|
In ordine alfabetico di autore
IMPOSIBBIL
Daniele Ambrogiani
Al giorne d'ogg a scorra 'n giornal
pens ce sia sol de che fass del mal.
Furti, rapin, delitt in t'le terr
da qualca part c' en anca le guerr.
Poca import ansa c' ha el més e c' ha l'ann
mo ogni giorne c' arconta 'n malann.
Ogni giurnal fin a l'ultima riga
te scriv soltant d'le robb ch'portne
sfiga.
A fè colasion sa tutt 'ste ribress
t' armann tutt tel stommoc me sa per un
pess.
Mo quell ch' me fa spéc in tutt ste
trambust
è prenda 'n giurnal sensa provè 'n
disgust.
INIZIO
PAGINA
LUNA PARK
Daniele Ambrogiani
T' un chioschett d' un Luna Park
veggh d'le frecc e pó veggh 'n arch,
m'avicin e in t' un moment:
"quasi quasi me ciment".
Messi in fila per benin
c' en parecchi bugatin,
mo c' en anca chi dischett
tondi tondi e sa i cerchiett.
"Si avvicini su coraggio
faccia un tiro come assaggio,
e così misurerà
le sue doti e qualità".
"En ce vrè pensè mez' ora
- me rimbatt só 'na signora -
o te chiappa la cacaccia
perchè fè 'na figuraccia ?".
Sta befana imbarbugitta
en gli ha fatta a stè un po' sitta,
sa i mi' amicch che s' mettne a rida
ho decis, acett la sfida.
Me prepar e pian pianin
chiapp de mira 'n bugatin,
mentre l'arch la freccia scaccia
pens soltant ma la su' faccia.
"Centro pieno giovinetto
lei sa farci con l'archetto,
e la sposa che l'accusa
s'avvicini a chieder scusa".
"En ce bsogn signora mia
- 'i diggh prima ch' vagga via -
tutt ma lei el merit va
per la mi' abilità".
INIZIO
PAGINA
LA FONTANA
IN PIASSA D'LA REPUBBLICA
Elio Bacchielli
( 2 marzo 1997)
El ritorne tua t'la piassa
ha creat difficoltà
perchè cert teston de rassa
en voleven novità.
En passati settant'ann
e i' cred ch' sia stat un dann
fatt da chi t'ha esiliata
in t'un fond abbandonata.
Finalmente se' artornata
propri dove te se' nata.
T' arvedém, cara fontana
te adess se' men lontana
e de pió, ringiovanita
sensa i segni della vita.
La tua età la porti ben
sa la pioggia e sa 'l seren.
La tu forma ottagonal
(pur s' en è original)
un p'nacchj d'acqua monta in alt
e p'r arscenda fa un bel salt,
i tu marme levigat
e l'insiem ben congegnat
tra i palass e i monument
sia del tre che del settcent
te fan fé bella figura
arricchend l'architettura.
Quanti gir intorne a te,
quante volt nó a giochè !
In estat, c'era un palchett
p'el concert, e i motivett
en armast t'la nostra testa
e t'la piassa c'era festa,
per chi grand e per chi p'cin
mentre adess c' èn i tavlin,
e a seda tanta gent
ch' passa el temp sensa fè gnent.
Ora nó vlem ben sperè
che malé te resterè
per mostrè quant te arluci
e l'onor ch' fè a Catalucci
INIZIO
PAGINA
I
NOSTRE GIOCH
Elio Bacchielli
( 2 marzo 1997)
Per nó che un temp ermi burdei
è bell ogni tant artonè quei,
la vita en era fatta de dulor
s' viveven bei momenti de calor.
Affioren tra le nostre ricordans
nostalgiche e belle rimembrans
che venghen fora quand se guarda indietra
sensa arivè fin all'età dia pietra.
En quelle relativ ai nostri gioch
che a cuntaj en erne propri poch,
perchè l'esistenza en era ricca
b'sognava fè per forsa anca a cicca,
e limitate erne le pretés
e alora en se poteven fè le spés,
che p'rò ce bastavano lostess
e riscotev'ne sempre el lor success.
