|
Le rime qui di seguito sono le stesse della raccolta "Chiuda i ochh e fa finta da dormì", ma di più immediata visualizzazione e senza illustrazioni.
|
Alla memoria di Lindo Gianotti Febrar 2007 - Genar 2008
Fratell, t' en è vut sta corona de spin guss longh sottil penetrant, sto compleann sensa capacità manch de sorida.
El bui scansat malagió da un pischìn de chiaror: prima dl'alba vien l'albor El ciel è tutt luc, delicat' ancora: l'alba preced l'aurora. La tinta dorata diffusa: l'aurora prepara el levar del sol. Esploden i color, 'na splendida tempesta, armonia e contrast in festa, el mej d'ogni fulgor. Urbin civil, fiera sensa boria, aggiung un giorn ma la longa storia; rispettos riconoscent orgoglios: "so d'Urbin e facc el brav" e la brètta i' me cav.
Verd el color dle foje dl' erbe vive. Sempre speransa verdognol verdon verdolin; verdastre cmincia a mord'el malfìn.
El vostre ross acsé ha d'essa: carmini' viv dle mariol, scarlatt vivissim, vermigl' acces, rubin scintillant. Godret ganascin colorate dal pudor, canteret per libertà e lavor dietra le bandier de sto color insiem a facc rubicond de compagni veri. Quest ve dic el nonn ch' en è pittor, dla vita d'acqua dolc proffsor sa qualca idea e "sens del color".
Anca se se' un papagnocch tel trenin cittadin, un sprovingol superprogramat tel machinon de luss a st' ora pò capitè de veda 'l ciel feltresch tutt colorat dal sol che prima de sparì se vol divertì. A st' ora impari ch'è più dur el magon sensa manch un lacrimon.
Carnicin, chiappa de porch,
En è acces l'amarant e manca spent, en è benevol o benign o piacevol; el dighen bon per la cura dimagrant.
Bordó archiama 'l vin ch'imbriaca tanta gent; contra 'l malocch: tel pols com curdlin; contra la micrània: scialpina trasparent.
Ho vist l'arcobalen
Èn tant' i barbai dle finestre, Urbin rumitt rupestre ricev serenament la nott ch' l'invrucchia lentament.
Quell'è un papalin dventat nobil
è
acqua rimines
Lisa, en arcoja la bucata anca se sciugata; a momenti un scrullon da Catria e da Neron i darà 'na sdruginata l'odor pulit e 'n imbiancata
Te en se' vecchj, se' malat de vecchiaia: se' più mort te de tutt'i tu' client Se' n pò cambià mestier cambia i pensier.
Se pensi: "en voj morì" dventa 'n ossession, è com se facessi p'i guadrin, en c'entra gnent sa Urbin. Ha rovinat anca el palass sa tiare mitrie stole chiav pastoral e tutt quell ch' ha utilisat per inventass el stemma; par ch' l'ha mess anca ti pital.
Vó
sét turista?
Artira i pagn, Betta,
Pensa, invec: « i' voj campà » perché quest' ancora ho da fa' e altre e purr calcò e de pió, perchè 'l sol è cald, l'aria sa de fien d'resina de fior, perchè ce se divert a rompa i bròmbol sa i baston e sotta 'l pergolat giocà el scopon.
Arvèngh alla pagion quand poss, quand so' stuff d' arovelamm el cervell. Maché en digh "pussa via" manch ma 'n savardon manch ma 'l can pur bastard che sia, el digh com ringrasiament ma 'l presid del mi' prim insegnament.
IER, IER L'ATRE, ANN D'LÀ E PRIM'ANCORA
M'arcord
la tu' bocca
Guardav 'na massa d' gent
Caminav a zaganella per l'emosion, sapev che m'aspettava tel torrion. Com so' rivat ecch'me innamorat. Per tant'ann com verzulin insiem avem volat per gì a fnì com stracc cascat tle marugh in mezz ai spin.
En
sapev fa altre,
La
vostra vdutta.
En
so' de fora so' com ste conc'
de
pietra bianca
Ancora en so' vecchj,
Ho
lanciat dal torrion
Ho
pres dal fil spinat
Ho
caminat
Fors en li farò,
Da
burdell ho imparat:
So' vecchj, è ver, prò en so' rimbarbugìtt: ancora me piac metta la man sotta 'na gonna, gradisch un ragg de sol tla faccia; ascolt el son chiòcch dle campan quand ha bufat, la cansoncina dla moj che muscina la minestra; ammir i passerott che le mulicc d' pan becchen tla finestra.
Giv a ravaston tla macchia e ho trovat i dafne sensa cercai. En 'i avev pió magnat da quand se compraven a massett legati sa 'l vinch Regal d'un vegetal selvatich e gentil ma 'n emigrat poch o gnent civilisat.
Arsentì le parol,
Stamattina ho fatt a temp a non rompa sa la faccia 'na telaragna ricam disegn maravija virtù d'architett minuscol e sensa brevett.
Car ‘l mi giovin amò sapet e mej impareret che tocca gì só a rampicon e spess s' arvien gió a crist e a sguillon, è com sdingulà sensa regol de spinton, el piò dle volt se fnisc a spindulon. Fann ben ma corp e ma cervell salt cors capriol cerquaritt tutt'i arnes dle palestre mo sens' asciatt, benignament; in allegria fatt capì chiarament che zagh zagh, zan-zan, zni o zna, voiàtre set sempre pronti anch 'a rompa ma qualcun i dent.
