|
La storia d'un paltin
ovvero:
Don Birbon, don Galiott e la serva
In Antologia al IV° Concorso 2001
Stètm attenti; un
fatarell
ve voj dì, ma propi
bell.
E' la storia di un
paltin,
d'un d' chi' ordegn
ch' stann tel camin
sa la cendra e le
mojett,
i trepied e le
palett,
e che serven in
tutt' i loch
per poté scatissè
'l foch.
T' 'na parocchia a
cima 'n mont
c'era un prét, no
de chi tont,
ch'era svelt in tle
su' asion,
e i' diceven don
Birbon.
Ma sta volta
sentiret
che figura ha fatt
ste prét.
Da tre mesi, e non
da pió,
don Birbon chiappò
sa ló
'na servetta propi
blina,
tracagnotta, in tla
ventina,
che per lia anch
sant'Antoni
saria gitt dritt
dal demoni.
Donca, 'st' prét
ch' aveva intorn
a sè clia tutt
quant' el giorne,
capirét lo c'sa
argireva
tla su'
ment quand la guardeva
e 'i cercheva d'
gij vicin
per daj qualchi
ganascin;
ma 'i diceva lia:
"stia fiss
e c'sa 'i chiapne i
sghiribiss?"
En c' fu mod ! chè
cla servotta
ma chel prét 'i
tneva botta.
E ló, vdend tant'innnocensa,
pensò mej ch'era
prudensa,
sensa mettla tla
malisia
de lasciai la
pudicisia.
E diceva don Birbon
tel sentì le
tentasion:
"Era mej 'na
vedovella
che chiappè ma sta
burdella,
ch' almanch sensa
pregiudisi
m'avrìa fatt tutti
i servisi.
Ecch, ch' un giorn
da don Birbon
c'era gitt un su'
amicon,
un compagn de
semineri
ch'era un prét in
t'un santueri
poch da d' longh,
da ló vusutt
t' na gran festa
per aiut.
St'arciprét era 'n
fanell
propriament de quei
d' cartell,
birb per sett e
furb per ott
e 'i diceven don
Galiott.
Propi com' un can
da caccia
che nasand trova la
traccia
o di lepr' o di
quajott,
capì subit don
Gagliott
che chel tocch de
contadina
ch' facendeva in
tla cucina,
dovev' essa un de
chi arnés
da sapella longa un
més.
Diss fra d' ló:
«Quand'è stasera
trovarò pur la
magnera
p'r un boton o p'r
una ftuccia
d' falla 'nì tla
mi' stansuccia».
Ed infatti dopp la
cena
don Gagliott diss:
«Madalena,
chiappa un ègh sa
'n po' d' coton
p'r atacamm dó o
tre boton ».
Madalena da ló
andiéd,
e pó, quel ch'è
pegg, ce stiéd
sin a quand el gall
cantò;
tla su' cambra dopp
tornò.
Don Birbon ebb' el
sospett
ch' lia en foss
gita in tel su' lett:
c'è del torbid, ló
pensò,
ma, per dindo, el
scoprirò.
E c'sa fec? chiappò
'l paltin
e sitt sitt, pianin
pianin,
el schiaffò prima
d' gì a cena
in tel lett dla
Madalena.
Dopp du' giorn,
fors pió che mén,
Madalena era in tle
pen:
en trovava el su'
paltin
ch' steva sempre in
tel camin.
«Dov sirà? - diceva
spess -
chel paltin dov'è
stat mess?»
E ma 'l prét diss:
«Sor padron,
l'ha chiapat lei
dal canton?»
Don Birbon scattò
de botta
a 'sta dmanda dla
servotta.
«Ch' te chiapassa
un i e pó un'acca,
vo' sapé brutta
baldracca,
dov se trova el tu'
paltin?
Vien sa me maché
vicin».
E chiappètla per un
bracc,
la portò com s'
porta un stracc
tla su' cambra: «Ecchel
maché
c'è 'l paltin ch'
tó vo' trovè
i diss ló scoprend
el lett -
de te me
facc un bel concett !
Ho capit, sa don
Gagliott
te se stata tutt
ste nott …»
«Mamma mia ! - urlò
piangend
cla poretta - è
tropp tremend,
sor padron, ste su'
sospett,
è tre nott ch'en
vaggh a lett
p'r un
dolor tribble d'un dent
ch'en me dà pèc un
moment,
Mamma mia ! cs' ho
da sentì …
da sta casa voj
fuggì».
E quell ch' diss fu
propi vera,
ch'el giorn dopp
malé pió en c'era.
In chel giorn anch
don Gagliott
da lè aveva fatt
fagott,
ch'eren fnitt tutt
le funsion
ordinet da don
Birbon;
che dla festa fu
content,
ma i voss prenda 'n
accident
tel sapè che cla
servtina
era gita in cla
matina
a servì el su' nov
padron:
clatre prét, quel
su' amicon.
«Porco mondo !
brutta boia !
diss -
so' rmast sol sa la voja …
me l'hann fatta sti
birbon
e i' so' statt un
gran minchion».
Una massaia in via
Stretta cantava a squarciagola
la seguente strofetta::
"............... ........... nel letto c'è 'l paltino
io son
sigur che dormi col préte biricchino"
|