S' metteva in mot la nostra fantasia
e nó ce facevam guide da lia:
sa quatre chiod e anch sa pess de legn
tutt stava só guidato dal sostegn
dle nostre idee, sorrette dall'ingegn
e a chi tempi poche erne le fregn,
e pó sa foj de carta e sa i baston
qualcosa che guidat dall'intension
s'accontentavne i nostre desideri
ch'erne per nó propri quelli veri
Un vecchj elastic, 'na striscia de cimosa
faceven realisè sempre qualcosa.
Ce vleva poch, 'na semplice tavletta
per diverticc tel gioch sa 'na paletta,
un oggett dl' legn che se chiamava
frull
è statt per chi bei temp un bel trastull,
'na frusta in man sa in cima 'na curdlina
bastava per avviè la frullatina.
S'cumprava al Mercatal da un cert
Diavlett
brav artigian, mo era anca purett,
oppur un cerch guidato da un
baston
rempiva i nostre cor d' soddisfasion.
Avev cinq'ann, m'arcord un mi' capricc
invec da gì all'asilo ho fatto sgarraticc
e ma 'l Spinet sa Gigi Luminati
sa 'l cerch a gioché nó sem andati.
Bel passatemp, le palin e lor
giochett
a cioda, buticchio e castellet,
e dopp èn arivat le figurin
multicolor ed erne anca blin.
El monopattin, 'na bicicletta d'
legn,
du rot, 'na tavletta, manubri de sostegn,
invece dla benzina, l'aria fina,
la forsa per calzè ... e pó camina.
E armedievam anch tant
cartucc
per giochè in gir, insiem, in t'i cantucc
a ottobre al passo d'i fringuell
c' hann tanto divertito nó monell.
Un gioch ch'è statt per me fra i pió bei
ed era praticato dai burdei
è quello che ho fatt per tant sa 'l
lacc,
e i sisin cadeven come stracc.
I' giv a caccia intorne ai molti pin
nei pressi del Padion, fora d'Urbin.
La lista de 'sti gioch en è ancor fnitta
ne fann part altri dla partitta.
L'arc
sa un ram d'olme curvat e 'na curdlina
per dai 'na certa forma rotondina,
la freccia era de canna e un chiod
aruginitt
che sa la côt s'faceva ben appuntitt.
El temp passava, giocando anch a
batt mur
mo en eren p'rò le vincite sicur.
E fnitt da nevichè, s'niva la glata,
se faceva la slitta e c'era qualch
cascata,
e dop buffat, s' tirava la curina,
se dava caco ai buttacci fatti
prima.
La nev in poco tempo se squaiava
la strada in dó e dó quattre se puliva.
A settembre, tel més de l'aquilon
c'era alle Vign e in t'i canton,
'na mucchia de burdei sa 'l fil t'le man
ch' ognun scioieva dal gomitolo pian
pian.
Uniti insieme e in tl'ora bella
s' giocava a cutt, scaricabott
e chiapparella,
e pó a guardie e ladre e
bandiera,
tel pomerigg e anca verso sera.
El gioco dle burdelle era
campana
e in t'i saltell 'i se vdeva la sottana,
e, fin ch'en statte p'cin, le
bugatin
el giochè durat un bel pestin,
mo dopp ha avut un antre effett
sa la palla, i filett e i
cerchiett.
E el pallon da nó desiderat
s'rincorreva insiem sopra t'i prat.
Altre bel gioc, per tanti, el
birucin
s' faceva corra per le strad d'Urbin,
e d'ottobre ce piaceva a gì p'i grepp
arcoia tante viole dai bei cepp
i fior ch'en patrimoni del creat
e che 'l bon Dio a tutti ha donat.
E quand eravam stuff e senza impicc
se giva a garavell o mal Petricc.
Pió grandi giocavam anca alle
bocc
p'rò pochi erne i soldi t'le saccocc.
A Natal el presepi s'preparava
do' c'erne i fiol lo propri en mancava.
Sa tutt 'sti gioch la nostra fanciullessa
ha raggiunt infìn la giovinessa,
e dopp 'n antre gioch ha pres vigor
è stato propi quello de fè l'amor,
ma pó en fnitti anca i giorne belli
ch'arcordam ed erne propri quelli
ch'avevam per tant desiderat
e questo prima de partì
soldat.
E alora èn arivati quelli brutti
nessun esclus ha riguardat ma tutti.
Spariti i sogn e insiem la vita bella
nó sém caduti tutti in t'la padella
e ahimè parecchi anca scottat
e a fatica c' sêm pó liberat.