è
com magnà el pecorin è benedì Urbin.
So' sciatat scojonat Essa nonn en è sol 'na blessa: insiem o separatament stols, ansc, scompessa, ciafagna trappla permanent, caliggin, stremuliss, trematicc. Dla vita ste special fondricc è stimol misterios: en se' sa quand fnisc, è molt generos: regala, è vera, 'na gluppa d'arcoiticc prò ce mett un regal d'or massicc: el temp da viva intensament sa i nipot, sublim consolasion, fors inconsapevol preparasion.
Ho tnutt tra le mia la man dla Maria lunga sottil elegant tenera fort com tutta lia. Calcun nirà a portalla via, sa calcun vorrà gì lia: ma 'l su' nonn arman l'augurà tutt'el ben e tiena insiem fin alla fin ricord sperans fiducia tel destin.
M'è passata davanti all'improvvis 'na lucertolina scodata: anca tel mi' giardin c'è battaja per campà. En èn regol ordin tradision, én educasion; per dventà vecchj bacucch n' esperiensa che sa evità qualch sofferensa. En intrufolass tra le person a pitocchè compagnia consens guiderdon. Calsà dentra tant ch'en scappen pió el lamentos lunari di malann, dle disgrasie ti ultim trent'ann. Ubdì ma nisciun, dà ment sol ma calcun. Tiena sempre present che l'amicisia è la solina pió calda pió efficient.
El
principal insegnament
el
confront dirett, d'ogni moment,
se' un scalsacan che tir' avanti rassegnat.
di Francesco Saverio Gianotti (Perugia) Pubblicata in Antologia 7-8 Concorso 2008
Te en se' 'n urbinat: per en rotolà tel foss trovi sempre 'na rama d' agrampà; se s' arvoltica la barca galleggi com un strons.
Te en se' 'n urbinat,
se' un farabutt scolastic:
Te
en se' 'n urbinat:
Te en se' 'n urbinat, se tropp chiott e smicolos, tutti guardi de sguinc, en strigni le man le tocchi appena, stè sempre tel machion. Per arposat lavori all' uncinel. Poss creda che se brav magistrat, mo en t' arcnosch com urbinat.
Te en se' 'n urbinat : en se' riuscit a trovè 'n amicch manch tra i passer e i pcion, manch tra i bricch.
Te en se' 'n urbinat la tu' casa è 'na butega 'na piassetta n'osteria. Te dov' vè per armana sol?
M'han dett ch'en so' d'Urbin
I MALVON DLA GAIFA
di Francesco Saverio Gianotti (Perugia) Pubblicata in Antologia 7-8 Concorso 2008
I
malvon de casa mia: natural, variopint ornament, el prim salut all'amich, a chi amich en è. Accoglien cortesement chi vien in pac, non ipocrit e malign. En so' sicur se sìen Althaea rosea; o spéc affin o incroc; a pochi palm da terra o alti vers el ciel; sboccien anca distes, poch prima de morì.
Ma Gaifa en allignen pregiudissi fisim arzigogol; attacchen, invec, convinsion ben radicat, concett chiar e meditat, progett tenacement cercat; la tolleransa vien da bonomìa innata, da illuminata educasion. Intima allegressa che spess en se mostra. Sfumatur de delisia. Cuntentessa de brev durata. Improvis inaspetat giubil quasi violent. Malinconia sensa mestisia. Dolor sensa disperasion. Com la vita di malvon. Mutando al mej rinverdì ogni primavera; ricreèn nov fors, arpensè tês ipotesi apassit, rinvigorì certess un po' sfibrat, per dilla da sincer: malèrba malefica no davver. Nascen da soli dov vojen lor. Piant isolat o a grupp; larghe le foj; cauli delicat; fior solitari o infiorescens; 'na mucchia de color: bianch, bianch-rosat, violett, ross porpora e ross scur; rifiorì d'altre convinsion. Com la vita di malvon. I malvon de casa mia èn progeni de sem rivati maché naturalment, de voje pueril, de sogn fanciulli, del fior scolpit dal mi' nonn sa 'l bellissim profil dla su' sposa. I malvon de casa mia: sgargiant invit a ritornè per l'ospit tranquil e grat che se congeda: "urbinat se nasc, ma pur se dventa se un é intelligent, bon, civil e criticon, s'en ha paura cultura ironia, de qualch accident.
La casetta sa 'l giardin sol tel mi' sogn é un pestin d'Urbin. Ogni tant ho bsogn da chiuda 'i occhj e fè finta de dormì.
di Francesco Saverio Gianotti (Perugia) Pubblicata in Antologia 7-8 Concorso 2008
Antichissima Urbin: manch i più brav. com Varrone, Plinio il Vecchio, Procopio, sann qualcosa di abitant precedent l'invasion celtich e l'arriv di Gall Senon quatrecent'ann prima d' Crist. En è quest el su' primat mondial.
Splendida Urbin, piccola città de madón fatti ben sa la terra bona, ben adoprati p'r i mur "colati" [1] per le ripid piolett, minca tinti, ma cotti, solid color particolar inalterat ch' en contrasta sa le pietre bianch sa 'l verd e sa 'l celest. El fascin tippich unica la rend incorrotta; ogni volta ch' la vedi è ognor più bella. En è quest el su' primat mondial.
