Home Concorso 18

Arieccle! Avet pacensa, sarò nuios a forsa de schiafav sò ste b'giollich. Anca st'ann continuam sa le solf dle sturielle de mi madre coca brava ch'giva a fè el da magnè bon ma i sgnor ricchi, che per le fest grande magnavne i caplett sa'l brod prelibat de capon. Clatre fest: lasagn, canelon, raviol e anglott, och, anitre, galinacc, capon, cunil, maial de tutt i taj e a stuff. Niatre invec per le fest de Natal e del Prim dl'Ann, se giva bona, quan mama giva a cucinè dai Sgnor, armediava guasi sempre mezsa galina, i raguian, calca sanciccia, 'na fetta de lard, un po' de distrutt e un quart de furmai pecurin secch. Alora se magnava i pasatin o la straciatella sa'l brod de galina, s'en c'era la galina, sal brod fat sa le custicc de bua e 'i oss e i nervett de bassa macelleria, ch' magnavam a la sera a cena, sa le patat less, o sa i broccol o le verzs. A Pasqua e le dmennich, calca volta i gnocch, sinò, i spaghett o i fischion, sa'l sciugh di raguian de poj o sa le sancicc, o la pulenta, sa i fagiol e le cuddich; la sera se c'era armasta la pulenta se riciclava rusulata tla piana dl'a stuffa cunditta sa l'oli. Mo chiatre giorne nurmal, de spess tucava strusass ha magnè i sbublot, detti la: "colla per tachè i manifest"; perché se tacaven d'acsè fort mai dent, che facevi fatiga a mastichè. I sbublott, sarien statt di maltaiat, fatti sol sa la farina impastata sa l'acqua, po' messi a sechè per un para d'giorne quant erne secchi ben ben, se cucevne sa le verdur per facc el minestron. Le ser d'inverne era sempre la sollita solfa sa i riempa pansa ch' en mancavne mai: patat lesse pasate in padella, opur cotte sotta la cennera, cavol verz, bietol o spinac; calca volta la mortadella de sumar, ova fritti per fè el supachin sa'l torle; la carne era un luss. D'estat gran padlat de pundor, mlanzan e suchin gratinati al forne. Spess al sabbot opur a la dmennica era daver 'na gran festa quan mama faceva i casciòn ripieni sa l'erba de campagna o faceva la trippa a la bicichina. E giva ben 'na mucchia, menomal se magnava. Ha sentì ma na mucchia de chiatre burdei ch'niven a l'Asilo magnavne sol na patata lessa manca cunditta, la pansanella o el pan bagnat tl'acqua e vin sa un vel de succre. Mo pro al giorne ma l'asilo se sgulfanavne.