Resten adess tanti ricord soltant
che venghen a la mente tutti quant
che in nó èn in tel cor per chi bei
giorne
è un pcat che per lor en c'è ritorne.
INIZIO
PAGINA
La principessa dLa Gualatrona
Michele Bartolucci
Da mind' i camp dla Gualatrona
avant e indietra corr 'na burdella,
da stè ferma un moment par ch' en sia
bona.
Secca e minutta par 'na sardella,
i fior tla testa 'i fann da corona,
va gió in t'i foss a stroppacerquella.
Fa le linguacc, dle smorfi
è
padrona,
la testa mov svelta e veloc,
canta, en ha ben, fa chiass e scansona,
la coda de dietra par sia de foch.
El nonn Minghin s'arposa t'un angle,
se sveja de stols tant
è
'l bacan:
"Tu en si' 'na burdella, tu si' un
spruvingle !
- dic - ]essomaria che ambaradan !"
INIZIO
PAGINA
NATAL
Nino Cesaroni
È arnut Natal,
ognun el sent
ogni cor è cuntent
ogni ann è ugual.
Le strad èn in festa
pien d' luc e culor
d'arberell e de fior
per 'na festa com questa.
Ogni cor se rallegra
gioischen chi pcin
perchè sann che 'l Bambin
pensarà anca per lor.
La gent è pió seria
pió brava, pió bona
e ogni persona
va in Chiesa a preghè,
per veda el Bambin
tra el bua e l'asineli
e pó tel pió bell
va a casa a magnè.
Caplett, capon,
spumant, paneton,
ognun d' nó s'abuffa
finch' la pansa se stuffa,
e purtropp ce scurdam
de quei ch' morne de fam ...
INIZIO
PAGINA
Strollig,
santon e compagnia bella
Lucius F.
Schlinger
Apena acendi la television
o se per cas vlessi guardè 'n giurnal
en c'è 'l temp manca d' fè 'n po' d'atension
che già te saltne adoss tutt 'sti animal
ch' te vojen chiapè sempre per cojon
sa i UFO, i gran poter paranormal
e sa la "scensa" pió idiota ch' ce sia
ch'sarìa propi lia: l'Astrologia.
Difatti i magh, i guru, i guaritor,
quei ch' vegghne un disc volant ogni
moment,
quei ch' te prometten d' fatt afoghè in
tl'or
sa le vincit al lott e altri acident
o da guaritt da tutt i tu' dolor,
d'arfatt sàn com un pesc com s'fossa
gnent
o ch' t' fann le cart - vrien di' lor !-
a bon press
s'en se' imbecill t'avrien da fè ribress.
Quei ch' fann l'oroscop per quarantott'
or
t'un giorne sol, sa i segn e 'i ascendent
(ch'en c'entren propi gnent sa i ascensor)
mo c'entrarien, a senti ma chla gent
sa i malann, la salut, 'i affar, l' amor
la fortuna, el destin, gioj e torment
èn tutti pieni d' moin e d' caress
per fè i guadrin alle spalle d'i fess.
E pó c'è i chiromant - quei se ch'èn serî
!-
ch'leggen le gricc d'le man ch'èn
diferent
tra mana e mana, mo chi en è nat ieri
sa ch' dipenden da com s' fa i moviment
per chiapè e arlascè afar grossi o legeri,
da com èn 'i oss e i muscol normalment
e che la vitta el cor, testa e destin
en èn d' sigur scritti sotta i guantin.
Ma nó ce piac un po' da guardè 'l cel
sa le stelle i pianet, le nebulos,
mo la radiotivù è 'n gran brutt vel
che 'n te dà manch 'n aiutt a l'acqua d'
ros,
ansi tel televideo per un pel,
guarda com te suced 'ste fatt curios:
cerchi l'astronomia e tutt de bott
ce trovi i strolligh e i nummer del lott.
Ce vrà 'na legg per fè 'n po' d'
disciplina:
la gent ch' vol essa sempre cojonata,
cavoli sua,
mo p'rò sa sta manfrina
d'imbrojon de tivù e carta stampata
se podria falla fnitta da dmatina.
e sensa tanta forma delicata.
Basta scriva per legg tun 'sta
scompessa
che la prova scentiffica en c' pol essa.
