ALDO
Minutelli
(Fermignano)

 Dai Ricordi d'un matt      
La donna del Fium      
Due indovinelli 2010      

 

 

DAI RICORD D'UN MATT

[PREMIO SPECIALE al X CONCORSO 2011
di poesia dialettale urbinate "Renzo De Scrilli]
Pubblicata in Agenda 2011

Adess amici v'arcont un fatt curios, la storia
D'un grupp d'pastor ch'vivevne com 'i eremit
Sol sa 'n pess d'pen de ghianda givne in gloria
Dó rapastei, 'na pastinega, el pranz era servit

A Peterleta hann sempre fat a cicca sa 'l magnè
Tolt le poch fest dl'ann, en c'era tant da roda
Anca guardand in gir, gnent c'era da invidiè
Perché a chi temp la pansa sbulza giva d'moda

Voiatre diritt: eccle, sta per dì 'n'antra sciapeta
Prò 'na memoria com la mia en c'la nisciun
M'arcord ben quant el mont de Peterleta
E mont Paganucc ai mi' temp erne tutt'un

Arvegh ancora malasò in alt un gran piasel
Quant 'i abitant del mont ancora inter
Fevne a ghera per aiutas, se un steva mel
Com s'usa quant se viv in armonia per daver

Tutt' el giorne sopra un gran pred de falasch
Contenti com i passre, sensa pensier de sorta
Magnè e dormì, t'na capanna de vitalbre e frasch
Sensa un sold tla banca, sensa un sold tla posta

Pochi e boni, mo nisciun saveva lèggia e scriva
Poretti, a la mej e pegg podevne stè tutti t'na cveia
En cnoscevne la rota e manch ancora l'ici e l'iva
Prò givne d'acord e se vlevne ben com 'na famea

Sempre el bonsens in tutt le situation
Era 'na vitta un po' stenteta, prò coretta
Ma i fijoi imparevne, fin da pcin, l'educasion
La piscia, la cacca e l'amor se fevne apetta

Sia al fred d'inverne, che al cald estiv
Tutt le stagion vestivne la solita pell
Già durant le doj dla moj pel nov ariv
El pedre per vestil spleva n'agnell

M'arcord ancora al centre un grand ornell
Sa incis i cor tla buccia com fann ogg
Malé sa 'n sass agus la data del monell
E l'ombra del tronch serviva com orlogg

A la matina quant capiteva un giorne chier
L'omne de Peterleta insiem ai fìjoi e la moj
Guardand de sotta scugivne apena el mer
Sensa capì s'era l'acqua on camp de trafoj

Me riferisch a 'i ann un bell po' indietra
Prima chel diavle spacassa el mont in dó
E afondassa com tel bur el su' cortell tla pietra
Per aprì la streda da l'Acqualagna a Vivadò

Per chi en el sa, dacsé è net el pass del Furle
Da 'na part fortuna ch'ha dopret la su' maniera
Perché fè 'l strap e portè via la terra sa le gerle
C' avria vlut pió temp che sa 'i atres de st'era

Prò è stat quel un giorne a di' poch infernel
La comunità divisa a metà per la prima volta
La paura, grossa da tutt dó le part è naturel
Da tutt dó le part, gran mel de pansa e sciolta

Dop armasti soli tel mez mont, cla pora gent
Hann incmincet subbit i contat sa clatra pacca
Paset el polvaron, paset el gran spavent
Se mandevne i segnel a voc e a tutta bocca

Fortuna vol che la spianeta era già la metà pr' un
Avevne divis prima, pred, bosch e tutt' el bestiem
Per la presensa d'una striscia franca de nisciun
Esend sol la roccia nuda, mai avanset reclem

Cl'aveniment en aveva riguardet sol le person
Mo pecre, chepre, galin, och e qualch maiel
Dop la spaccatura poretti, tiret le conclusion
Le part sa 'l taj l'aveva fatt pió o men uguel

Acertet dop el diavleri s'erne ancora tutti tla pell
Era quest per el moment el problema principel
Prò le cos l'aveva fatt ben, en c'era 'n mort unvell
Armaneva da guardè sol s'era salve el capitel

Perlustret la metà del mont armast fina la riva
Ardot i posediment ormai 'na spec de mezza luna
Per i capoccia controlet 'i animel el cont arniva
A occhj e croc dle chepre en ne mancheva una

Cert per chi pastor è stat 'na cosa d'altre mond
Oltre tutt un pericle costant p'i monei pcin
Perché guardand la rippa da l'alt fin in fond
Feva girè 'l cervell ma le person e le galin

Le pió indafaret de qua e de d'là erne le moj
Per la chiema: l'hann sentit perfìn a Fossombron
Hann avut el lor da fè per la conta de tutt i poj
Prò da bon diavle aveva fatt ben le divizion

Sol el gatt ch'era a sorcè, s'ertrovet tl'orle forestier
Tel grepp de dla sa l'aquila vicin e tutt spaventet
'i ha det piagnend "dai portme a chesa famm el piacer"
El rapec sta volta s'è moss a compasion, l'acontentet

È logica, la capanna de frasch tel mezz en c'era pió
Per el rest, sol el baghin ner pareva de vedle d'là
El piasel tel centre sa l'ornell purtrop era git gió
Prò 'na pecra in pió sa dó agnei er' masta d'qua

Dop l'apocaliss è gambiet tutt t'un chi dó mont
Ognun ha elett capoccia el vecch sa pió talent
Le dó dinastii ormai sovren se vdevne de front
Compost da i lor chepstipit e tutt i discendent