Sèm arivati ma mez giorne pasat da 'n pestin e s'era dett che se faceva un ripusin per magnè. Mo le donn pareva ch'en s'fosser manch acorte; e io c'avev fam, anca se avev magnat ch'el cuncin d'pan sa'l furmai, me miagulava la pansa, mo stav sitt e bon facend finta d'essa indurmentat. Pro me sa ch'durmiv daver, perché quant la Tersina sa la voc grossa ha chiamat ma le donn, ho fat un stols, ch'a mumenti casch da la sedia. Le donn ch'erne in gir per la cucinona avevne capit che la Tersina l'aveva chiamate per fè el ripusin d'la magnata. Han incminciat a levè tutta la robba del magnè da sopra le stuff, dai furnell e el caldar ma'l camin, e l'han catastata du c'era un pò de post.. Po' s'ardunen vicina la Tersina, che cmincia ha dì: «Fin adess sem statte sempre dria le facend e sem un po' stuffe e le gamb cmincen a gì lente e alora digh che 'riveta l'ora ch'facemi un arpusin e metta calcosa sotta i dent per archiapè le forzs». Capiret la mi cuntentessa, se magnava! La Tersina c'aveva già t'le man le sachett sa'l pan e sa i furmai e l'apoggia sopra el tavlinon; l'Emma chiappa la batlarda e la poggia vicina le sachett, la Tersina chiappa 'na curtella, poggia el filett del pan sopra la batlarda e ne taia 'na decina de belle fett e le mett t'un piatt. Intan mentre lia taiava, no avem chiapat le sedie ch'adess erne sbruiate da la robba de verdur e gim a metce t'un angol del tavlinon. Po'chiappa 'na forma de furmai morbid e anca de quel ne taia 'na decina de belle fetarin e le mett t'un antre piatt. Mentre l'Emma pasava sa i piatt per fè prenda ma me e ma mama el pan e el furmai, ariva la Rusetta sa tle man le bucalett, una sa'l vin ross e una sa l'acqua. L'Emma ce dà i bichier e ma mama el riemp sa'l vin, ma me me dic: «To invec ve' tla canella el riempisc sa l'acqua, el vin ma i fiulen i fa mel i fa nì la ciucca». Io ch' el vin en l'avev mai bevut, me so azardat ha di': «Emma me l' fat sentì com è bon anca ma me?». Me guarda, storc la bocca guara ma mi madre, che sa la testa i dic de se e m'ne mett apena un ditta e dic: «Ades corr a metce l'acqua». Subbit chiapp la bucaletta e riemp el bichier. Po' anca lor prenden el pan e el furmai. Stav per metta el furmai sotta i dent, quant la Tersina dic: «Adess dicem 'na preghierina ma'l Signurin perché fnissa tutt ste sciagur». Sa na mana tel cor dicem un grassie sa tutt el cor, o Signor, del cibo che anche oggi ci doni, proteggi sempre noi e le nostre famiglie dai tribboli de sta brutta guerra e fa che fnisca prest, Amen. Mo se sentiva ch'el pensier per le facend del magnè era piò fort dla fam. Fnitta la prima pasata, la Tersina s'è corta che le rasiòn del magnè erne poche, ha artaiat nantre: cinq sei fett de pan e de furmai, prò piò finarine e de quelle n'avem archiapat n'antra purzsion pr un. La Tersina c'ha datt ancora ch'el pan un po' durin ch'io facev fatiga a rodle; s'ved ch'era destin che i dent vecchi me duveven caschè prima. Le donn tra d'lor parlavne fitt mo era capitat che durant le facend dla matinata, mama ha vut spess bsogn dl'aiut dle donn; cosè sa lor aveva c'minciat a parlè spess per d'mandai du era arposta la robba chi serviva o per preparè le robb ch'se duvevne purtè avanti insiem. Pian pian, sa lor aveva chiapat piò cunfidensa. Cusè durant el ripusin per la magnata, en statte lor due ch'han inchminciat a arcuntè ma mama che lor cnuscevne ma la Sora Elisa fin da mind ch'erne dle fiulen. anca lia era neta in campagna t'un un di puderi vicin, ch' era del nostre stess Padron; e steva t'una chesa vicina, a guesi un para d'chilommetre da quella du stevne nuiatre. e niva da mind na fameia ch'ce cnuscevni e ce vlevmi ben perché sa lor sem d'venteti anca parent, perché la Lisa c'aveva n'antra surella d'un pera d'ann piò granda e do fratei, alora guesi di giuvnott. Un di fratel dla Lisa, ha spuset la mi surella Lena, che stamatina prest è duvutta argi a chesa sensa men, che sensa no donn era sguarnita. Furtuna che de nev en n' ha fatt tanta è pututta gì via sa'l prim pustel. Le nostre fameie e tutte quelle che stevne ti puder vicini, a la Dmennica gimi a la Messa tla stessa Parocchia do ce sem spusetle nuiatre do; e do dop avemi batezet i fioj nostre. Ste pret anca s'è ansien, en è quel ch'eva spuset ma no'. El Pret d'adess t'la stessa chiesa, ha batezsat e fat i spusalissi ma i nostre fioj e ma tutt i moros e le morose giovne. Cinq de chi giovne di puderi dintorne, da'n pera d'ann en al front in Affrica e d'lor se sa poch e nient. I fioi de sti omne en statti batezsèti dal pret d'la stessa Parocchia. El Pret nostre a Pasqua va a dè la Bendisiòn ma tutte le ches del circunderi. Alora, Natala, potet capì che no' in campagna ce cnuscemi tottli ben; mo en se va d'acord sa tot le fameie, sa calcuna per nient, èn testard com i sumer e sèm in cagnera. La Lisa, era blena, ben fatta, i feva el fil un mi parent ch'sta t'un puder distant e che d'un altre Padron. Mo e sucess che quant'è apena d'venteta 'na signurina e i Sgnor Padron evne paset l'età de mezs e c'avevne i fioi ch'erne di giuvinott, ch' givne a la Scola del Liceo al Culeg Rafaiello, davne da fè un bel po'. Cusè ma chesa ce v'leva n'antra mena fideta. Un giorne el Fator è git a chesa lora, ha chiamet el su ba e la su ma e ma la Lisa, per dì s'erne contenti de mandalla a chesa di Padron e da gì a stè sa lor per dè n'aiut a fè le facend e restè per sempre in famiglia in Cità. El su ba e la su ma han de sce, ch'erne cuntenti e anca l' Elisa gl'ha dett de sce, ch'era cuntenta da gì a stè a chesa da i su Sgnori Padron. L'Elisa è gitta a fè la serva e l'han acusteta ma n'antra serva ch'adess è vecchia un bel pò e c'è armasta, anca se fatighèva listess, da' la matina prest fina la nott tardi. D'acsè lia fin da mind da raghezsa è armasta da i Sor Padron e insiem sa i lor fioj è cresciutta, è d'venteta granda. Sa la Lisa quant c'erne le pulusie grosse i giva a dè na mena la fiola dla Tata ansiena, mo ades anca en c'è piò, è gitta ha stè sa la su fiola a Fermignen. Mo quant cerne le facend gross, calca volta nivme anca nuiatre. I fioj di Padron, nutti grandi, en gitti a l'Università, dov s'en lavreti. Ogg ch'el più giovne, è git a stè t'la Cità du stà la su mrosa ch'è 'na forestiera e malè c'ha truat el lavor. Mentre el maschi e la femmina ch'en piò grandi s'en spusati e stan machè in Urbin tel lor Palass. El maschi sa la moi è git a stè tl'apartament de fianch ma quel dl'Elisa. La femmina sa'l marit sta in fameia sa i genitor tel stess apartament per badai. La Lisa quant' è riveta ma i ventann gind a balè, ha cnusciutt ma Alfio ch' feva el murador e dop un pera d'ann s'èn spuseti in Urbin e poch dop è armasta grevida e la Sora Padrona mo sopratutt i fioi chi vlevne un ben com na surella, perché en gissa via 'i han datt un apartamentin tel lor Palass. La Lisa ha vutt un maschi e do femmin. La cumbinasion ha vlutt che quant l'Elisa ha pres, maritt anca i fioj di Sgnor padron dop avè fnitt l'Universita ch' erni ancora giovni, t'un pera d'ann un dria cl'atre s'en spuseti tutt tre. Tel gir de poch piò d'un ann e mezs, tottli lora han 'vut i fioj. Anca le Sgnore Padron giovne, machè in Urbin han vutt i fioj t'un chi period dla Lisa perché tra lia e le Sgnore Padron c'è poca diferensa d'età, han vut anca lora, un maschi pr'un e la sposa del maschi, anca na femmina e sicom la Lisa c'aveva el latt in abundansa, ma chi fiulen apena neti dle su do Sgnore Padrone s'dic, che 'i ha det el su latt sa le do fiulen sua. Mo sicom c'avevne tottle i fiulen pceneni, naturalment la Lisa ch'era breva e fideta ma i fioj dle Padron, com deghne in cità 'i ha fatt da "Teta", 'i ha arlevet insiem sa i sua. Mo c'è dla gent trista e invidiosa un bel pò, sa' le linguacc longhe e invlenitte avevne mess in gir 'na chiacchiera infema; s'murmureva ch'la Lisa aveva vutt una dle femne sa un di fiol del padron, perché nind grand i niva smeiand sempre de piò. Mo sa'l temp le calugn ch'ann mess in gir ch'le bocacc invidios e perfid, ch'han sputet cle diavlerie, tottle inventete, tottle false. El Pret ha dett che ma lora i s'aprirà le port del piò sprufond dl'inferne per bruscè tel foch. La Lisa che fra nuiatre ch'semi parente e ce vlemi ben un bel po' cum fosmi surelle, no' el savem el ver, en ce diria le bugì. Vedrèt Natela ch'el Signurin Gesù, castigherà ma cle gent spuduret e invidios e quelle se ch'se meriten d'essa bruscete tel foch. Mo ades tutt è fnit, perchè era tot fals e s'èn smurciet. E' propri vera ch'quant men t'la spetti, daver el Ciel dle volt aiutta ma le person bone. Tutt quest la Lisa s'le meritet. Cle donn s'erne infervuritte e ne parlavne sa'l cor pin d'orgoi. La Lisa sigurament da i su Sgnor Padron avrà vut da fatighè, capiret ch'stè de dria ma cinq person, per pulì la chesa che com avem vist è granda. Tocca fè la bucheta, stirè, fè da magnè ma i Padron anca se i prim temp fina ch'se spuseta e anca quant la Lisa ha vutt i fioj ha purtè avanti le facend 'i è statta vicina ha dèi na mena la Teta granda, ch'era malé da lor, da quant erne giovni i Sgnor Padron ch'adess en ansien. E po' dop anca la Lisa quan se spuseta, ha duvut badè ma chesa sua e ma i su fioj; alora spess a dèi n'aiut nivne nuitre. La Lisa adess è granda e anca la fameja di Sgnor Padron, è nutta granda; e cusè anca i fioj di padron èn d'ventet di mezs giuvnott. Per tottle le facend piò fatigos per furtuna chi deva 'na mena grossa Alfio. Mo sa'l temp piò davanti quand en cresciute le su fiol ch'fevne la Scola dl'Aviament, quant arnivne da scola se metevne a aiutalla per badè anca lora ma tottle le facend. Adess ha custodì la chesa vien la fiola piò granda dla Lisa e portne avanti le facend per mezsa giurnata insiem. Per le fest grand, chiamne anca ma nuiatre. Ieri la fiola granda dla Lisa ch's'chiema Gigliola, era maché sa no. Ogg c'ha la fiola ch 'i sta poch ben e le gitta ha cumpagnè dal dutor Baiardi. Mo dmena è machè per aiutè ma vo' Natela. No' dmena argim a chesa nostra, do c'avem anca no' da custodì ma tott. I nostre nonn e nonne; ma i nostre omne e i burdlèn ch'en van a la scola ch'è chiusa e ma i piò pceneni. Fnisc da parlè, se guarda in gir, bev un bichier d'acqua, fa un gross suspir e arguarda ma niatre, ch'stavam tutti atenti à sentì; fa nantre suspir e arcmincia ha arcuntè. Pro en s'pòl fè un paragon, sa la vitta ch'fem da no' in campagna 'na vitta altrechè s'è piò dura. Da no, por cuntaden, se cmencia a fatighè avanti el cant del gall ch'el sol ancora en è manca spuntet per gì tla stalla da le bestie grosse, mentre 'i omne custodischen ma i bovi, pulì la letiera, pasai la brusca e la spazzla ma'l pel. No donn gim do c'èn le pecre e le chepre per arfai la letiera anca ma lora. Pó tocca gì a custodì el porch; pó se và da le bestiole piò pcenen, liberè i poj. Mo en fnisc malè. Argì a chesa cenda el foch tel camin, custodì ma tott i fioj. Parechiè la tavla metta el mantil per la clasiòn. Gì a coja le verdur, po' a sapè e de l'acqua ma l'ort. Apena fat clasion, giò tla loggia a prenda le sapp perché tocca gì a sapè le vitt e dai l'acqua sa'l zolfne. 'I omne subbit dop clasiòn van a tachè i bua ma'l melott per gì ha lavrè i camp per le semmine. Gì sotta chi sol ruvent a falcè el gren. Dop la mietitura tocca gì a coja i cuvòn e preparè la barca per batta el gren, cargè le minelle, riempì le balle sa'l gren e purtalle tel magazen. Po' ariva el temp d'vendemiè l'ua, fè el most, po' mettle tle bott. Insomma el da fè sc'ne na gran mucchia tocca corra de qua e d'in là fina a la nott. e dle volt manch'en aresc; apena fnitt 'na robba, c'né subte n'antre po' da fanne. A la sera tocca gì ha ardunè le pecre, le chepre per chiudle tle stalle. Tocca, arpona i poj; purtè i bua a beva ma'l bregn, tocca custodì e arfai la letiera, sa la paja pulitta e arfai la tritta per dai da magnè. Mogna le vacch, le pecre e le chepre e gì a de da magnè ma i baghen. No donn ha chesa, lavem i piatt, mandem i fioj a lett, spasem, po' en è fnitta: rinfoculèm el foc tel camin per fè bulì i latt per fè i furmai. Tutt chel da fè e tutt chel sgubè te schianten le gamb e la schina, fatighi tott el giorne ch'en s'ne pol piò, mo la sera te corgi ch' manca sempre 'n pes. Insomma la not s'va a durmì sa 'i oss rotti. Pro anca no' da ragass, c'avemi avut e pasat di temp bei, de quei ch'en se scordne piò ch't'arcmanghne tel cor fina ch se campa. Erne propri di bei temp quan nivne le: Fest de Carnevel. Per chle fest avem avutt daver i nostre mument piò bei per diverticc. En vedesmi l' ora ch' arivasne chi giorne dasmò bei ch' sentivi ch'te riempivne el cor de gioia, en ne facemi a men; anca se per pasè calch'ora spensiereta e na bella festa, tucheva fatighè listess. Quant rivevne i giorne del Giuvdè Grass e del Martedè e la Sega la Vecchia; le maschre favne el gir per le ches per el ciccle e t'un chi giorne poteva capitè che le maschre, nisser da nuiatre, mo c'avisavne 'na stmena prima. Lor nivne sa'l tambur, la tromba, el piffre e l'urganett. Alora com vol le tradision, chle volt sucdeva che tla chesa du givne le maschre, s'ardunevne la gent dle ches vicine. Ogni fameia purteva la su robba da magnè. Chi purteva le sancicc, chi le custarelle, chi el salem e chi lumbett. No, emi preperet i dolc, cresciol, la torta margarita sa la crema, totta afeteta. Ch'avem riempit tant de ch'le coscle pine seppe sa la robba da magnè, da cuprì tott la tevla. Sopra la mattra avem mess na demigienina d'vin, chel bon, el pciòl el bem quant s'fatega. E tutti no', da i fioj pcinen e 'i ansien se baleva el valser, el tangre, la mazurca, la furlena, la polcra. E' stet tott un sompè en girandulè, e tra 'n ball e clatre, chi magneva 'na custiccia, o na sanciccia; po' i omne givne ma la demigianena, a beva n'ingulsata de vin a garganella da la spina del sciòn ch'el vdevi a gì giò a de gust per el gargaross com na zulla. Mo c'erne anca chi invec dla cherna magneva de piò i dolc e tra 'na cresciola e 'na fetta de torta margaritta bevevne un dietra cl'etre de chi bichierin d'vin pasit. Ch'guntevne. Da chel mod pasavmi 'na mezsa giurneta de grand'alegria e de riset sa le maschre. C'era el cavadent; la coppia de sposi, ch'erne du omne mascherati e un feva la donna. Lia era d'una brutura ch'feva spavent; sa la faccia tottla tinta sa la cipria rosa chiera, un fasulett de quei che dupremi per fè la gluppa, i cuprivne 'na parucca de capei fatta sa'l pel de pecra neri com el carbon; e sa i labbre rossi come el foch. Un vestit longh e ugual ma quel dle moniche, i mutandon bianchi longh fina le galorgn e sa ti pia i soccle chiusi. L'omne sa na giacca nera chi riveva sotta i ginocch; sa'n capell tott sgualcitt e i capei rosci com le barb del furmenton, sa le cals a righ maron e i stival de gomma, era un mostre. C'avevne do fioli, un ch'avrà vutt dai 8 ai 9 ann; e cletre dai 11 ai 12 ann. Lia tel bracc purtava un canestre de vench du c'evne mess na bugatta de pessa chi feva da fiolena. Magna e bev e bev che te bev, dop, ma'l marit 'i ha chiapet le zirle e se sfuneva, ma cla pora moj per spuialla. E lia chi feva i scaracoll per fuggia. L'urchestrina t'un chel putiferi sunava a stroppa cerquella cla mussica dla banda di bersaglier quant corren. I do fioi piagnend e i nostre omne i tnevne per cerchè d'en fai fè el fatac. El mi bà, aveva cavet la cintura e i curiva de dria per dè ma lò un scroll de sgniet. Credetme ch'le matteggin c'fevne rida fina a facc ni' i lagrimon e i cramp de pansa. Je avev tò na cresciola e m'èr messa apena a seda che rivet de fuga un di mascheret e ma tò sensa gresia com fossa na bracieta d'paja e ma strascinet a balè un tangre; mo mezs cott cum' era me sbatraculeva sa na foga ch'me feva girè la testa com na trottla; e me deva tant de chi pistòn ti pia, 'i ho dovut a dì da lascem gì, ch'me sentiv mel. Tra la mussica, i ball, le matet de quei immaschereti, el temp paseva un bel pò a la svelta; e dop na mezsa giurneta, erne tottli mezs sburnieti, che le gamb, gevne a sframble en 'i regevne e caschevne dal sonn. Anca nuiatre, ommne, donn e fiolen, avemi magnat e but tottli fina gonfiass la pansa, e na granda alegria.