Fin ch' se va avanti invec sa 'l stess
andass
lascè perda 'nicò e trataj sa i guant...
che mal fann i giuchett de 'sti ragass?
Lor te vrien dì ch'en costen manca tant.
Mo pro cercam da guardè tutt t'un mass
e Molti pochi fanno assai s'un
quant.
T'un ann - parlam in euro - 'sti imbrojon
Freghen settcent e cinquannta miglion.
Cert volt Magistratura e Polisia
chiappne e pó sbattne dentra 'n farabutt,
ch' ha spnachiat com un poll ma ùn,
mo c' vria -
per arpulì l'ambient propi del tutt -
chisà quant temp e fatiga, osteria !
e pó se anca el lavor dassa i su' frutt
tocaria arcmincè subbit 'n antra rata,
gì sempre avanti
indrè a Rottapilata
.
E pó, dulcis in fundo, c'sa sarìa
adess da metta d' nom ma 'n cert "partitt"
un vers ch'vol di'
Coragg, Itaglia mia?
È 'n antre imbroj da du, sold: garantitt
!
E a part el cor (ross sempre e
sempre sia !)
Azzurro è 'l color nostre preferitt,
già da burdej, da prima da gì a scola.
Quell d' Forsa Itaglia è
marroncin-nociola.
Resoconto sintetico - in ottave di endecasillabi che
nel nostro dialetto sono spesso tronchi - di una
conversazione del gruppo Demopolis - Ailait tra
Lucia Fiabòn, Alfio Cubani, Olaf Bauciin, Ilìa
Bàcunof, Alan Iùcibof, Luca Fìboian, Luana Biciof,
Bianca Ulfio, Alba Fucinio, Fabia Ùlonic e Luciano
Fabi.
INIZIO
PAGINA
TEMP ASENT
Antonio Fontanoni
Se parlava dialett
a cavall d'i murett
El temp en dava afann
e se ciondolaven le gamb
Dla candela ma 'l nas
en se faceva cas
El temp en valeva gnent
anch' se se viveva
strignend i dent.
INIZIO
PAGINA
EL
CELLULAR CHE COMODITA'
Luana Fucili
El cellular, che gran comodità,
el porti dietra dappertutt' du' ch' s' và
Ier l'atre quant so' gitta dal dutor
m' ha sonat mentre sentiva el cor ...
"el cellular che gran comodità !!"
era la sia ch' diceva: «Bab cum stà ?»
Er ma 'n cors per genitor
tutti atenti ma 'l profesor
quant el cellular s' mett a sonè
tutta la gent, incmincia a cerchè;
chi tle sacocc chi tla bursetta,
cercavne tutti sa 'na gran fretta,
ho calsat el buttuncin
e parlav pianin pianin ...
"el cellular che gran comodità !!"
era mama: «La spesa chi la fa ?»
Un giorne ch' me sentiv un po' avilitta,
so' entrata in chiesa, la messa en era
fnitta,
e propi tel moment dl'elevasion,
el cellular sonava, che figuron !!
So' corsa fora, che comodità,
era la nonna: «Cocca mia cum và ?»
Io c' ho 'na fila lunga de parent
'ste cellular è propi un bel torment:
se gim avanti acsé che fin s'farà?
"el cellular che gran comodità !!"
INIZIO
PAGINA
M'arcord
Luana Fucili
M'arcord quant' er ancora 'na burdlina
giocav felic sa la mi' bambulina
Era de celuloide, un gioielin,
i bracc tacati sa 'n elastichin
sensa capei; mo, sa 'n gunlin
che me sapeva propri blina blina.
Giocav sa le mi' amich in t'i scalin
Sa 'n pó de sass messi t'un tigamin.
Gociavne i pagn che mama aveva stés
Lavati tla mastella .. .ben intes !
E tla mastella du' s' lavava i pagn,
'na volta al més ce facevam el bagn.
I capei se sciutavne tel camin
o t'un cuncin de sol tel vigulin.
Giocav a cutt opur a chiaparella
tla maia apicicav l'erba murella.
Corev sa i soccol comprati da Gambini
c' avevne apicicat i fiorelini ;
mo ogni tant facev un ciampicon
e per la via cascav a rugulon.
Argiv a casa tutta magagnata
mo en dicev ma nisciun che ser cascata.
