Parol de tut i giorn

di Germana Duca Ruggeri

1ª Classificata nel VI° Concorso 2003-04

Come goccia se spèssa e rimbalsa

tla pietra la lingua d'Urbin; sa 'l vent

s'acanisc' t'i copp, tl'intrecc di ram

del Pinc, fra i mur del Palass, tle finestre

e tle logg, se riflèt tla nev, tel ghiacc,

t'i solustre e tla nebbia, tla luc calda

ch'indora i madon, tla frescura dle port,

d'i viggol, dle piole, t'i logiat,

t'i cortil, rugola giù dai torion ...

'St'impast de vita ma me me piac

e l'artrov tle parol de tut i giorn:

- 'S'amanca per ogg'? 'Sa compre?

Urbin supermercat e dispensa,

porta el sal, l'oli e 'l pan frese, ch' so' sensa;

l'acqua c'è; e 'n solarin dolc riemp

piat e padelle, involta i bichier

e la tvaja, invita a parlè:

-  'Sa ch'hè fat 'sta matina?

-  Ho let e scrit diverse ore ...

-  E brava la mi' sciaparlina !

L'ora vien da l'ora e da la voc

s'indovina el sentiment: vola

da l'Anunsiata el son d'na campana

e la su' scia sparisc pian pian ...

Un mars distant acend el scur, el confond;

la luna sguilla dal cel e, a petta

el sambuc, impalidisc mésa piena.

I mia già me reclamen p'la cena.

- Du' s'i gitta? C'avém fam ... 'Sa bagaj?

- Come goccia si spezza e rimbalza

sulla pietra la lingua di Urbino ...

- Porét a no', 'sa toca stè a sentì! ...

- En c'arcontè le piciafavole,

metla tla tavla l'imaginasion !

- Ma 'sa git cercando? C'en le cresc sfojat

sa 'l prosciut, erba cotta, sotòli, sotacet ...

Ma ché è pan al pan, vin al vin.

En se modiffica el ver, en se va

sul delicat !  Urbin mia, 'sa ch' ho da fè?

- En te preocupè, bada a viva ...

E s' t' avansa 'na mulicca de temp,

prova a scriva du' righ de 'sta parlata

che, da mil'an e più, canta e svanisc

tl'aria, com'un vapor, tut i moment ...