E via acsè se lutava fina la sera. Quant ce divertivam; quant riset a torces la pansa per le sciapet e le matterie de chi burlòn immaschereti. Mo, com tutt le cos belle en durne piò de tant.. Balla, sompa e magna fniva tott; el magnè. Tra tra na sgulseta a cletra fniva el vin, fniva la musica i ball e el divertiment. Na bella vitta de ch' vlesmi ch' lutassa per sempre, ch'en fnessa piò, Se! Ce scapevne fora propri dle belle bisbocce, ce scrulevni da la testa d'ogni pensier. Che gust, propri un gran divertiss per tutti. M'arcord che un giorne de martedè grass capitat t'un giorne vers'la fin de febrer, feva un gran fredd e vers le sei ha cmincet na bufera fitta sa 'n vent ch' vurleva com di lup afameti e le maschre impauritte, cla nott han durmitt tel magazen sopra i sacch del gren. Le Fest del Carnevel, en s'facevne sol a chesa d'nuiatre, per divertiss s'useva anca de gì per cl'etre ches, dietra le maschre. E anca ch'le volt, se magneva, se baleva e se rideva fina la sera tardi. Era un gran divertiment, en stett i giorne piò bei ch'èm paset che t'armanghen ti ricord e manch i scordi piò. Mo i giorni bei en durne tant, per gionta, adès è 'n para d'ann ch'en fem piò le fest de Carnevel, c'è de mezs sta guerra infem e per el rispett d'omne ch'en al front. E sicom per colpa de sta guerra ma le campagn manchen 'i omne, adès tocca stè tenti un bel po': in gir c'en di ledre matriculet ch'venghen da fora, chi deghne i sfuleti, che de nott, mo anca de giorne quan sèm in gir a lavrè per i camp vann anca dentra chesa e robne de tott, en se salva gnent.. Mo niatre e anca chietre cuntaden vicin, avemi mess ma i nostre bab sa le dupiett a fè, tot d'intorna in gir i turne de guardia. Adess, sicom dla robba c'n' è poca, per fè i disastre s'èn messe anca le volp, le fain e le dondle: "donnole", l' avemi dett ma 'l Fatoron che s'en stem ben atenti, c'masne tutt i pulestre. No stemi atenti e quan vann ha la pastura mandem sempre i fioi a badalle e ste vicin. De giorne e de nott da lor en te salvi, s'infilsen ti pulè pien pien, che manch le galen quan dormne le senten e fan le streg. Dle volt le galen se metten a sgagè dal spavent, no' curim sa le dupiett per sparei, mo cle furb corren con i lozne e masalle è dificle. Mo prò en potemi stè svegghi totta la not tocca gì a durmì per forsa, sinonca a la matena en te reggi in pia e ti camp c'è da fè i lavor. No ma 'l Fatoron gl'avem dett de tott i disestre dle ruberìe ch'avem patit d'intorne e de cle bestiacc ch' ce magne 'i animel e de cumprè le ret en po' dle tavle nov e piò rubuste. Mo lo insist ch' tocca fè la guardia sa ìl fucil, perché en c'èn i sold, el "Sor Bigiolla" del Cunsorsi: "Gambarara, piò cnuscutt tl' ambient cuntadin sa chel sopranom"; ha dett ch' ancora en èn statti stansiet i sold per paghè el gran, nè quei dl'ua. I mument èn dific'li, en ce s'ariva ha cumprè manca el piò neceseri, L'Emma se arsitata n'antre mument, guara tutt d'intorna la robba muchiata, da fni da cocia; tira un suspiron tutt sconsolat, po' armincia a parlè e agiung: «Se, è vera in gir de robba c'n' è poca mo el prublema en è dle volp e de cl'atre bestiacc, se fann i dann se massen. I ledre, se visa i carabinier chi metten in galera. Quel, ch'è capitet de sti temp, è na maledisiòn del ciel ch'en fa dann sol ma nuiatre cuntaden; mo fa tribulè, ma tutt cl'etra gent de ste mond. E' tutta colpa de sta guerra infema, c'ha pres tott 'i omne giovni e boni ch' lavorne; per dacc el gren, per fè el pen, ch' ce fan crescia sani e forti. Signor nostre Gesù sa la tu Mà Santa e Misericordiosa e tott i Sant del Paradis, proteget tott le gent. Guerra infema! Altrechè, le volp e le fain. Basta! Argim tottle al lavor».

INIZIO PAGINA

'NA STREDA ANIMETA

di Maria Cristina Bocconcelli - Urbania

Ogni paes c'ha i su bèi posti:

èl mèr, le montagn, i lèghi o i boschi

o le piass, i castèi, i monumenti,

da quei pió antichi a quei pió recenti,

mo… i vòi arcontè na semplic strèda,

che pro, per me, en è cosé scontèta.

Tutt dipend sa che occhi la guardi,

i' la guard sa i occhi d'i ricordi.

Per cinq lustri da la finestra l'ho osservèta e pertant…

poss di' che de sigur me manca tant.

Bsogna spieghè, per fè capì el mi discors,

che parl dla strèda principèl: el cors.

Oviament c'aveva come ogg

i selci e tre bei gruppi de logg.