Esaltant Urbin comunica con tutt le rass uman e quel che ognun percepisc en vien sol dal palass ducal, ma irradia dai quartier, dalle contrad, dai tett, dalle voltacc, dai torrion, dalle port, dai porton, dai murajon. Presios segni del passat ancor ti gesti dle person; ti ton dle voc bass, alt, cansonator, rarament arrogant; dolc inflession dialettal; intonasion per lo pió tranquille, alegre, a volt sever, rassegnat, disprat mai. En è quest el su' primat mondial.
Urbin se trova quasi tel mezz dl' Italia tra Appennin e mar; 'na volta region de transit obligat, da troppi calpestat e quei del post prest hann imparat. a non avé paura, a difendse, a resista ad oltransa. Aglomerat de cas in cima alla collina; villagg sa 'l territori intorn; cittadella fortificata; staterell militar; piccola città tuttora sa 'l palass ducal, ma non sol quell.
El palass, dacsé com'è, en ce saria daver se prima en c' fossa stat tutt el rest, principalment i capoccion, solidali tra lor e sa la gent, ch' hann saput usè anca la guerra per costruì opre de pac, d'art, de cultura.
Dall'intricat storich condision, per intelligensa, abilità, per capacità de scelta e bona sort nasc, sviluppa, diffond "il contributo alla civiltà mondiale" [2] dla piccola Urbin che conquista "un posto speciale e singolare, per ragioni de spazio e di tempo" 5 e "il paragone fra qualità e quantità é stato e rimane vertiginosamente diverso da quello consueto" 5 Quand é mort el ducat el patrimoni intellettual en è sprecat: era già part immortal dl' umanità civil.
di Francesco Saverio Gianotti (Perugia) Pubblicata in Antologia 7-8 Concorso 2008
De quel mondial men important, ma degn d' ess' arcordat: per denigrè Urbin ce vol un papa cattollicch apostolicch e roman.
El sor Borghese Camillo com mestier facend Paolo Quinto per tre lustri e un més, un giorn d' "impasienza" 5 definì el ducat d'Urbin "un fondo di scattola" 5.
Un altre giorn era in agitasion e per Galileo Galilei inisiò secolar vessasion.
Un giorn de buon umor, tranquill e sazio, beatificò Di Loyola Ignazio dei gesuiti l'inventor.
'Na volta, per passatemp, costituì l' "Archivio Vaticano Segreto" [3] el nascós dacsé ben da non potell artrovè e non s'arcordava quel ch' aveva mess dentra.
En è favola per i burdlin d'Urbin; è verità provata, é riflession su coerensa umana: l'attaccatissim alla famija é chiamat nepotista e non stimat se le dona "la splendida Villa Borghese sul Pincio a Roma" 6, se nomina cardinal "il nipote Scipione Caffarelli Borghese" 6 "con una rendita di 140 mila ducati annui" 6
Alla stessa persona gloria imperitura, invec, quand scaja vituperi contra un ducat inter se per l'asinin papal villanat la part offesa merita un primat.
di Francesco Saverio Gianotti (Perugia) Pubblicata in Antologia 7-8 Concorso 2008
Anca in Urbin raffich de tramontana schianten ram, antenne e brombolón; aterren comignol, insegn e le person. Fan corra per la schiena 'na barburana d'ira, d'invidia e d'ambision.
Anca maché el scirocch umid e cald incolla vestit e pell, pell e lensol, sa 'na mistura d'aria trista d'ailant, sa 'l vapor ch'arriva dai tumbin e sa 'l sudor. Per tutt el corp stremuliss e tremor d'accidia, negligensa e d'impostura.
Son venti forestier, comuni a tant, variament chiamati, subiti da tutti e da nessun graditi. El nostre è un venticel local, sensa pretés, estros, irriverent e bonaccion. L'aura urbinat, la bressa o bressolina, con media forsa o debolment vien gió da Petran e Petralata, dai Sassi de Simon, da Pietra Rubbia; va a salutè el mar; scavalca le Cesan; accaressa i cipres de Loret e Bernardin; se disperd per vigol e piolett; fa el gir di torrion e dle piassett; se lancia per le strad e le stradett ruba i petal dle ros in t'i giardin, i fior di pesch, mandorl e cilieg; fa cadé le cann di pundor e fagiolin. El nostre venticel gonfia stendard e gonfalon de cortei e procesion e chi porett ch' èn attaccati porta a strascinon a sbatta contra i mur ed i porton. Spegn candel, ceri, fiaccol e le torc o fa brusciè i veli verginal, i capucc neri de quei dla Bona Mort o chi bianchi del Corpus Domini: fiera tenson fra paura e onor d'incapuciat ed è sempre la prima ad avé la bona sort. Scarpisc dalla testa di pret el caplon rotond ner lucid e dur; a rotolon p'el scalon del Dom e gió gió oltre le mura e quei corren sa la tonica tle man e fan veda i calson e, quand salten i foss, qualcun anca i calsett ross. Alsa le gonn ma le signor, le stend orizontal, l'arbaltica e quelle strillen e par che ballen; en vojen butè via i lor sachett e tenten de cupriss tenend bors e pachett: epica lotta tra sparagn e pudor ed è propri ló, el pudor, sempre sconfitt sensa rispett. Sbuffi, soffi, folatin porten brio, bonarietà, teneressa, un po' d'orgoj pacios, 'na mulichina de ducal fieressa, 'na voja de tranquillità possibilment allegra; porten bonsens civich e moral. velocissimi e stridenti com un gioch selvagg com natural necessità. fors l'eccitasion de stè insiem, fors un incoraggiament. Quell'ali lunghe, appuntite, a falc, e la macchina era ferma; ho fatt 'na figuraccia e sol la risata femminil e la caressa m'hann salvat la faccia. Ho dormit per un second, un sol, mentre guidav 'na cinqucent; ho sdradicat 'na cerqua de trent'ann e ho dormit du més filat, da incoscient. Per brev temp soltant e tropp de rad l'ali ner strett alungat, a mezzaluna me porten p'r aria tra i rondon e dvent cacciator specialisat a catturè al vol parol adatt, a incastonalle insiem per significhè qualco', anche strasi anche rancor, qualco' ch' aiutti me e almen un antre.