Se me sporcav la gonna, quella bella,
giv a lavalla sotta la canella.
Mo p'rò m'arcord en c'era rimision
sa mama se chiapava un bel schiafon.
Tel vigol sa le amicch se scorasava
e qualca volta insiem se litigava.
Per gì a la messa mama me gambiava
Le scarp sa la biacca me puliva,
metev una gunlina de cuton,
che gust ... facev un figuron !
Girav tond tond per un bel cuncin
la gonna me faceva el paluncin.
Sa la "monnica" a seda tle panchin
la messa ch' se diceva era in latin.
INIZIO
PAGINA
LA ROTONDA
Simonetta Fucili (Simo, 2003)
Quant Galileo ha scopert ch' el mond,
invec d'essa quadrat era rotond,
qualch' audac s'è aventurat
e l'oceano ha esplorat.
Mo l'argoment che vlev tratè
è più semplic de dachsé
Vlev parlè, a dire il vero,
d' le rotond del Piansevero.
In Urbin, che sém fora dal mond,
la scoperta del secol par ch'en le rotond.
Stann trasformand ogni incroc
dal Piansever fin' a la croc
Sa i semafor hann fatt 'n esperiment,
'i hann messi só e 'i hann tnutti sempre
spent.
In verità era aumentat el casin
c'eren le cod da le Conc a Urbin.
'I avran tnutti quattre giorni acesi;
en ho capitt chi sold perchè 'i han spesi
!
Durant i scav hann trovat de tutt
propri malé sotta el camp de "Prosciutt"
'na mucchiarina d'oss, qualch pess de
vaselam,
dic ch'en malé da 'n pess, da prima di
Roman.
Adess che 'i ha chiapat la mania
ma tutt le strad d' gambiai fisionomia,
per ogni incroc hann fatt una rotonda
anca se el post a volte non abbonda.
E pó in Urbin, questa è la storia,
guidne tutti un po' a memoria.
Qualcun c' ha pers un po' la testa,
le prim volt s'immeteva all'arversa.
Ho vist 'na machina che, per scapè
da la rotonda, c' ha avutt da fè …
girava tond per trovè l'uscitta
l'autista, 'na donna, pareva sfnitta.
Qualcun per paura de fè 'n incident
dava la precedensa anca s' en c' entrava
gnent.
Comunque quant c' avrem prés confidensa
ce sembrarà de non poté più fanne sensa.
INIZIO
PAGINA
EL
DOM NOV
Stefano Mancini Zanchi
S'arnissa Ciccio,
e t' vdessa acsé armulitt,
stropicciaria 'i occhj, inebetitt.
Listess capitaria
mai nostre vecchj,
anca ma quei ch'en èn morti da parecchj.
Ogg finalment
s'arvéd el tu' splendor
ch'invitta a entrè
per salutè 'l Signor.
INIZIO
PAGINA
Ò vsutt anch' i' avÈ calcO' da
dì
Emanuela Poggiaspalla
(Fermignano, settembre 2003)
Ne parla da per tutt la gent
anca se nó en saven nient.
Da 'ste concors spunt voj chiapè
per arcuntav d'la ditta do so' i' a lavrè.
È la fabbrica pió vecchia d' Fermignen
e ben o mel ma 'na mucchia à dat el pen.
Da
pió d' vent'ann lavor maché
a gì avanti en li podevne mai fè.
Tre fratei dal pedre l'ànn erediteta,
avanti l'ànn tireta, anca se c' scapeva
qualca litigheta,
e, o sa 'l tropp o sa la cassa
integrasion
sém ariveti ma 'sta strena situasion.
E' strena el savet perchè?
in gir se dic quel che nó en dovem sapè.
Pió o men quattr'ann fa l'acqua ma 'l
goss c'era riveta
mo c'è statt chi c' l' à scanseta.
Da Prato, i anei ma i det e 'n machinon,
tutta robba da 'n sacch d' milion,
è arivet 'na dunina
ch' c' à fatt ringrasiè la Madunina.
'N antre po' d'ann avem lavoret
e c' àn sempre paghet,
c'è chi gli à fatta a gì in pension
anca se ancora en à prés tutta la
liquidasion,
tutti sperem t'la mobilità
se tel mezz d'la streda s'armanrà.