Le mi finestr ern própi davanti al blocc centrel,

mo qualcosa vedev anca d'i logèti a laterèl:

a sinistra la banca fin a la cartoleria,

a destra fin a la botega dla biancheria.

Propi de front a la finestra mia,

da cl'altra part de sta via

ch'ariva fin a la piassa,

c'era 'n bar sa 'na gran insegna “Lavazza”,

che de nott s'illumineva de giall

e i voleva d'intorna tutt le farfall.

Tutt'al giorn se sentiva tintinè le tassin

e vedev un bel via vai da cle vetrin!

Perché 'l bar, a tutt le or, c'aveva la su gent afesionèta:

ch'i clienti che givn a ondèt, durant la giornèta.

C'ern t'i giorni ferieli e anca a le fest,

a cmincè da la matina prèst:

i primi érn j'imbianchini,

sa i su arnesi t'i furguncini,

mo de dmennica ern i pescatori,

perché è 'n pescator anca Carlo, un d'i ex gestori.

Pu arivèvn le donn che scapèvn da la prima funsion,

che, sa 'n gran cicalecc, tel bar givn a fè colasion

sa la pasta e 'l capucin;

pu dop cminceva el sollit traffic matutin.

Al dop mezgiorn in parecchi givn a piè 'l cafè,

e siccom non tutti avevn d'argì a lavorè,

d'estet, da dentra cl'andron,

arivèva el rimbomb del frastón,

de ch'j omni che a cart giochèvn

e che tra d'lor s'infervorèvn.

Anca sènsa vedi riuscivi a sentì chi busèva,

chi giva lisc, chi s'astrosèva,

chi c'aveva 'l carric e 'l caleva dè bott,

sbatténdl tèl tavlin sa 'n gran chiopp.

D'estet el bar vendeva el gelèt sfus,

quel che tel bancon de vetr stèva chius;

en se magnèva tant de spess,

com se fa adess

e dop pranz, se 'l mi ba ce faceva l'occhiulin

e se pasèva la lèngua sopra 'n labbr, sa 'n sorrisin,

era 'n segnel, voleva di': “Munèlle,

gim a piè 'l gelèt o le caramelle”.

Era sempre 'na festa stè moment,

propi perché en era tant frequènt.

La strèda, sotta le mi finestr, è sempre statta traffichèta

e durant la giornèta,

a 'n cert moment,

c'era spess un tanf de scappament!

Specialment per colpa d'i frettolosi che tèl bar facevn tappa,

lasciand acces el motor mentr bevevn la grappa

o de chi fumatori che t'i tabacchi le sigarett givn a comprè

pió de tant en se volevn fermè.

Mo, per fortuna, quel che pió m'arcord

è cl'udurin de cafè intens e fort

ch'era la “colonna sonora” de tutt le giornèt,

sia d'invern che d'estèt.

Sal cald, cl'aroma, se spandeva da le port spalanchèt

e passèva da le persièn a librett sistemèt.

D'invern, a la matina, quand le persièn aprivi t'arivèva,

perché saliva e se sprigionèva da cla porta ch's'archiudéva

dietra ogni client ch'entrèva o che scapèva

e anca s'era fredd cl'odor t'arconsolèva.

Qualch volta prò el contrastèva

n'essensa ch'al pomerigg el sovrastèva:

era la fragransa ch'arrivèva da la pisseria,

ch'era propi sotta la finestra de chèsa mia.

La posision ce privilegèva,

perché sentivi subbit quand la Isside sfornèva:

pissa bianca, rossa, sfojèta, bomboloni, bignè sa la crema…

sol l'odor già te faceva nì fèma!

E c'voleva n'attim a fè 'na scappatina

a piè la pissa rossa o la cresciulina.

Quella era la mi preferita,

sal rosmarin era guarnita!

Sopra c'n'era 'na bella mancèta:

è quella che chièmn la “spianèta”.

E che profum quand facevn le ciambelle sal most,

capivi subbit ch'era fnit agost

e che a l'impruvis, bel punt,

era arivèt l'autunn.

Anca adèss è tutt vetrin, sotta clè logg,

che de divers mercansì fan sfogg.

Vicin al bar c'era, e c'è, la tabaccheria

che c'aveva sempre qualch gingill e qualch minuteria;

specialment i munèi ern attirèti da clè palin

de plastica trasparent che dentra c'han èl regalin.

Più'n là c'era, e c'è ancora, la vetrina dle cerammic de Casteldurant,

che 'na coppia d'artisti lavora da tant,

sa i colori tippici ch'el Piccolpasso diceva ti su libretti:

avret capit ch'en i ceramisti Benedetti.

Invec cle tre vetrin ch'el bar c'aveva da cl'altr let

ern quelle che “Casabella” ern chiamèt;

vendevn un po' de tutt: scarp, lampaderi, giocattli, piatti…

e anca le mutand e i calsetti c'en sempre statti!

Malé c'era sempre chi entrèva e usciva

e spess tocchèva anca fè la fila,

perché c'avevn articli de tutt le rass,

anca i trucchi per le ragass;

e sovent se sentivn i munèi che facevn le tign o se lagnèvn

perchè el giocattl tla vetrina en li comprèvn.

Per ultima c'era 'na botteghina,

che vendeva tutt sort d'alimenteri, anca s'era pcina;

era de fianc a “Casabella”

e teneva fora qualc casetta sa la frutta più bella.

Le donn ce givn a la spicciolèta,

mo vers la mezza c'n'era sempre 'na bella mandèta,

de quelle che uscit da la fabbrica facevn un salt malé

a comprè qualcosa da magnè.

Quand i negosi givn in ferie, d'estèt,

cert volt en sapev com passè le giornèt:

me pareva d'essa tun clè città abbandonèt del Far West,

specialment a le fest.

Me pièva 'na gran malinconia

perché en c'era nisciun gió per cla via!

Per fortuna, sopratutt a Ferragost,

non tutti partivn per la tintarella a ogni cost!

C'era invec chi arivèva

e qualc settimèna c'armanéva:

ern tutti chi romèni, bolognesi, milanesi …

originèri urbaniési,

sa dietra diversi parenti,

dai fioli, ai nipoti pcini o adolescenti

che tel paes c'avevn 'na libertà

che manch s'la sognèvn tla città!

E s'la godevn tutta, girand in long e in larg

anca fin a le or più tard.

Passèvn scalmanèti a frott

e facevn un bel Quarantott!

Mentr'i grandi pasegèvn sensa fretta,

lor curivn, a piedi o in bicicletta;

e facevn suffrì la prima cottarella

ma la bordella ch'ritenevn la più bella

e givn fin'ai giardinetti a fè i gavetoni

o a buttè tla fontena i più minchioni.

Quand l'orlogg del cumun, che sona tutti i quarti,

te faceva capì ch'amò era tardi,

ern sempre de mén quei che passèvn:

le voc s'affievolivn, i tóni s'abbasèvn;

sentivi sol bisbigli o un mormorii indistint,

che com na ninna nanna, lentamènt,

tel mond di sogni t'accompagneva pièn pièn

e te faceva indormentè sérén.

Se per chès più tardi te svegghièvi,

ch'era le quattr e mezz a mo' el sapevi,

perché tèl selcièt, via via sentivi avicinass

el fruscì regolèr dle ramass:

ern i spasini, Cantucci e Marchetti, già al lavor

per mantienna dle strèd el pubblic decór

e, tra l 'imbr e l'ambra, arpievi sonn

sol quand già s'faceva giorn.

Qualc mechina armincèva a passè,

la serranda del bar sentivi alsè,

t'arriveva la voc del prim avventor

e de qualc bonorista lavorator,

che de bón umór fischietèva

e, sensa sapéll, me rallegrèva.

Pu arivèva, da clè chies d'intorn, el són dle campèn,

mo en ern elettric, ern tutt sonèt a mèn,

da quelle dla prima messa a quelle dl'Ave Maria.

Quella del cumun sonèva un quart prima dla scóla, per dit de tirè via.

El campanon invec el sonèvn ogni giorn

tutt le volt ch'arivèva mezzgiorn.

Quand'era la Madonna de Loret

sonèva anca de nott, mentre durmivi beèt!

Quand c'era qualch festa important, tèl più bell

soneva sempr le campèn a martell.

Invec, al venerdì matina sentivi n'antra armonia

quand el pesc arivèva in pescheria!

Anca se, rispett a chèsa mia,

era el punt pió distant long a la via el potevi ntì da lonten

che c'era el pescator de Fèn,

perché urleva com un disprèt,

per fat capì ch'era arivèt

e giva urland, avanti e indiétra per la strèda

finchè 'n c'aveva la voc tutta scialèta.

Sotta le mi finestr ce pasèva de tutt,

purtropp anca i funereli, quand c'era qualc lutt,

ce pasèvn le purcisión,

i cortei dle cresim e dle cumunión

e quei civili sa la banda, el sinnic e l'aministrasión,

la sfileta del Carnevel e tutt le fier d'ogni stagión,

alora sé che c'era 'n bel rapascét,

me sembra de sentill, adess che c'ho arpensèt!