di Francesco Saverio Gianotti (Perugia) Pubblicata in Antologia 7-8 Concorso 2008
La differensa è propi questa: in tant paes, tle gran città la nebbia fitta ma tutti fa incassà; se scontren fra de lor, ti mur batten la testa... A Urbin, invec, ved anch' i color la gent perchè la nebbia ne sveja l'attension, favorisc total coperasion e ma ciascun ringalussisc la ment.
di Francesco Saverio Gianotti (Perugia) Pubblicata in Antologia 7-8 Concorso 2008
Con precis appuntament, alti sopr' i torricin, pó intorn alle cuspid e infin radent le bas i stormi fitti de rondon un dietra cl' altre giren mai accostat al corpo, sa battit rigid rapid potent alternat a scivolat rendon aerei sti uccelli neri che posson accoppiass anca voland e volando dormì. En sann pió posars al suol le sampett atrofisat e i ugna guss arvoltati in avanti El lor vers é fort acut penetrant; en sa de dolor ; en sa de rabbia: é uccel social sto rondon; fors espression de vigor, fors l'ebbressa dla velocità,
Io, animalett terren terragn terricol, a volt terreo, ho provat nel sedil posterior
di Francesco Saverio Gianotti (Perugia) Pubblicata in Antologia 7-8 Concorso 2008
Adagiat sulla collina, con facilità sol apparent ne segue l'andament el palas ducal de laterizi e pietra local, sensa complicasion struttural, in unic compless d'armonios splendor ben oltr' el schema rinascimental. Equilibrat potent opra monumental, irrobustita glorificata vissuta dalla coscient fiducia popolar tl' autorità sovrana pcina pcina, ma pront' a imparè, rapid' a inventè el bel el bon non sol per sé, ma per el ben de tutti.
A orient, entro la cerchia, la facciata ad ali pianament distesa pacifica serena trionfal, con monofore, bifore, incorniciat finestron porton enorme, atrio d'ingres e la veduta del cortil maggior.
A occident non opprim come barriera, sovrasta per cortes invit la facciata di torricin snelli alti dominator per magnifìcensa non per terror; i pinnacol terminal ricamati acuti com i sguard de tutt i cittadin. Peculiar gioch de dentra e fora, de pien e vot sensa violensa, sensa contrast. En è stereotipat immagin de reggia favolosa; en è miragg; è concret proposit de superior ragionament, de volontà serena e fort. È schiett' architettura, musica eccelsa che se pò tocca, solida ospitalità de poesia sublim. En hann imprigionat la luminosità del ciel, de tutt el paesagg l' hann onorata e convinta a restà primari fondament de bellessa e libertà insiem sa la serena baldansa d'ogni popolan. En hann catturat l'aria marina e i vent montan, hann invitat a entrà folat rafficch soffi aure dla rosa di vent ch' ora vann per scalinat ramp corridoi sale salon sens' angol mort, sensa ristagn. Hann mess insiem volutament el respir del mond circostant piant, animal, l'incorrotta piccola gent. All'inizi era de pochi per tutti ed ha servit tant generasion. Col temp è dventat "de tutti per pochi" e quasi l'hann dimenticat Oggi, se pò sperè, per el progres uman, ch' armanend de tutti, a tutti serva de confort, d'educasion, a viva libertà e speransa. Com tel cimiter se cammina pian entro ste mura; se parla a voc somessa spontaneament nasc el rispett. Maché c'è l'art: espression qualificant la specie. Se guarda attentament s' ammira, ce se stupisc, ce se sgomenta, se palpita, se viv intensament. Se va via legger, de gnent prigionier, consolat consolator, liberat liberator, serenament rammaricat, fiducios e tranquil: è arrivat l'insegnament com lustre sém portat dal vent
di Francesco Saverio Gianotti (Perugia) Pubblicata in Antologia 7-8 Concorso 2008
Ho credutt da burdlin, per un po' de temp ma non tant, ch' el protettor d'Urbin fossa Crescentin soldat martir e sant. Non urbinat sola proprietà, ma ben condominial de du città; protesion sensa completament dat che la testa en ha seguitt el corp durant el rapiment. Non molta confidensa, ma 'i onor dovuti: alogg dentra al Dom e 'i attributi: pennacchj stendard e dragon. Poca frequentasion: sotta 'l baldacchin in procesion 'na volta all'ann; davanti banda musical, vergini e cantor, dietra arcivescov, canonnich, monsignor, pret, frat, compagnie d'incapuciat, i vecchj di Capucin, i ragass del discolat e un po' de popolin qua e là racimolat, quel ch' arriva tardi o non arriva en reca dann al rito preparat.
