W CICCIO!

A Ciccio el sagrestan, con affetto.
Stefano Mancini Zanchi

 Da burdei, sempre cansonavam  ma Ciccio el sagrestan.

Quand givam a servì la messa ,tanta era la cuntentessa

che tura calch' mod dvevam sfoghè, e ma lò s'faceva incassè.

I dispett, i tir burlon,  el cansonavam da tutt i canton.

S'arabiava, lo, purett!  Sa ogni sorta de schersett.

Quand' era in bona era gignal sfond,

s’faceva la "mummia"*   rideva tutt'el mond.

Faceva la “cerca” dentra la chies, ma cle por donn metteva tle spes

"Se en fann 1'oferta, ch’i chiappassa ‘n malann!"

pareva ch’pensava  tra mille pensier,

ancora me par da vedle com s', fossa ier!

Sbatt cla casetta maché e malé , chi spicciulin faceva sonè,

e se en i davi diec lir te guardava brutt, sa chi occhion' celest e '1 camic de lutt.

Portava sempre chi sandulin , da dov i spuntava el mignulin,

data l'età era cert el mal d'oss , che tel mignolin avea fatt’ el sopross.

Le chiav’ d’la cripta teneva atacat  mal policion d’la mana destra,

portava i turista a veda le grott. e sa na storiella un po piò che maldestra

i fregava ma tutti, chi por fagott!

Ch’le por scultur’ cambiaven de nom , tutt le volt ch'niva giò lo dal dom:

Quant' n'ha arcuntat de san Crescentin , mentre tle sacocc’ contava i spiciulin!

Turist ingles, tedeschi o de Francia , in tutt' le lingue chiedeva la mancia,

per fas capì c’aveva na “dritta”,, per chieda le manc  stropiciava tre ditta.

El temp pro è passat anca per lò,  ogg' dentra el dome en 1'arvedem piò,

sol el ricord resta immutat  de un sempre allegre ch'sorideva beat,  sempre content de essa nat.

Tel su mestier en el fregava nisciun, par nat aposta per spegna chi lum,

e anca se ogg’ lo en c'è piò, farà el sagrestan sigur malasò;

el Padreterne che, de tutti è el più bon, tienrà cert cont’ ch'era mal Dom.

E insiem a quei che maché t'han vlutt ben , voi arcordatt gignal e seren

e ripensando a qualche tuo pasticcio ,  voi salutatt dicend "viva Ciccio! ".