Questa era 'na via animèta, sempre desta,

figuremc quand del Natèl s'avvicinèva la festa!

La gent, imbacuchèta, pasèva, fitta e frettolosa, in continuasion

sa i pacchi d'i reghèli e 'l paneton.

Tutt le vetrin ern addobèt

e ancora pió invitant e colorèt,

pro, quand er pcina, le luc che metteva el cumun ern più belle,

a forma de fiocchi, d'angioletti, de stelle…

adess c'è tutt cle luc a led, per risparmiè

mo sembrn de ghiacc,el Natèl en el san pió scaldè!

Forse prima le vetrin ern men luminos,

mo c'era sempre Beniamino, che talentuos,

sal pennel disegnèva le figur dla Natività

ti negosi dla via principèl dla città.

Insomma,

per me stè tla finestra era l'hobby più bell,

al pèri del leggia, ch'me piec anca quell!

Malé afacèta en m'acorgév manch del temp che pasèva,

finchè en sentiv la mi mà che me chiamèva.

Era dificil alontanass da chel spetècl, era mej dla television,

perché la scena cambièva in continuasion:

personaggi ricorenti, compars fughec,

che te facevn passè el temp non sól d'estèt.

Anca d'invern, sa le finestre chius

era com guardè un bel film mut!

Adess, che da'n bel pess, sto 'n po' pió in periferia,

ho capit sa me piaceva de cla via:

era ch'en era mèi buia, era sempr piena de luc,

sa le su belle vetrin illuminèt e piena de voc

e de vita, sal su bel via vai a tutt le or

ch'en te faceva mèi sentì da sol.

INIZIO PAGINA

BRAMANT

di Luca Busignani - Cagliari

Aveva un gran nom, un nom important

Turin e l'Angelina l'aveven chiamat Bramant.

Che nom gross per chel fiulin acsé delicat e pcin!

E da Bramantin è dventat per tutt..Tin.

Era allegre, simpatich e ginial

Sa 'n talent d'artista mica mal.

De studiè en 'i giva tant,

Chel burdel amava la pittura.

La su Urbin, 'i amich eren el su vant,

Sa le ragass, el cor e la natura.

Lullo, Fio, Renzo, Cecchini,

Compagn d'affett, d'impres e de baldorie,

C'era la guerra, in tasca poch guadrin,

La vita era dura, en eren storie.

Ma alla "Scola del libre" se distingueva,

Tra incision, pnell e ogni tip de disegn,

Studiava propri quell ch'i piaceva.

Per el su talent en era 'n grand' impegn.

Dop 'i anni del magister se compiva el su destin,

Giv'a insegné in Sardegna,

Tropp luntan dalla su Urbin.

Ma el lavor chiamava ed era 'na gran tristessa,

Tin giva a lavrè luntan, giva d'là dal mar.

Lasciava la su terra sa 'na lacrima e 'na caressa,

Sa la promessa un giorne d'artornar.

Ma tun chl' isola ha trovat el paradis,

Famija, fioi, amich e un bel lavor,

Propri chel che tla su vita aveva decis

Tla terra sarda aveva trovat anca l'amor.

Era amat, stimat e apprezzat,

Vincitor d' mostre e concors de pitura.

Professor sever ma rispettat,

Sol dla mort ló aveva paura.

Un giorn d'viagg sa traghett, tren e corriera

Bramant tutt 'i ann artornava a Urbin,

Per Pasqua, d'estat, invern e primavera,

El su cor era chius dentra a chi Turicin.

Vent giorne, un mes, el temp de artrové

la su casa, la Lea, Pippi, Tilde e tant amich,

La su piassa e 'i odor da respiré

De chel temp quand tutt era felic.

Ha vissut d'art, d'amor e d'poesia,

D'sogn, color, emosion ed allegria.

Bramant era passion, sentiment e dolor,

Era speransa, gioia e malincunia.

Bramant era el mi padre e ora... è l'anima mia.

INIZIO PAGINA

NONN E NIPOT DAVANTI AL SEMAFRE

di Alberto Calavalle - Urbino

Non: Hac, hac, hac. Acident ancha sta tos

me strapassa a pio non pos.

Tut ste machine ch'inquinen

Tra un po' ma tutti ce rovinen.

Nipót: Non, non, ma me el fum di scapament

me fà nì neri tut i dent.

Non: Mèt na mana ma la bocca

fin che da sté fermi insiem ce tocca.

Nipót: Non, non, mo se respir sol che sa'l nas

en me dventa ner per cas?

Non: E' che te va ancha ti polmon

tut ste fum de sti coion.

Nipót: Non, non, mo se chiud el nas sa statra mana

en pos stè dachsé per tut na stmana.

S'en respir sa nas e bocca

dop morì me sa me tocca.

Non: E' che deven spegna sti motori

se no tra un po' saran dolori

tra tut ste vampe de calori.

Nipót: Non, te se' un poeta straordinari

pro dim: "E' vera ch's'alsa el livel di mari

s'en se cor prest ai ripari?

Non: E' che c'è de mez troppi denari

e interessi troppi vari

tra tubi de scapament

camini ch' fumen ancha per gnent

e interessi vari d'l' acident.

Nipót: Mo te non cosa faresti

se da decida da sol potresti?

Non: Io? Sa farìa?

tutti a casa mandarìa!

Po' per scaldé ti camin

un cioch e do bastoncin

per caminé tra mont e val

archiaparia somar e caval.

Nipót: Non, mo se quest en se pol fé

che altre rimedi se pol trové?

Non: En c'è rimedi, en c'è rimedi

fnirém sot'acqua da cima a piedi.

Nipót: Non, io ogg ho imparat a noté

sopra l'acqua ce pos stè.

Non: Mo sa t'insegnen a scola?

Na volta s'imparava piò 'ntorne a l'aiola!

INIZIO PAGINA

LA LELLERA

(L'edera - Piccola commedia d'un atto solo)

di Alberto Calavalle - Urbino

- Oh, ragassi! A la rotonda del Consorsi, all'inisi dla strada per Roma, ho vist na cerqua tutta sbranconata da la lellera. Pora pianta, m'ha fat na compasion!

- En me so acort.

- Te guarda. La lellera prima l'ha sofocata, po' i ha rot i brancon. Te guarda ben. Stan tutti slalati, mo la lellera mica i ha lasciati.

- Io ho vist che per le nostre strad è pien de cerque sofocate da la lellera.

- Ma me me sa che van a fè tutte la stessa fin. Prima o dop caschen tutte per terra.

- Ce sem acorti anca no. Mo sa se po' fè per fermè sta lellera?

- El sè sa me vien in ment? Anni fa el scritor Volpini eveva fat fè na leg ma la Region per salvè le cerque da chi le taiava per interes.

- Alora vo' di che se potria fè na leg per difendle da la lellera?

- En me fè rida. Le leg valgne per i omne, mica per le piant.

- E' vera. Te en po' di ma na pianta: Te sta robba en la devi fè, perché se la fè te becchi diec an de galera.

- Alora te sa faresti?

- Sa faria io? Io la faria morì sa un diserbant.

- E se el diserbant amassa anca la cerqua?

- E' vera. Og la lotta contra i parasit se fa in mod piò ecologic.

- Eh già. Se potria metta com ti frutét di insetti com le cocinelle ch' magnen altri insetti ch'rovinen la frutta.

- Mo sa dicci. E se po' ma sti insetti piacen da magnè le foi dle cerque?

- Ma ché bsogna essa cauti. Io faria na conferensa per parlè sa la calma prima da prenda na decision sa la fretta.

- Sé. Mo se la calma è troppa, le cerque fnischen per morì prima ch'se possa trovè el rimedi.

- Io en ho capit chi dovria partecipé ma sta conferensa. Forse le piant agreditte da la lellera per decida subit da ribelas?

- No! Parle dla conferensa di servisi di omne. Quella do' en rapresentati tut i Enti ch' deven prenda na decision t'un problema.

- Mo, di chi parli? D'na riunion do' deven participé el Comun, el Megas, l'Asur, ecetera, ecetera?

- Sé! A qualcosa del genere. Mo io ce meteria ancha la Provincia, perché ho vist ancha vers Pesre piop e cipres che invec da essa alti e snelli en sempre piò goffi e gonfi de lellera.

- Mo la Provincia esist ancora? Alora io ce meteria la Region, perché me sa che el problema ormai interessa tut i su teritori.

- Mo la Region c'ha da pensé ma i problem dla sanità e dle list d'atesa. Dov pensi ch' trova el temp per le piant?

- Io alora ce meteria el Stat.

- Mo ades el Stat c' ha da pensé ma i rifugiati, com po' pensé ch' possa risolva el problema dla lellera?

- Alora metence l'Union Europea.

- Mo l' Union europea c'ha da pensé a la su' stessa esistensa messa in pericle dal ritorne di nazionalismi.