Fin da ragass cnoscev dal ver i paracarr de pietra bianca in angol smussati di canton de case grand e palasson. In t'i libre ho artrovat qualch "protettor" contra carri, caros, brocc e bruccin, ben modellati a fung, a cipolla, sa mensola, conci e ornament; non sol difensor, ma espression dla sensibil elegansa del padron. I protettor de pietra lavorata en nascondne faida e rapina, en celen l'imboscata.
Un sant decapitat, i paracarr armasti pochi e logorati: de "protettor" un grupett pcin e scalcinat. Insiem, prò, finor hann funsionat e la città secolar naviga sui colli, dal tempo rispettata, dal vent accaressata, da fior de macchia profumata. Oltre che protesion forsa vital porta la gioventù che vien da tutt i pol e sempre se rinnova: arriva sperand, con amor va via; conserva nel su' cor la nostalgia.
di Francesco Saverio Gianotti (Perugia) Pubblicata in Antologia 7-8 Concorso 2008
In qualch vigulin, in qualch pioletta en bastava sporgia testa e coll dal finestrin per veda del ciel una striscetta tra le du col de front acsé vicin. A primavera striscetta celest/azzurrina, blu/turchina d'estat, per l'autun azzurra/celestina, celest/bigia tl' inverne più spietat. Qualch nuvolon scur sa i orle sfilacciat sopra i tett, a volt da grig e dens strat pioggia fitta, manch 'na saetta sfolgorant, manch un balen; per alleviè disag e pen manch un pestin d'arcobalen. En c'eren crepuscol nè chiaror d'aurora; el sol a nessun'ora; sperè "rosso di sera" en se poteva; manch 'na stella s' arcnosceva; altrov era la luna: immaginalla se doveva. Fora de casa, a chi p'r aria guardava, cacca d'uccel, non ragg de sol, tla faccia 'i arrivava e per consolasion c'era el proverbi che "fortunat" el dichiarava. Contra muff sorc bagaross continua lotta ha cancelat de stambergh, de tuguri lo squallor, ha confinat ti ort talp lombricch e lumacon; sistemat gas, fogn e lampion. Hann fatt piassett, piass e piassal sa siep ed alberon; aule, bibliotech, laboratori hann rigenerat lungo le piole convent, lazaret, palas abbandonati persin l'aiole. Quartieri novi for dle mura èn nati sensa distruggia l'art o profanalla, sensa rovinè natura o rompa el paesagg. En se veden manch dai torricin nascosti com èn da le collin. Non i bov, ma le macchin se lascen al Mercatal: sa gran arcor per om e animal. Anch tel palas ducal hann lavrat, aveva propri bsogn d'essa rinfrescat. Per i urbinat va tutt bnon: nisciun sarà dacsé cojon da vlè bonifichè la voja de sturzè, le risatacc del butacc quand se fa càcco, el rida da chel mod sopra se stess, la flemma, la creansa, el pettegoless, la crescia del panàr sa l'erba cotta, el galnacc a la gusutta, 'na fojetta sa i lupin, briscla, tresett, le bocc sa 'l pallin.
di Francesco Saverio Gianotti (Perugia) Pubblicata in Antologia 7-8 Concorso 2008
Svanìtti per areclamm indiavlat ingasaritti da la moneta arriven tanti all'ardunaticc specialisat dla "cultura alimentare", del dgiùn, dla "dieta". I còch sa i capplon; gastronom capiscion; quei ch' tenghen tra indic e pollicc el piedistal del calicc e degusten el vin sa la bocca a cul d'galin; rafacan leterat; el cler sgolfanat; i mèddicch del settor; i pió pinsón saputt de tutt'i proffsor. Per l'orgòj dl'imbisios ardun inganscitti de birbarì president consiglier segreterì d'asociasion sodalisi società; sempre present el minister dla sanità. Per sandrón e minutàja magnat a stuff ingonsat a strosc e pó, sploda de foch artifìcial, "seminari, simposi, dibattiti, relazioni", listess de bgiòligh, pàppol, cianc, arvultiloni. De sti fatutt la gran marmaja a strascinon tl' identica brodaja; se sbrodolen tra d' lor, en parlen per la gent, la massa popolar en c'arcapessa gnent.
- Èn bone e belle le tajatelle. - Per marpión e alupitt i boconott rabitt. - Tla testa e tra le gamb el scaruss di caplett lampàt sora 'na tvaja d'luss. - Forne birarost pignatta caldar tegamin: è sempre 'na goduria el sor baghin. - Sa spianata crescia o ti cascion broccol verzèll lischer spargin vitalb e tufiron
-
L'insalata de campagna, caccialepre scarpign rapastei, se
capa quand se magna;
-
Seller e fnocch sa cassimperi e vin, sa poch sal dafne lupin
fav fresch e radicin
-
A bonora, prima d'metta l'abbit dle fest, el poracc scatissa
el foch per smezzè 'l giorne sensa stracass
suppa de cec d' lenticch de fagiol; dop dla banda musical,
prima del lett,
Ste sementin cultural sti spiciulin d'ingegn ste mulichin de sturza sti badurlin en arrovellen el cervell arriven tutt d'un bòtt da ciafagna schiribiss prodott; fan ben ma la salut, gingillen el paidì; l'arabatass sens'arabiss aiuta a campè: com stè alla solina anca tel vernì. In pió de quel montefeltresch ducal hann 'i urbinat un stemma popolar: cunditor. un osss de prosciutt dipint al natural t'na paranansa bianca de color. Era 'n oss girandulon: più volt in famèja usat spess ai vicin prestat dava saporin ma la minestra, rustich simbol de miseria nera era aprì ma 'l sol 'na finestra la forsa dl'amicisia vera un spiritacc sminchionat consolator per le fatigh de casa e del lavor.
di Francesco Saverio Gianotti (Perugia) Pubblicata in Antologia 7-8 Concorso 2008
Tant le lapid in Urbin, de pietra bianca resistent all'intemperie, sovrappost ai madon tle faciat de casett e palason. Gli urbinat arcorden celebren glorifichen esalten artisti sommi d'ogni specialità, celebri sciensiat de molti ram, illustri letterat, economisti noti, dotti giuristi, artigian specialisat; 'i urbinat èn fieri e grati. Anch' tel palass dov so' nat io c'è 'na lapid bella grand, ma non per me; pasiensa, sarà per 'n antra volta.
