UN DONO ED UN PENSIERO

AL MIO BRAVO DOTTOR RENZO DE SCRILLI

 Pubblicata ne "I QUATTRE VENT" N. 3 - 1982 - Montefeltro Edizioni Urbino

E' tutta sa 'l cor mia

sta speciaccia de poesia.

Quand vien gió

dal vigulin

è poch ch's'è

alsat el solarin

e sa quest lo ce fa a gara

a chi poi de' piò

luc e calor,

speranza e vitta.

Tutt è calm

in tel su' corp

oltre il passo

e la parlata,

anche i fumi dell'amore.

Fuma sol la sigaretta?

En c'ha piò

cla valigetta

che la tneva tla manina

com che fossa na fiolina?

Con bel stile ed elegansa

ma ste donn i sent la pansa.

«Ve farò na ricettina,

du' insiem,

sera e matina,

sa na purga a metà cura

v'arguarit,

stat pur sicura».

Mal dotor i piac' la caccia,

mo anca quand è tla nocetta

pensa sempre la ricetta.

Sa farà la bella Rosa

ch'se guarisc'

sol se se sposa?

E la Peppa, e la Gigina

che en arvegh da stamattina?

Adess pensam sol ma la caccia.

Ecch, ariva....è na becaccia,

no, è na quaia,

no, è un turdin!

Invec' è sol un bel cardlin.

Lo i tira,

i fa la mossa

mo el su' cor

chiappa na scossa.

«En me tirat, sor dotor,

so el fiulin

d'un bel cardlin!

En me vdet quant so bell?

So cantè a squarciagola,

el mi' cant en v'inamora?

Cla cardlina dla mi' madre

m'ha svesat sol stamatina.

Èt compasion, en me tirat,

fatme fè na volatina!»

«Sé, te tir,

te facc la mossa,

facc el chiopp

e anca el spavent,

mo tel tu' corp

en ce vien gnent».

«Alora, grasie, grasie,

sor dotor;

ve promett che quand sarem

in ciel insiem

i' ve nirò ogni tant

a svolasav intorne

e ve canterò

canzoni e preghiere