- E alora? Campa caval. Per me facem prima a salì tle piant sa na scala e toia le foi dla lellera una per una. Vedré che la pianta mor.

- Chi mor? La lellera o la cerqua?

- Te trovi sempre da schersé, mo la cosa è seria. Bsogna che la burocrazia intervenga.

- Mo che burocrazia! Io en c'ho nesuna fiducia tla burocrazia. Ormai amassa ancha ma nò tra domand, carte bolate, scartoffie, regolament, leg e legine ch'ce afoghen e ce stressen.

- Io trov piò convenient che el Sindac oblighi sa n'ordinansa ma ogni proprietari dle piant ch'intervenga a mod sua per risolva ste problem dla lellera.

- Mo i proprietari en c'han piò la pacensa d'un temp. En tutti dventati economisti e voien fé renda la terra al massim. Sa ch'importa ma lor di problemi dla lellera?

- Io pens che la solusion miglior per liberas da la lellera sia alsé un mur. I mur en la solusion di problemi d'og.

- Mo che muri! Io so'contrari ai mur. Po' c'è da di che la lellera s'arampica ancha ti mur.

- Alora ce tnem la lellera che un giorne fnirà per arampicas ancha tle nostre cas e ti nostre tet.

- Io saria content dacsé, perché cle foi fitte e spesse ce faran da isolant e starem piò caldi d'inverne e piò freschi d'estat.

- Alora ce tnem la lellera e tornam ancha a canté la canson de Nilla Pissi. Dacsé sarem piò felici e contenti.

- “Avvinti come l'edera!!!”

(In poch temp tutta la piassa se riempie d'un cant che trascina tutt' insiem citadin e student t'un cor che s'alsa fin al ciel).

“Avrichiati com la lelleraaa!!!”

INIZIO PAGINA

EL PRET E I PAROCHIEN

di Egisto Fraternale - Urbino

Sonen le campen per chiamè i parochien,

lor venghen alla messa, qualcun se confessa,

arconten i su' pchet, vrien essa perdonet,

el Signor è bon, avrete el su' perdon.

Prima da gì via dicet n'Ave Maria,

quand fet l'oferta penset che a la fin del mes

c'è sempre un po' de spes,

sa la crisi che c'è adess magn sol un po' de less,

e beve 'l vin quand dig le mess.

So porett, so sol quand vag a lett,

a un po' d'malinconia me ce vria na compagnia;

preg ma tutt i sant: potessi avè una badant.

Dop tanta stanchessa me ce vria na caressa…

INIZIO PAGINA

EL TEMP CHE PASSA

di Luana Fucili - Urbino

El temp è giust, passa per tutti ugual,

per i ricch, per i purett, per 'i animal.

Anca le cos, venghen gambiat dal temp,

che passa com' un alito de vent.

Sent, cla burdella piagn… sdondla cla culla

Ecco… el temp part e non ce po' fè nulla.

Cerca da usal ben ben, en el sprechè,

perché nisciun el sa el temp quant c'né.

Alora se non sé propi un minchion,

godle chel temp che c'è a disposision

en te preoccupè s'è poc o tant

assaporle, vivle… è quest ch'è più important.

El temp è fatt de gioie e de dolor,

el temp è 'na risata che te scalda el cor.

Anca un bel piant en è tutt temp sprecat

Perché dop avè piant, te senti rilasat.

El temp è un don ch'c'è dà el concepiment

Purtropp un sacch de gent en l'apressa per gnent

E sicom, en s'acorg d'essa statt fortunat

Pensa che la su' vitta, sia tutt temp sprecat!!!

INIZIO PAGINA

I'AVRO' DA METTA LA MAIA?

di Luana Fucili - Urbino 2007

Vagh in pension, el sapet perché?

sa 'ste maj en so piò cum fé.

Gim a sentì cum se sta tel giardin,

sarà tropp cald o sarà freschin?

En metta la maja ma quel malè,

ha dett la madre ch'en ha da sudé.

Ma lia invec tocca mett'ni do,

se chiappa el fredd dop en vien piò.

Tira giù bene il cappellino,

s'no tocca gì dall'otorino.

Te, el capott tienle slaciat,

dopp anca ieri, eri tutt sudat.

El prat è asciut, la sabbia è umidina,

en stat tl'ombra che c'è l'arietina.

“coret pianin” ho sentit a dì

propi cum s'fa l'ho da capì.

Cari genitor, abiat pasiensa

mo ste maestre c'l'hann l'esperiensa

e se i burdei chiapne un rafredor,

en dat la colpa sempre ma lor!!

INIZIO PAGINA

ARDUA SCELTA LA BADANT

di Simonetta Fucili - Urbino 2010

Ló c'aveva 'na badant

ch'el curava giorne e nott,

solament che tutt d'un quant

la badant ha fatt el bott[1]

E Tersin tutt avilit

ha chiapat la polmonit

Tersin:- Mo 'stà donna quant stà via,

I' cum fac sensa de lia !? -

Le figlie:- Te metrem la sostitutta

t'farà lia la pastasciutta,

caro babbo stai sereno,

stà arrivando… è già sul treno!-

E t'el gir d' una giornata

quella d'prima è rimpiasata.

Mo Tersin en è convint

Ha decis d'en das per vint

Tutt i giorne fa el lament

Tersin:- Oltretutt che io en ce sent

se dop questa[2] en capisc gnent,

nè la lingua nè i m'intent?

fiole mie só, fat dacsè

io, sa questa io en ce voj stè,

trovat 'n antra solusion

e levatm'la da 'i cojon !

Consultandoc a vicenda

per risolva 'stà facenda,

decidem tutt quattre[3] insiem,

de cercanne una ben ben.

Questi giorni a casa mia

è tutt 'na telefonia

e per fè cuntent ma 'l nonn,

avrem vist almen sei don!

S'parla solo d'la badant,

se telefona al'istant

per chiapè l'apuntament

e decida el cambiament

Marta al telefono:

- J ha chiapat un mezz infart

ma la vecchia dla Gianina[4]

mentre che giucava a cart,

en arivarà a d'matina.

La Gianina disperata

chiama prest alla bon ora…

Dice:- El se'… è resuscitata,

oggi è viva la signora!

Era in coma ieri sera,

me lo ha detto un'infermiera!

se dovesse peggiorare

su di me ci puoi contare !!!-

Alla fin de tutt 'stà storia

avem fat la graduatoria:

10 punti, non vi pare,

se sa fare da mangiare

se ha buon senso

beh si sa, 8 punti acquisterà.

Se è disposta a la matina

d' portè a spass ma l' Ombretina[5]

5 punti allora avrà

e vedrem chi vincerà.

Ardua scelta la badante,

oggi giorno sono tante.

Tra de lor s'fan concorensa

e ce vol 'na gran pasiensa.

Se Tersin en è content,

se continua a fè el lament,

mettrem fine ad ogni alterco,

el mettrem t'la “Casa Albergo”.

___________________________________

[1] La Badant è gitta in esauriment

[2] ^”Questa” è la nuova badante, che è sul treno in arrivo per Urbino

[3] Tersin c’ ha quattre fjole

[4] ^“Gianina” badante rumena molto richiesta

[5] amata cagnolina del nonno

INIZIO PAGINA

CHE URBIN...

di Simonetta Fucili - Urbino, dicembre 2018

Urbin che non si arrende,

incalza, avanza il passo

e un po' si offende,

ma spesso, Lui pretende

Urbin dov 'Rafailon'

balla tel monument,

perché tra un po' festeggia

l'aniversari' d'i “cinquecent”

Stretta dentro le mura

cara, nostra città…

Mo i porton j han levat,

più de mez secol fa

Urbino che a San Bartol

dicev'ne: “en tutte putan!!”

ma'l lor consort e i fioj pro,

en j fav'ne manchè 'l pan.

Urbin che s'è stufat

d'sentì tutt 'sti lament,

la gent parla e han parlat

second cum tira el vent.

Urbin che non è pronta

ad accoglier lo straniero…

direbbe Raffaello:

- Ci stà una punta d'nero -.

E tu, Santo Patrono,

sgranchisc un po' le gamb,

scend giò dal baldachin,

maché en ne vojne tant!!

Com gent d'Urbin sèm pochi

mo strani un gran bel po',

distesi sugli allori,

pensam soltant per no'.

Vien al Basili, in piassa,

t'ofrim l'aperitiv…

guarda la gent che passa,

ne trovi d'ogni rassa.

Urbin ch'è pien de matt,

ch'paseg'ne per le vie

urlen anca ma'i gat,

che fug'ne tra j anfrat.

Mo i matt d'Urbin en “dritti”

e parlano alla gente,

en i “caca” nisciun,

“arredano” l'ambiente.

N'antra categoria

che pas'ne per la pissa:

camin'ne, parl'ne e rid'ne,

tacat ma'l celular

son vivi in carne ed ossa?

d'le volt propri en me par!

