La nova Scola del Libbre

di Lucia Fiabòn  Febbraio 1980

Quant, ai temp del Medioevo

se faceva in cima ai mont

i castell, o guelfo o svevo,

se capiva, arnivne i cont.

Só t'la cima dle montagn

s' costruiva ai temp antich,

sa i trav grossi (e i telaragn)

per difendse dai nemich.

Mo 'na villa del settcent

oggi giorne com sarìa

ch' s'arduc com un accident?

Avet vist Villa Maria?

Io m' l'arcord, quand, da Triest,

niv a Urbin da studentessa.

L'hann conciata per le fest:

che disastre, che scompessa!

'I hann schiafat un capanon,

dop l'ingress, tra mezz al vial,

ch' sarà gross com un milion

d'metre cubi, 'sti animal!

Lasciam ste' i particolar

('i archett da sottmarin

com s' ce fossa propi el mar

a 'st'altessa, propi a Urbin).

Mo guardam tutt el compless:

un casson, un bussolott,

grand e gross, brutt com un cess,

pegg d'una paura d'nott.

Da cl'altessa, com 'na doccia,

butarann gió ma la gent

madon, pietre t'la capoccia,

frecc, schioptat, oli bolent ?

Tanti nom, vers Piansever,

du' ch'è poch ch' hann costruitt,

t' fann pensè d'essa daver

vers la Cina o giò in Egitt.

Mo maché hann fatt 'na pirammid

com de Cheope, i grandon,

alta e dritta: par ch' c'l ha l'ammid

'ste sepolcre d' Faraon.

Hann sbranat un monument

tra i piò bei d'le nostre part,

com farann chi por student

a imparacc la Storia dl' Art ?

In triestin permete' una parola:

no xe ben disperarse e far le tigne:

grassie al Ciel no la xe 'st'orenda scola

sul Forte, sopra 'l Colle de le Vigne!