Mo, nó en savem nient
c' l'arcunta in gir la gent.
Del pió e del men quant s' va a
parlè
e ce dmandne du' sem a lavorè
armanghne tutti sa la bocca spalancheta
quant san che ancora chiapem la meseta.
Parrìa che chiappne via
a lavorè giran in Romania.
Quant rispond ma 'l centralin
sa quei ch'en stann propi vicin
e che provne a dmandam
quel che i en so, ma lor en el san,
i' 'i facc parlè 'n po'
e po' 'i digh che gnent en so.
Ma ùn del Pej ànn vendut
e pèr ch'i ànn dat tutt,
le chese ló c' farà
e tel Cumun tutt à fatt già.
Prima de cmincè la demolision
l' eternitt tocca levè tel capanon,
el 'nirà a fè 'na ditta specialiseta
perchè se tratta d' robba contamineta.
Chi porett pèr ch'vann a smielè
e ste lavor el dovran fè a genè.
Ce dirann de gì via prima d'
butal gió ?
o el farann mentre dentra ce sèm nó ?
Ve ripet tutt quest el dic la gent
mo ancora nó en saven gnent.
Adess me piacrìa a parlè ma me
sa la lengua ch' c' ò, sitta en poss stè.
Tutt quest me sa ch' è vera,
ma 'n su' amich gli à dett 'na sera,
anca ma ùn ch' lavorava da nó
el mi' padron 'i à dett calco'.
Perche alora en fè 'na riunion?
pensevne ch' podvém rompa i cojon
?
Mo lascem perda
tant ormai ce sem tla merda !
Mo, diavle porcacion
c' ànn prés propi per minchion !
I gran sold dann
per fè maché i dann,
chi poi va a lavorè fora per sfrutè
ma chi de pió en pol chiape,
quei de fora ch' la miseria nera c' ànn
vengne da nó, mo el lavor a trovè en lì
fan.
P'rò lor li fann a campè
el susidie giornalier 'i àn da de,
e nó pori disgrasieti
che maché ce sem neti,
chisà cum dovrim fè
per tirè a campè?
De tutt quest la gent
en à det propi nient.
Me 'l diceva sempre Babo mia
che c' saremm troveti da 'sta via,
mett da parte, impera a sparagnè
l'artrovi per quant en c'è.
Ma la só vrann sempre magnè
anca se nó en li fem pió a
guadagnè.
Girim a compre 'l pen
e sottabracc el metrem,
i sold en starann t'na sacoccia sola
ce vrà pina la cariola,
argirim prest a baratè :
i' te do 'na mela, te sa dè ma me ?
Porett, era ignorant,
ma c' aveva vist distant.
Me dispiec per quei che ma la greppia èn
só
dal da fé ch' ànn en possne pensè ma nó.
Sa ch'importa se la disocupaston è
aumenteta
va al peri sa 'l lavor ner e la robba
tarocheta.
Mo voiatre pessi grossi en ve preocupet
el dmen c' l' avet asicuret,
en l' ò dett i', ma la television
per voiatre gran peghe e gross pension.
Nó sem pronti a stregna la cinta
e ma la pansa de magne insegnarim a fè
finta.
De quest la gent
en à dett gnent.
Ò vsutt anch' i'
avé calco' da dì.
INIZIO
PAGINA
Viva el vin
Eros Serafini
Quant ho voia d' beva el vin,
i' ne ordin un quartin :
sa mezz littre in compagnia,
passi el temp ch' è 'na magia.
Mo s' ne bevi tropp del vin,
te t' arduci cum un purtin;
imbrièc, mezz incantèt,
che te pussa anca 'l fièt.
Se te mel en ce vu stè,
un po' prima ce da pensè.
Mo te en gambi el tu parer
e intant ne fe' 'n antre bichier.
Dici che i pensier brutti
sa 'n po' de vin te passne tutti.
Fa basta, lascia gì,
se no chisà cum girè a fnì !
El butti gió giù per la gola
cum c' avesc 'na petriola !
... E per fni inalegria,
" viva el vin " e così sia.
INIZIO
PAGINA
LA GINASTICA
DLA TERSA ETA' N. 2
di Anuska Severini (novembre 2003)
M' han guardat brutt l'ann scors,
ch'en avev scritt du righ a conclusion
del cors,
dacsé st'ann ho pensat d'ativam un po'
prima,
pr'arcontè le scenett posibilment in
rima.
