Pubblicata nella parte antologica de "V'l'arcont in dialett" Vol. 1, 1998

A una a una

paseran ‘ste giurnat

pien de fred e de noia.

Sarà fnitta ‘sta ploia

e cmincerò a corra

tra la nev e el ghiacc.

Bel el sol

e bel el ciel

sensa un vel.

Pió in gió malagió

m’aspetta

un pusticin tranquil.

Véd la mi cità

sotta la nev

e i su turion

ch’  sembren di brancon.

Da ‘st’ atra part

c’è un boschet.

Da le su piant

caschen ogni tant

un scrul de lucichin.

La nev è ‘na gran mucchia

e arcopre tut ‘ni co’

mo el sol brilla t’ el ciel

e scalda per daver.

Me sent alegre

e guard ‘ste gran spetaccol

sensa ‘na parola.

Sit sit com un burdlin

t’ el prim giorne de scola.

Alfredo Zampolini