La lapid mia en è de pietra nobbil, nemmen d'arenaria, è de carta, è pagina d'un librett scritt in dialett e l'epitaffi è quest: "Per fè 'l docent all'università de Stat a Perugia so' emigrat En me so' adeguat nè rassegnat, so' armast un fess d' urbinat mo, sia pur in cener, so' artornat.
di Francesco Saverio Gianotti (Perugia) Pubblicata in Antologia 7-8 Concorso 2008
- Please. Excuse me: Renaissance Street? - Pardon monsieur. S' il vous plait: Rue de la Renaissance? - Scusi, signore: Via Rinascimento?
-
A Urbin en c'è sta via.
di Francesco Saverio Gianotti (Perugia) Pubblicata in Antologia 7-8 Concorso 2008
El cittadin indigen urbinat cnosc da quand' è nat sti precett basilar dla su' passion per le "comet" che sarien 'i aquilon.
1. En ha da essa bell e funzional 2. Fa ben a corp e sentiment
tiral de corsa giò per le sces,
3. Se cad: el vent l' ha rifiutat;
4. Se sfugg al fil: el vent l'ha portat via.
di Francesco Saverio Gianotti (Perugia) Pubblicata in Antologia 7-8 Concorso 2008
-
Se' pallid, indolent;
-
En sto mal per gnent. - Hè cors dietr' al leprott? - Hè festeggiat el terne al lott?
-
Se' propi incolturat
di Francesco Saverio Gianotti (Perugia) Pubblicata in Antologia 7-8 Concorso 2008
- En leggi el giornal, Iacmòn.
-
No, en me piac - Paghi la quota social, è tu' diritt.
-
Va ben, va ben, ma l'hann lett in tanti.
di Francesco Saverio Gianotti (Perugia) Pubblicata in Antologia 7-8 Concorso 2008
Un
foch de paja, de foj secch,
di Francesco Saverio Gianotti (Perugia) Pubblicata in Antologia 7-8 Concorso 2008
-
Pacifist sarè te, Menghin,
-
No. El pacificch en è amich de tutti,
-
El pacificch en va per strad e piass
-
El pacificch en è bon
-
I pacifist àmen la pac sensa condision - Affari lor, ma tropp facil pei mascalson.
-
L'ultim nom pronunciat
-
En t'ho mai vist, Gigett,
-
I' so' virtuos perch' en so' bon - Impara a concentrat.
-
Se me condens ancora - Fa i nod tel fasolett.
-
En poss - A scopa sè giochè?
-
È la primiera a damm un casot: - È provat a tresett?
-
È peg ancora; en è question
-
Arpassa 'i argoment,
- Mej i solitari ; en vaggh a scola p'el
divertiment;
-
Se' gitt a veda, Tugnin,
-
Du volt ce so statt,
-
Sa t'è suces, Tugnin,
-
Porca dla vacca, el mi' dottor,
È stat un strangulon de disgust, - Ma com se' riuscitt, Tugnin, sa la tu' ment a sfanghè un ragionament? Porca dla vacca, en ho imparat
a
muscinè i bajocchj
sempre e tutt le monet, quelle com sia, quelle special. e che fra chjatre ce so anch' i'.
Sem nati in du da cima la salita de San Pol, io per prim mo er pcinin e sensa forsa pareva la mi' vita. Piagnev pianin pianin, en se sentiva; strignev tel pugnin chius e agitat el nom del mi' nonn che me sfuggiva, com'era tradision, riservat al pió robust de chi du fiolin per sperè nel più sicur destin.
Hann scelt per me el sant del giorne, ignot a la mi gent, un missionar stranier sa noialtre gnent in comun propri gnent.
Da burdlin la situasion era un po' dura: er tel mezz de du cartlon un davanti un de dietra a spindulon e me sentiv fora dle mura. Tutti hann capit e mai sillab de tropp hann pronunciat. A scola no, invec ed ovviament, perchè el pió ridiccol, el pió cretin, el pió insensat per sù natura era "regolament".
Du ricorrens t'un giorne sol: 'na fregatura. Sa 'l passè de 'i ann, minca pó tant, cinque en dventate per ventura, per combinasion tutt important.
I nom pió cari m'ha dat la natura; en so' sicur d'avei meritat. Io so soltant che tanti 'i hann portat: sensa rispett e gioia, sensa cura e i' me sent invec privilegiat.
Dventat sio, ho 'vutt la spinta adatta contra l'inersia la paura el nid d'ovatta.
Com padre ho lavorat a testa bassa; ho datt esempi e sentiment; nessun perdona, nessun è perdonat: la colpa en esist, l'error dimenticat. Liberi schietti com i fior del prat; el temp, pió del vent, via é volat.