Per de pió, un giorn la Lina entusiasta
m'ha dett :
"Quant ho ris arlegend la tu' poesia in
dialett,
c'è daver 'na gran vena, se scriva propri
ben,
perchè en ne scrivi 'n'antra e la legem
insiem ?"
Io c' ho arprovat e leggh el frutt del
mi' lavor,
voiatre ascoltat ben e ditme : "Brava" in
cor !
Un d'i prim giorne Claudia ha sistemat le
panch,
e c' ha fatt metta a seda perchè ce vdeva
stanch.
Un grupp era sedut sa la schiena piegata
e sa i bracc vers i pied: 'na bella
fatigata !
Le compagn stavne dietra e avevne da
calsè
quelle davanti in mod da falle ben pieghè.
Mentre eravam intente e rosse per el
sfors,
com i sportiv ch'arivne al traguard dop
le cors,
scappa fori la Silde ch'era vicin a me
e dic fort , seria seria: "Me dica
trentatre !"
La più gignala , prò, è quella più
tondina,
che, se la guardi ben, par propri 'na
fiulina,
me riferisc a l'Elena s'en l'avevat
capitt,
ch' ariva acompagnata puntualment dal
maritt.
Un giorne ciancicava la gomma americana,
mentre, sa gran fatica, cercava sa 'na
mana
da tirè só el ginocchj, spingendle vers
el pett,
che per la verità, ma lia en 'i fa difett;
e non riusciva a ottiena el risultat
volutt,
perchè, tra tett e pansa, se confondeva
tutt !
La Claudia, alor, 'i ha dett d' en
mastichè fitt fitt,
perchè, durant el sfors, el respir en esc
dritt.
Alora lia ha esclamat, per dè la
spiegasion:
"Ho mess un bel po' d'ai, a pranz in tle
porsion !
La gomma me serviva per camufè l'odor,
perchè me pussa el fiat, sent maché che
fetor !"
Anca la Bigarina, ogni tant fa i coment,
e brontola , protesta, dic quel ch'pensa
tra i dent.
"Quest en me piec !"
è bona da urlè fort
quant per i adominal ce tiram só tutt
stort.
Ad intervall esclama:"Oddio ! Poretta me
!
Sta gamba tira tropp, distesa en ce vol
stè !"
Tropp insista cert en voi,
mo, credet, par ch' c' ha le doj !!!
La più bella, però, è sucessa stasera,
quant la Claudia s'è messa davanti a la
spalliera,
e c' ha spiegat ben ben l'esercissi da fè,
sistemate per coppie, prima io, dietra
te.
Se pasava la palla, disposte schiena a
schiena,
'na volta sulla testa rivolte indietro
appena,
'na volta a gamb aperte sa 'l seder al
dinsó,
facend pasè la palla stand sa la testa in
giò.
L'Anna, facend l'uchin, m'ha precisat t'
l'urecchj,
che di pasagg da fè n'aveva pers parecchj,
e ha riasunt in 'ste mod l'intera
operasion,
girandse vers de me e cambiand posision.
"L'avém da dalla sempre;
'na volta sopra 'na volta sotta,
fa come me, sta atenta,
vien dietra e tienme botta !"
Durant l'ultima lesion c'è stat 'na novità,
perchè stam imparand 'na dansa: questa qua;
se tratta da formè du cerchie, un dentra chl' atre,
che giren al contrari: par da balè a teatre;
se conta fin a ott seguend 'na musichetta,
e se gira a bracett tnend la compagna stretta,
e pó se scambia i post,
quelle interne indietreggen a formè
el cerch più grand,
mentre quelle de fora fan ott pass in avanti
tutte insiem a comand.
"E' come un fiore che apre la corolla !"
spiega dolce la Claudia che attenta ci controlla.
La nostra brava Claudia è garbata e c' illud,
mo nó asmeiam de pió ma 'n crisantem ch'se chiud !"
Adess ho propri fnitt sta lunga tiritera,
è mei a lascè gì s' no dur fin a stasera.
Nel salutav dirò quel ch'me prem pió de tutt:
sper tant insiem a vó, de mentienme in salutt !
INIZIO
PAGINA
La posta
de Piansever?