Urbin che a San Francesco

gli è caduta una palla[6]

e per armett'la so'

j tocca gì archiapalla

Urbin che “non decolla”

Perché…? En c'è l'areoport

Mo se podessa fal !?

el faria anca da mort.

Urbin che i commerciant

chiusi nelle botteghe,

somigliano un po' ai Santi,

fermi dentra le teche.

Pulisc'ne lor le sacocc,

ma turisti… student,

ma tutti quei del post,

“giusti”…, per par condition,

propri ma tutt le gent.

Urbin che se volassa,

cum t'i quadre di Logli,

giria alle Filippine

sa' tutt do' le colline.

Urbino anafettivo,

a volte un po' cattivo

Urbino che “o io o te”

“noi” sconosciuto ahimè!

Urbin che i laureati

tutt le matin, ve'l giur

pas'ne sotta 'l Comun

"dottor dal bug del cul"

Speram che questa gente

quant giran a lavrè

doprassero la testa

dop l'euforia dla festa

a parte 'l bug del cul,

che quello resta.

Urbin che è un magna e bevi

tra bar, gelaterie,

t'le scale del logiat,

propi per tutt le vie

Urbin che non ascolta

ma parla in abbondansa…

ha fat l'indigestion

e adess c'ha el mal de pansa

chiedigli a San Francesco,

s'c'impresta l'umiltà,

valà Santa Lucia,

illumina la via.

Urbino sei un puntino,

in un mondo che si è perso,

un piccolo granello

in mezzo all'Universo.

Io so' nata in Urbin

e ce viv da'n bel pess…

el se Urbin 'sa te digh:

- Sicur en se' perfett,

sa tutt i tu difet

io te voj ben lo stess -.

[6] Sono state rimosse da più di due anni: la sfera metallica e la Croce poste in cima al campanile della Chiesa di San Francesco.

INIZIO PAGINA

DOVE VAI BELLA FANTINA?

(Recitina cantata di 70 anni fa)

di Enaide Galli, Urbino

1-Dove vai dove vai bella fantina? (ripetere 2volte ogni riga)

2-Vado a prender l'acqua per bere e cucinar

1-Mi daresti mi daresti un bicchier d'acqua?

2-Non ho tazze né chicchere e bicchier per dar da ber a voi cavalier

1-M'attaccherò m'attaccherò alla tua brocchetta

2-Oh che gusto oh che bel piacer dare da bere a voi mio cavalier

1-Sali sul mio cavallo ti porterò in città

2-La mamma mia non vuole che venga via con te

1-Se tu fossi se tu fossi un po' più grande

io ti porterei in groppa al mio cavall in giro per il mondo senza più tornar.

INIZIO PAGINA

SUSTY, EL MI' CAGNULIN

di Enaide Galli, Urbino

E' scapat stamatina sa'l mi' marit

per gì dal veterinari

en è più artornat

en l'ho manca salutat.

Lentament

ho arméss a post

el su' cuscin

la ciotola

el guinsaj.

Arsente el tic tac

dle unghie tel paviment

l'arvegh ch'gira

gira dintorne

sensa sapé du' gì.

El tocc

per acaresall

s'abassa

s' artira

en m'arcnosc.

Dle volt me vien dietra

me guarda sa j occh opachi

po' arvà a sdraiass

tel su' materasin

metà corp sopra

clatra metà fora dal letin

e s'indurmenta dacsé.

El vegh cum fossa ancora malé

e sent un gran magon:

en s'è mai pronti

al vòt ch'lascia

chi t'è stat sempre vicin,

all'asensa d'un afett

ch'a di' poch era perfett!

INIZIO PAGINA

A DAVIDE

di Oliviero Luslini, Urbino

O David, David fiol mia,

te se laureat in Medicina e Chirurgia.

Che sodisfasion!

La tu profession è 'na vocasion,

adopra sempre l'umiltà,

sa passion e abilità.

INIZIO PAGINA

MARCHE

di Gianfranco Mangani - Acqualagna, 26/01/2018

Urbin, dai bei tetti

l giust misur di palazzi, l chies, i portici

la piazza deserta,

Volponi dietra al sipèri duchel,

Fen, appèr all'impruvis

in fond al rettilinie dla Flaminia

l'arch romèn, l mura del Cinqcent

discreta e tutt a 'na volta esplosiva

carnevel e quaresima

la Sassonia luminosa

l facc rugos di pescatori erranti.

Pesr dietra l'Ardizi

ches e i alberghi all'orizzont

la piazza gremita d voc rossinièn

i lungomeri ch'hann cnusciut la risacca

el port-canel com stechit

la Panoramica quesi amalfitèna.

San Leo, l'antica capitel

la rocca inespugnabil

la voc d Caglostro ch rutla a vall

tun stridio asordant d catén.

A Gradera el temp s'è fermet

“… che come vedi ancor non m'abbandona “

Pergola doreta d'uv e d cavaj

Cantien, sentor d'Umbria mistica

turba l gent.

Piobbich acqua montana

sentieri scoscesi davanti ai Brancaleoni.

Acqualagna fiola di pastor tl collin

artigieni tla pianura

cercatori e mercanti d tartufi

afrori arpiateti delizia dl mens.

El canyon del Furl

incredibil prudigie dla natura

rocc milenèri sculpit tla memoria.

Fosombron, la cittadella abarbicheta

l'archeta del pont romèn.

Caj, el salott dla piazza quadreta

el fungh del toriòn

pendii brulli del Petrèn ventos;

ai leti i do colossi.

Fermignen, l vecchie fabbrich abandonet,

qualch rèna è scampeta.

Orbenia papel, feudo di duchi d'Urbin

martorieta da l bomb.

Ancona, gommit incantevol

ferita dai sussulti dl profondità.

San Ciriaco dall'esatt proporzion.

Senigallia, treni d birra, libagion tedesch

sabbia bianchissima e finissima.

Frasassi, stalatit bianch.

Macerata canta dentra el Sferistéri;

la piazza d'Ascoli che incanta el turista.

Dapertutt pietr, sassi, spiagg

ermi colli, tramonti infocheti

e quinci il mar da lungi e quindi il monte

pazienti e rèri contadini

pescatori tun mezz all mucillagin

maggi odorosi e torri antiche

e torricini e donzellette e gazze ladre

e interminati spazi e silenziose lune

e il naufragar m'è dolce in questo mare.

INIZIO PAGINA

IL SORRISO DEI MIEI RICORDI

di Virgilio Pierfelici, Fermignano

Andev giù per el Valbon, sa i fren un po' tiret

(per mod da dì), quattre salt ancora

E da Pippi me so fermet

Pippi el barbier d'Urbin, quel c'ha fatt la barba

Ma Totò, ma Churchill, ma Bo, ma i Bersaglier

E tutti i cittadin. Tla poltrona che cigoleva

C'era Trinca che se sbarbeva, e Baldelli che soneva.

Più in là tun 'angolin c'era Minghin (el Lupiner)

Gran giocator del Lott, ma dat do numer

E ma dett' giochi subit, è un terne cott

Tel più bel dla comitiva entra el maestre

El maestre el mia,

Carlo, insegneva ma Cufà

Nella Cesana gran cacciator gran sportiv

Ariveva sa la bretta de lena, i stivalon

El schiopp e sa el Topolin.

C'era anca don Bramant

Lo cureva i malet, sa la croc e l'oli sant

Tutti due patit de caccia

El Maestre diceva, ho amaset

Do lepre e una becaccia.

Don Bramant per non essa da men

Rispondeva io ho amaset

Do tord ,do becacc e do lepre

Che givne com un tren.

Passa Pluto in quel moment

Un cespuglio galegiant

La sigaretta tra i dent

Borboteva a testa bassa

Poretta me, poretta me

So sol com un can, en c'ò manca la ragassa.

Facc un salut de bott, e riparto pian pianin

Saluto anca ma Buratta

Che aggiustava i motorin

Ho continuet a scenda, e tel Mercatel

C'eran tutti quelli sa la tenda.

Era sabato giorne de mercato

E pien d'allegria, c'era il nonno, il babbo

la mamma el burdel pcin, anca la zia

C'era un burdel che piagneva vleva un camioncin

Ma non c'era il problema, c'è la bancarella de Tabarin.

C'e chi compra c'è chi vend, e c'è un sa el mel de dent

Una donna dia piev de cagna ha compret le mutand de fustagna

Altre due della Cesana hann compret le mutand de lana.

C'è anca el signor ben vestit e senza stracc

C'è anca el porett sa una scarpa, senza tac.

C'era un altre de Palin, sa el maiel e sa el tachin.

E' in mezza sta casciera c'era an altro se lamenteva.

Se fatt' tardi voi gì a casa, voi gì via

Ma poch dop lo vist nell'osteria

Sa na gasoza ed un quartin che pregheva S. Crescentin.

Era tutt un butè su, bocca mia aiutme tu.

Le osterie eran parecchie da Cecconi a Tersin

E tutte non le ricordo, io ero un burdel pcin.

