La spiegazione della sbornia

Sapet perchè ma nó c' fa mèl el vin ?
Stet a sentì s' ve pièc ste fatarell.
Tel stomich nó c' avem diec bugatìn
E nov banchett c' avem in tel cervell.

Ogni bichier de grech o d' moscatell
Ch' se bev, va só 'n bugatt, e a seda vcin
Se mett un cost' a chl'altre, e quest sa quell
Cmincia a sturzè com fan i birichin.

S' va pó só l' ultim, bevend diec bichier,
E ch' en trova da seda in nisciun sit,
S' mett' a fè tutt le sort de cerquarett.

La sborgna, alora, è fatta per daver
Sa l' ultim bugatìn ognun è git;
Donca, atenti d' lascè svoid un banchett
 

Luigi Nardini

Pubblicata su "ECO di Urbino"