|
ESPOSISION NUMISMATICA
-Se' gitt a veda, Tugnin,
la mostra di guadrin ?
- Du' volt ce so statt,
porca dla vacca,
me doleven feghet, costat
e per poch la testa me se spacca.
- Sa t'è suces, Tugnin,
un mezz infart, un colpettin ?
- Porca dla vacca, el mi' dottor,
oltre che petegol sbroialett
se' anca iettator ?
El so che vresti badurlam come client,
ma per adess da me en chiappi gnent.
E' stat un strangulon de disgust,
un malann passeger;
m'hann imbarbugitt tutt i pensier.
-Ma com se' riuscitt, Tugnin, sa la tu' ment
a sfanghè un ragionament ?
Porca dla vacca, en ho imparat
a muscinè i bajòcch
spalancand 'i occhj,
usand 'i argavagn disinfetat.
L'amator che sguassa
nel miasma nel fetor
emanat dal su' tesor,
en sent manch i profum che la cucina passa.
Porca dla vacca, el colesionista ingolfat
tl' ascolt dla bùcina infernal
en percepisch nè campanon del dom
nè tromba comunal,
ormai è cittadin imbalsamat.
Ho capitt che, pur cambiand el material,
en fatte de sangue e de sudor,
pió che de legh, pió che d'argent e d'or,
sempre e tutt' le monet, quelle com sia, quelle special.
Porca dla vacca, ho mess poch a capì
che la gent en è un mucchj de stracc'
e che fra chjatre ce so anch'i'. |