UNA VISITA ALL'OSPEDALE

di Luigi Nardini  Urbino

El dotor dl'ospedèl una matina

     Faceva el solit gir ma tutti i lett' ;

     E ma quei ch'eran mort, de chi porett,

     I avean coperti sa la roversina.

Un ch'aveva 'na mosca birichina

     Ch'in tla faccia 'i facea tutti dispett,

     S' coprí da sé per fè' qualche paluzzet

     Prima d' potè' cbiappè' la medicina.

Passa el dotor, e dand' i 'n'occhiataccia,

     Dic : « È mort anca quest ».  E ló che 'l sent

     « So viv » , rispond, scoprend e alzand la faccia.

Ma l'arcoprì, dicend' i con calor

     Un infermier ch'era malì present

      « Stet sitt, ne vlete sape' pió del dotor ? ».