Hann sempre mantnut un bon raport sa quei d'rimpet
Pió tardi anca 'l falch, sepur amaestret mo controvoia
Ha cmincet a portè le notisie, de qua e de d'là diret
Second l'importansa, 'na paia, 'na penna opur 'na foia

I giovin per dmandè ma 'na ragassa d'là da fè l'amor
Avevne inventet un sistema risultet guesi perfett
Ma la prescelta i lanceva un sass a forma d'cor
S'era ben acet lia l'infìleva tel sen el matrimoni era fatt

Era questa la vitta alora tel Paganucc e Peterleta
En se protesteva, en se parleva ancora de riscossa
Se viveva com el lup e com 'i ucei "a la giorneta"
Mo c'era tanta pec t'un chi dó mont de pietra rossa

Da cla volta sempre felici e contenti in barba al diavle
Hann sempre penset de costrui un pont malasó in alt
Se non atre per gì a la vegghia arcontè le picciafavle
Mo fin ora en s'è presentet nisciun per la ghera d'apalt

Amici stentet a creda, prò è questa la storia del Furle
E questa perché m'arcord per fil e per segn l'aveniment
Se no en me saria mai permes de niv arcontè le burle
Questa en è fandonia, ve 'l garantisch sotta giurament

È vera el temp vola, infatti, me per ier
Per quest l'ho 'rconteta sensa difficoltà
Perchè a Peterleta chi ann malè i' c'er
Anch sé se tratta de cent milion d'ann fa.

 

 

<inizio>

 

 

MOTIVAZIONI PER L'ASSEGNAZIONE DEL PREMIO

 Alla precedente composizione è stato assegnato il Premio Speciale per la ricorrenza della Decima Edizione di V' l'arcont in dialett con la seguente motivazione:
Il poemetto, in quartine con rima alternata perfetta, o a volte per assonanza o consonanza, presenta un fatto incredibile con un linguaggio preciso e, nel contempo, evocativo ed ironico.  Dai ricord d'un matt è una narrazione visionaria di chi, nato e cresciuto in quei luoghi, ci racconta la sua versione dello straordinario evento della frattura dei monti Paganuccio e Pietralata.  Di chi finge di non conoscere la spiegazione scientifica del fatto, ma novello uomo del tempo antico, vuole reinventare con la propria fantasia e il proprio sentimento l'accaduto.
L'antefatto, il fatto e il dopo del fatto ci vengono presentati come una chanson de geste, ma qui non ci sono né guerrieri, né nemici, bensì cose quotidiane e visioni della vita che vengono narrate come gesta.  La gente del Pietralata e del Paganuccio di quel tempo, fuori dal tempo, viveva con poco, ma con serenità, in armonia, aiutandosi vicendevolmente e in comunione con la natura, l'ambiente, per soddisfare i propri bisogni elementari: mangiare, dormire, riprodursi, lavorare.  La Natura, poi, un giorno, decide di dividere in due il monte ma, dopo il grande spavento, la comunità divisa riprende ad adattarsi alla nuova realtà.  La Natura ci viene presentata come ragionevole e la comunità come preveggente: il diavolo aveva spaccato la montagna proprio lungo la linea di nessuno che la comunità aveva già previsto e tracciato.

Questo racconto d'un matt che risulta, invece, fortemente saggio, si ispira ad una visione della vita degli uomini sul Pianeta integrata con l'ambiente, ecosostenibile, come si dice oggi, e caratterizzata da rapporti di reciproco aiuto.
 

 

 

<inizio>

 

 

LA DONNA DEL FIUM
Pubblicata in Agenda 2011
S'arcordarà el Metauro di segret chi ha confìdet?
Di desideri scritti sa 'i occhj tl'acqua in fuga?
Di dolor, le gioi, le difficoltà ch'ha superet?
Dle preghier volet al cel, dal bagnasciuga?

Ancora la luc e l'acqua, in chesa, evne da nì
En c'era el progress e i ben de Dio d'ogg
Lavatric e detersiv? la nonna mai sentit a dì
Tutt a unt de gommit, sensa guardè l'orlogg

En feva diferensa s'era incinta o deva la tetta
En s'arendeva a la tramontana, el fred d' genè
Le men ti fìanch, t'la testa i pagn e la banchetta
Vestit e biancheria, tutt ma 'l fium giva a lavè

In ginoch t'la riva com 'na santa
Se l'acqua era giaccia en se cureva
La voja de lavorè n'aveva tanta
Magari moriva dal fredd, lia canteva

A la fin, sa i mel de schina mo sodisfatta
Se pur intorne era bianch de brina
Sa tant amor stendeva i pagn tla fratta
Segneta sa do stracc la sera prima

Sé, era quella la vitta chi ann malé
Tuttora se c'è pens me s'epra el cor
Arveg de nov la nonna, sensa sbajè
De nov la su' dolcessa el su' candor

La regina neta dop? "na bugia bella e bona"
Ansi per la madonna dai corai "n'eresia"
E logica, damò pió lett e pió poltrona
Dic: "s'ha tribolet la nonna pegg per lia"

Invec i' pens ma i valor cla donna m'ha paset
Un'albre secoler ch' en ha mai pers 'na foja
El su' ricord ha fat d'me 'n omne fortunet
So' vecchj e sper ancora ti bon frutt da coja


 

<inizio>



INDOVINELLI 2010
 Pubblicata in Agenda 2011
Volubil, invisibil e potent per su' natura
Dle volt talment gentil d'acaresè 'na foja
Dle volt furios e travolgent da fè paura
Insidia el capell, el vetre e l'orc tla croia
(El vent)

So neta com voiatre tle letier
Prima ho paset malé la vitta mia
Adess invec ho cambiet mestier
Lavor ti ufici bel pagheta e fò la spia
(La cimic)

 

<inizio>