Mentre scrivo la mia storia,mi giunge la notizia

Che un altro urbinate, è finito in gloria

Albo (Pierleoni) icona di Urbino

Amico di tutti, mago del motorino.

Sotto l'arco di S. Lucia, all'entrata della città

Ognuno che passa, penserà ad Albo

E la sua generosità.

INIZIO PAGINA

CERTI AMORI NON HANN SEGRETI

di Ines Quieti, Urbino

Carissimo, Adoratissimo, Bellissimo Franchin mio

Tu '1 sè, sei 'n Don de Dio!

Se 'n fiol te 'n hai, che 'n se!

Mai el saprè quanta gioia me da!

Affettuos, lavorator, onest

'n gran signor, per fè prest!

e tutt '1 rest?

Me dic sempr: te se' la mi cara mammina

M'aiuta, me solleva com se fosse 'na fiolina,

mentre io piagn de gioia com 'na cretina! !

Dacse ma ste parol s'agiungne i fatti

'nsomma el string fort ma'l cor

j voj un gran ben...,

Da matti!

Che belezza!

Io direi se i an saran 44 opur 46

vicin a quei de 20, sei ER MEJ!

Pertant '1 mi Franchin è 'n gran altruista,

'n ce perd mai de vista.

E' dacse! Specialment per le persone care '1 su cor se divid...

E la vita j sorrid!

Po' darsi che qualch moment sia un po' più dur

io un mond de ben t' augur

Guarda davanti e tien dur!

Quel che vlev di, te l'ho det, el saprò?

Co t'ho da di, co t'ho!

Dentr'el cor d'ogni mamma

ard sempr 'na gran Fiamma.

INIZIO PAGINA

NA BELLA FACCIA

di Ines Quieti, Urbino

Che gentaccia, ce vol na bella faccia!!

Dla mi vita en han avut nessun rispett

ste ricord sta strett tel mi pett

e per la rabbia e per dispett

l'arcont in dialett..

E' stata na follia, prov a dilla in poesia.

Apena a 16 mes m'han fatt morì la cara mamma

questa è stata la prima mi condanna.

Arivata a 10 ann che vita dura per la miseria nera

'n ce pensavne più de tant

me mandavan giù pei camp

sa tutti i galinacc, un bel branch,

tla man du fett de pan sensa nient

el pan sa i dent e poch lament

...la fortuna d'armedie quale fic

almen sa la buccia e tirav dritt.

S'argiva a casa tra l'imbra e l'ambra

el mi fratel i contava a un a un

eran novanta ed un en c'era...

m'è mancat el cor

alora ho pensat ma i cacciator!

Lu tutt imbestialit s'è mess a urlè giù per la china

ha d'arni cla pelegrina

'i ardriss la schina!!

Tel bel mezz del camin dla mi infanzia

en so mica gitta a durmi tla stanza

me so fugita svelta svelta dentra la castagneta

e tel bui più profond me so messa sopra na pietra

piena de formich nascoste tna crepa.

Per dispett en c'era manca la luna... che paura!!

strillava fort anca la civetta

io tenev i mi ditin dentra i orecch

dicevan che portava sfortuna cla bestiaccia maledetta.

Ma ce pensat che cattiveria?

Per na fiolina è stata na cosa seria

ce vol na bella faccia

du fett de pan bagnat tla possa dl'acqua

e per paga a dormi tla macchia!

Questa per me è stata na gran ferita

l'ho portata e la porterò per tutta la vita.

Per me avrà pregat la mamma mia

com a Madonna se chiamava Maria.

INIZIO PAGINA

SARA' STAT EL DESTIN

di Ines Quieti, Urbino

Ier al parco ho 'ncontrat 'na creatura, 'n angiolin

era sa la nonnina, a malapena du' an

coreva su e giù sopra el slittin

com'un scoiattolin, 'no scricciolin...

Volava com 'na farfalla per daver,

pareva 'n Angelin nut giù dal ciel!

'N Tesor

i capei lunghi dai riciolin d'or!

Tranquil e beat

de sicur spericolat!

Ogni tant la nonnina faceva finta di sgridaj

allora faceva 'l musin, abassava 'l sguard!

Me faceva 'na pena purin

Allora j'ho dat 'l telefonin

ce pensi?? chattava sa'l ditin!

Rideva rideva!

'Sa vo che te dic!

Capirè! Strafelic!

Dop 'n po' ho fat el gir del parch...

quand m'ha vist....

che incant!

Arrivata a casa s'è ammutolit quand ho chius 'l cancel!

I dispiaceva tant!

Ho dat mille bacini ma'l mi bambinell

ce vedem dman ma'l parch sotta al sol e 'l temp bell!

Ma se!!....Quand la not è bella!

Stanot m'ha svegliat 'n Angl alle quattre

e ho scrit 'na poesia de get

'n un attimo!

INIZIO PAGINA

CLE FAVOL... D'UNA VOLTA

di Gianfranca Ruggeri - Urbino

C'era una volta, è così che si dice in ogni favola che si rispetti, una bambina felice.

Lia era pcina e magra, i occhion neri, i capei corti alla maschietta e un ciuff lungh ch'i scendeva giò tla front, quasi fin dentra i occh. Chi capei dacsè corti e i ginocch sbucciati la faceven sembrè più un maschie che na femmina e siccom spess i dmandaven sa era, aveva giurat che, da grand, chi capei i avria fatti crescia lunghi, mo dacsè lunghi, che nessun se saria piò permess de chiedli. Mo, a part ste robb, era felic e quand giocava da per lia dentra casa, o per la strada, sa le su compagn, anca se in fond c'aveva poch e nient, i pareva d'avè el mond inter.

Mo se sa che, dle volt, anca le favol chiappen na brutta strada, gambien diresion, s'infilen t'un tragitt divers e non c'è mod da falle argì tel vers giust. Dentra casa l'aria en era piò la stessa, en se poteva rida né schersè e se lia s'asardava a dì qualcosa, nessun i dava piò retta. Ansi quand provava a fè chel gioc tant blin dl'mbulansa, ch' piaceva tant, sa chel stridicicc "Aaaaaaaaaaaaaaaaaaaaa", che stordiva i orecch, la nonna la sittiva sa du urle e lia en capiva perché. Forse dipendeva da cla porta mezza chiusa da do' filtrava appena na luce e se vdeva, se guardavi ben, na spec de ombra bianca tel lett. E dacsè nient piò ambulansa, i gioch eren gambiati, per non di fnitti e tante domande, ch'avria vlutt a fe, i armaneven tla bocca. Come chel giorne che tutt d'un fiat aveva chiest : "Mo la mamma du è gitta a fni? " E 'i aveven indicat na stella tel ciel, la piò bella e luminosa. Lia l'aveva guardata e arguardata, sensa arcapsè nient, e po' sal temp, pian pian, cum fan tutt i burdei, aveva arcminciat a giochè, a rida, com sen fossa success nient. Era una bambina felice o no? E allora? Toccava gì avanti. E ancora adess quand l'incontre per le scale, ti corridoi, tla piassa, ch'ha fatt crescia a i capei e ch'en sembra piò un maschiacc e la sent a rida, a schersè e metta un po' becc da per tutt, m'arvien in ment sta favola che vo appena arcontat.

INIZIO PAGINA

LA SPORTA

di Maria Teresa Spaccazocchi - Peglio

Eh!!! Cuchina...

m'l'ardirè, quant c'arivarè anca te,

dic... che quant la gioventù,

lascia el pass malla vecchiaia,

perdi tutt... anch le virtù,

arman sol tristessa e noia!

Vria sapè, do stà el confin

de stà linea immagineria,

quant s'ariva vers la fin

per butè un po' tutt a preria.

T'un respir tutta na vita,

sembra ier invec enn è

j l'acett... j l'ho capita,

ecch la solusion per te!!!

La sporta di ricordi guesi pina,

prima che tla nebbia pol sparì,

svojtla ner su bianc..., subbit dmatina,

cminciand da nov cla sporta a vlè rimpì.

INIZIO PAGINA

EL CUNTADIN

di Giorgio Speranzini - Ancona, 2018

Ho da scriva ' na poesia ,

l'ho da scriva e mandalla via.

Un giorne 'l cuntadin

Va' fè 'n gir tel su' giardin,

ha sentitt d'i mormorii ;

parlne tra d'lor

piant e fior.

Sente el tronch

ch' parla sal ciocch

te sé 'l mi fiol

sent el ciocch ch' dic malla brega

I so tu' padre

sent la brega ch' spiega malla stecca

te sei legno del mio legno

sent la stecca, ma i stechin ,

siete tutti figli miei

avem da nasconda la faccia

s'no el cuntatin

ce fa fè na finaccia

gim tel foch

facem 'na fiamata

e la cendra consumata.

Sent la margheritina

ch' parla malla rosetta

te almen duri quattre mes

i armang tutta spetalata.

Alla fin qel cuntadin

S' è sveghiat dal su' bel sogn

e pianin pianin

ringrazia Dio che proved tutt i su' bsogn.

INIZIO PAGINA