Pubblicata ne "I quattre vent" n. 4 del 1984

Giro ciclistico d'Italia 1982

Sportivi urbinati attorno il direttore Ambrosini

È rivat el Gir d'Italia

(en vo facc' na poesia?),

è rivat tla mi' cità,

propri dietra casa mia!

Enn rivati i corridor

e ha vint en m'arcord chi,

mo chi ha fatt na festa grossa

a la fin ve 1' dirò i'!

Vers le diec' so git a veda.

La mi' strada en s'arcnosceva,

asmeiava ma 'n mercat

tanta roba se vendeva.

Vers le undic' dla matina

veggh na squadra de ragass

che tel vial du c'è l'ariv

smettne a fe' com per gi' a spass.

Ch'enn de fora se capisc',

che per veda ben la corsa

enn nut so maché da no'

sa 'l magnè dentra la borsa.

Vers le tre, sotta un bel sol,

na gran gent s'era muchiata

tutt'intorne mal traguard

per stè a veda la volata.

 E maché c'è stat el bell,

che la gent mentre guardava

ma la corsa e sol ma quella

e nient atre piò pensava,

ecch che un tal, piò svelt dia polver,

s'aluntana sa 'n burslin,

non el sua, quest è sigur,

forsi quell del su vicin.

Quand piò tardi ste purett

s'è res cont del brutt fatacc'

ha cminciat a piagna fort

pó è nut bianch com fossa 'n stracc'.

So sigur ch'enn statti lor,

chi ragass ch'ho dett de prima,

che per veda pasè el Gir

enn rivati la matina.

Stat atenti, la mi' gent,

quand c'è 'n po' de confusion,

tnet le man in tle sacocc':

s'no ve chiappen per minchion!

Alfredo Zampolini

Alfredo Zampolini

Giro ciclistico d'Italia 1982