liberata

dalla paura costant

d'essa giudicata.

Ormai ho scrolat da doss

el pés dla malinconia

Urbin c'è, en è tutt

mo fa part d'la vita mia.

Alla fin se un giorne

t'la mi' città vlessa tornè,

un post t'l'ultima fila

el potria sempre truvè.