Me so trovat nonn un po' aciacat, stupìt dall'emosion, dalla voja de gridè sensa clamor, dalle risat mist a lagrimon, dal bsogn de silensi e de tepor de moviment e distension. sti tre ragg de sol per me l'aurora d'un pestin de vita nova, un ornament dalla natura donat benignament. Essa memoria per chi ancor en la pò avé; el present, da lor modellat, insiem godè; aiutè ma 'l futur col sol mezz ver;: essa sempre te stess ti fatt e tel pensier. I lor ricord da soli sceglierann se calco' de me dentra vorrann.
Non sol dal mi' balcon ma dal mi' lett, sa la testa tel cuscin, vedev al natural Catria e Neron i mont che segnen 1'orisont. Un tratt in pian, un vicolett; s'allarga tel pianel e fnisc contra 'na casa; ad angol rett volta a sinistra: 'na rampa sa i madon messi per cortell a favorì la salitta in mezz aj ort.
Tutta la terra coltivata ad art per risparmi per comodità per gust: rosmarin, salvia, basilich e l'erbetta, cavol, ravanel, cetriol e cipollin, l'agliett da magnè fresch e quel da conservè per i sofritt. T' ogni ort c'è un palm de terra per qualca rosa, i garofanin, le violett dle macchj malé vicin.
L'amicisia, la ragassa, el cant del verdon da la gabietta, el prim can, la maturità classica, l' esser patriota, du lauree, i prim lavor: en c'era sol Urbin tel vigulin, c'eren le bas de tutta la mi' vita.
En vedla pió manch da lontan, soffrì sensa rassegnasion: anca per quest me s'è rott el cor e da un po' d'ann vaggh a machinetta; ogni tant me fann la revision e sper che duri per un po', sensa illusion: "inguaribile ancor curabile". Così sia.
La nonna pió che novantenn ma la nipot appena maggiorenn:
- Sè disordinata, burdella mia,
Materni bisbij dalla porta dla camerina:
- En... ri... co
- En... ri..
co
- En... ri co
- Enrico, vist che se' svej,
La madre chiama el fiol dalla finestra: «Pippo, vien a casa: Pippo, Pippo, vien subbit a casa. Pippo, Pippo, Pippo, fiol de bona donna, vien a casa subbit adess. Vien a casa alla svelta, Pippo fiolacc de donna bona, che se tu' madre en era una de quelle en te faceva».
La madr dic ma la fiolina studentessa de prima elementar:
- Lalla, va a veda se dorm el tu' fratlin.
- Pavlin, dormi? - Non te sent.
Asciuga el su' piant sa lin morbid e bianch; en parlè. Sensa parlè prend per man chi piagn Caminat insiem pianin pianin sa 'l venticel tla faccia; adag adag arrivat al ragg de sol e ve fermat. Caressa chi piagn, abbraccia chi piagn, soregg chi piagn l'hê da tiena in pied; en parlè. Sorrid per consolè. Grida con forsa con rabbia per scota chi piagn: devi sperè che scatti la reasion vital, la devi provochè. En devi piagna. Piagnerè dopp, da sol, soltant s' el dolor sarà rassegnasion, soltant se la pena te vorrà demolì un po' per volta.
En èn "falsi" i fior de vetre: competitor vincenti dla mort lenta, libera scelta contra el putrid marcì. Inalterat i color lucent, intens sempre. Artrovati identich, permanent i profum de bosch de prat de giardìn da chi 'i ha dentra per daver se ha imparat a custodij ben.
Maligna atrocità i maledett occhj de vetre. Un can imbalsamat: dimostrasion dla falsa pietà del biped meschin portator del su' guinzai; testimoniansa dla miseria moral del su' padron; oribbil simbol dl'ossessionant grandigia del tronfi su' conduttor; mediocr tentativ per soffochè rimors bland e tardiv de l'inett su' capobranch.
Tutt i mi' can èn stati inceneritt com sarò io.
Ho incontrat 'n angiol ed era 'n animal fier, elegant, docil e gentil. Mi' fiola ha scelt cla gattina ch' aveva apert 'i occhj allora allora: questa è fatta per mi' padre.
Miagolar armonios, en sapeva gnavlè; era 'na voc somessa, sempr' associata per l'espresion miglior a moviment del corp. Occhi grandi, luminos, sguard' espresiv capiva tutt e se faceva capì. Adocchiament fugitiv e ripetut era garbat invit a caressalla; sguard fiss e tranquill, un miagolè legger legger, un colpettin sa la testa, 'na strisciata sa 'l fianch, la coda ritta: per essa presa in bracc. Leggiadr el gioch, se divertiva e pareva capissa de divertì ma me.
Schiacciata in strada é tornat a casa per morì e propri en el so com' abbia fatt.
La mi' vil paura en l'ha sostituitta; La mi' vil paura s'accontenta dla bella statuina de marm grig venat ch' à méss su la mi' spalla.
Mi moj sùbbit ha dett: mej el dialett.
D'essa maché ve ringrasiam de cor. Non sol p'el temp le noss èn d'or; da bella gent ben ardunata la cener dalla brag via soffiata; arluccichen i occhj arrossat; voja de sturzè anca p'i cocc sbrangat che tutt'arzilli farien le capriol ti prat tle màcchin sa le maiòl.