Giorgio Speranzini (dicembre 2000)
Per la Posta a Piansever
nisciun ce pensa per daver ,
diec ann èn ormai gitti
bastaven per fnì Palass Pitti,
"Urbino merita due uffici postali
recitavano i vari tal dei tali"
prò se qualcun non ce pensa,
invec de due, armanem sensa.
E vò metta el disag costant
lasciè la machina in Via Bramant ?
E se qualch vigil urban, de prescia,
te lascia el regalin tel parabressa?
Tutt q'i student fann 'na fila da gnent
per el vaglia dal parent.
Sarìa alora mej per tutti nó
chieda tutt' insiem per un bel po'
alle Poste de facc un regal,
un local vicin a l'Ospedal
de mod da fè content
verament un sacch de gent.
Fat acsé , datme ment
se no dopp en s'arcoj gnent,
o tutti nó farem la fin
de q'el por cuntadin
che al padrone dié il 50
che al fattore dié il 50
armanend sensa pan,
guasi guasi è mort de fam.
INIZIO
PAGINA
EL
PALASS SPORTIV
Giorgio Speranzini
(Novembre 2000)
All' Assessore allo Sport del Comune
'Na matina del decim més
so' 'rtornat tel mi' paes,
sapet qual' era l'incombensa ?
era un gambi de frequensa .
'Na Radio Nasional m' l' ha dett
e so gitt de gett
a dè 'l nom Lattemiei
se ved ben in tel display
L'incarico per la Radio,
mi portò nei pressi dello Stadio
lì c'era un gruppo di naturalisti
che scartavano i funghi tristi
e propi vicin al Bar
c'è 'n palass particolar
è 'n bel po' d'ann ch'è 'ncminciat
e ancora en è stat inaugurat
vria sapé perchè 'ste temp
è pasat inutilment
i' me chied se per Natal
ce sarà d'ecesional
de veda 'n sacch de gent
fè la fila per l'event
che a Urbin farà dì ma la gent :
Palass Sportiv , finalment !
'Ste du righ per elettronic posta
è perchè vria 'na risposta,
posibilment sa 'n po' de rima
e ne saprem pió de prima,
ma se risponde in italiano
va bene lo stesso, ci accontentiamo.
INIZIO
PAGINA
LA FORNAC DI VOLPONI
Massimo Volponi
C'è 'na montagna d' madon sotta 'l
murajon d'Urbin:
un mostre viv che dorm
o 'na carcassa morta ?
Me so' vicinat, lo tocat sa 'n baston;
en dava segn de vitta.
Alora 'i so' entrat dentra,
t'i budej rugginitti,
du' c'era el foch d' l'inferne.
C'era un silensi che meteva paura.
Ho girat per tutt,
e pó ho urlat,
e la mi' voc rimbombava e m' inciurliva,
e, alora sè, tutt le voc de quei che ce
viveven dentra
urlaven insiem ...
'Ste scheletre parla ancora,
sa chla bocca longa longa com un camin,
che ancora gemita, dop trent'ann.
Per fortuna che mi' padre è mort prima,
chè, sinonca, a veda la su' fornac
ardotta dacsé, moriva du volt ...
INIZIO
PAGINA
EL
VECCHJ SOTTA LA CERQUA
Anna Zazzeroni
...
Guarda in alt ...
en ved du' fnisc l'oltima rema sbrulitta.
Da pcin c' ariveva sa un salt ...
Quanti ann en paseti dla su' vitta ?
Troppi ... troppi daver
epor sèmbrane 'na manceta ...
Mo la cerqua l'ha vest bersalier
durant 'na guerra disgrasieta
e 'i ha datt l'ombra dle su' foj
quand ha rubet el
prim bèc
(bacio)
ma quella che pu' sarìa nutta la su' moi
quand la fèm e la miseria en devne pèc.
El vecchj sotta la cerqua ...
Sa 'l cor che 'i batt fort per l'emosion,
sol adessa che s'è fermet el su' cammin
guarda chla rema che tel silensi dle
stagion
è arriveta fina al ciel, guesi vicin.
El vecchj sotta la cerqua ...
Guarda in alt e pu' chiud i' occhj ...
chel pensier un bel po' 'i pesa,
sé, ormai è tropp vecchj
... chel Ciel sarà prest la su' chesa.
INIZIO
PAGINA
|