Metà secol en è in quattre e quattròtt per qualcò nat tutt d' un bott perchè un bell tocch de burdella pitines splendent de vigor, fiera e cortes, tutt'armulitta sa l'abbit scollat aderent per sfissi femminil d'ammirar consent de sodi montalètt el vago tremolar, del dria só e gió el cadensat andar Ha mess ma me un sochè dentra, en so du' è; trasparent legger mai rott mai incrinat mai appassit manch appannat; tèndre morbid tiepid profumat vinc 'nicò; com un ragg de sol un spirell d'aria collinar de rosignol un cant.
Cambien aria acqua terra el foch persin ; cambiam anca noiàtre detti òmin adeguass conformass pasientà: terna vincent per coppia che se cerca verament e sempre se ritrova tun sorris o lacrimon; l'orgòj è brutt mal che rod la comprension.
Per sedess intorne a ste tavlon avem scartat tutt'i sapienton; avem rispettat i grupp già esistent, capit qualch preferensa, de ciascun el sentiment. Vicin a me, marit, c'è 'na consolasion: nonn' anca lia la prima nata dla mi' generasion ogg ce reca mi' fratell gemell su' padre e l'acquisita mi' sorella la su' madre.
De tutta la famija el ver tesor anca più in alt di nostre fiòl èn i bsognos d'amor, i gètt più delicat e fort, i giovne nipot sereni alla lor sort. Auguriam ghirland tutte d'or lucent; che dura sarà terran sempre present.
Onest sa tutti, ma prima sa se stess; a dover compiut tutto va ben: agobass o avé i oss tla pansa stè alla solina o tel vernì la bruscia opuriment el piova ad occhj e croc o da bravon de nott, de giorne, tra lum e scur.
Dura poch st' unica occasion, cresc el mal fin, gonta l'emosion; prest cmincia el gioch dl'ùa: ognun a casa sua. Arcorat' insiem dall'amor, scajat fora ogni timor, archiapat un po' d'baldansa, tranquillament arriva la speransa.
un sprocchj amo' de cinquant'ANN Macerata Feltria, 28 settembre 1957 - Chiugiana, 28 settembre 2007
Nipot, fiol, tutti voiàtre sét dla festa l'or. Le noss de cinquant'ann en èn 'na conclusion: gnent è fnitt, gnent è pió com incminciat; è reciproch dafè, è travaj d'adattament; èn 'na soddisfasion, un coronament. El viagg che nó farem en è per dó, prò insiem ce preparam serenament: dat che all'arriv ce rincontrerem sicurament. A ste giorn, hè vòja, se special in tanti mod sém arivati: de corsa, a rampicon, alla saltafoss, a taston, a rugolon, a sguillon, a capriol... Per renda giuliv l’event el mod più natural semplic e vertier: un po' de temp insiem per comunicà qualcò ma tutti, calcos' atre ma ciascun.
I Ho méss le lucciol luccicant tel bicchier de cristal molat e, copert d'un vel, l' ho posat sopra un carton bianc patinat.
Per chel barlum ho scritt una parola sola ch' en ho vist, ch' ho dimenticat.
Mai ho potutt liberè gl' insett; fors en ho credutt, fors eren tropp i mi' difett, fors en er fort, fors eren i sogni tel cassett, fors era davér quella la sort.
II Avev le lucciol tle man unite come coppa, rito, una preghiera; Quand ho vlutt restituille al ciel en hann volat. Una per volta l'ho messe ti capej neri a treccia En èn fiamell gassos vaganti, en èn rimorsi perchè la mi' cosciensa non rinfaccia violasion de regol etiche legali. En èn rimpianti perchè, dolor ormai connaturat, èn armaste tenere memorie. En èn umiliasion perchè spess ho vint o la sconfitta comunq aveva onor e dignità. En èn offes perchè sempre ho rintussat affront, provocasion; sempre ho reagit con forsa sensa perdon sensa rancor.
Ste lucìn ritmate a tratti rompne el buij, rallegren la nott; èn maschiett alat che cerchen chiàmen ècciten 1'attera femmina celata.
Benefica frescura refrigeri tla torrida nott contra l'ira rovent, l'odio che congela, la vendetta che consuma. È forsa vital lucicant vivida speransa intermittent labil fragil vanescent.
IV Quest' èn "lucciol" artificial, scorie de società sbajat, schifosament potentement dominat da deformasion mental e tra quei sciolt a ornè la spalla. Dop temp e temp èn ancor malé accese.
V En se mov 'na frasca, nemen 'na fojolina; le coroll chius pendne, ferme, dai stel; l'ariste sottili lunghe dle spigh erett, infilsat dritt tl' oscurità più fitta.
Stupende l'infinit luc del ciel in compagnia de miti allegorie immaginasion, se ancora senti le nenie le somess parol dla madre tua.
Spaventos algór sideral, nemich d'ogni vita, se t' soregg sol la sciensa astrusa tra la pora gent non diffusa com verità nè consolasion. denominat interess profitt sfrutament, persin progress e libertà.
Sti desolat tetr' animal en campen ti angol dla terra dov stann nascost i primitiv uman.
Tle società religiosament illuminat tecnicament organisat igienicament preparat saggiament governat èn come "ludi circenses" per la pleb cafona, sapid tranquillant per l'irritabil volgh, profumat sugos trastull dl' obés miop dirigent del borghés benpensant bigott.
Le condannen tutti, a parol; qualcun le vol "redima" ma sopravivne perchè vizi e ipocrisia entren al prim respir com' aria fetida che nè scola nè comunità nè predich epistol sermon decret codic concion vojen davver purifichè.
Nè compassion nè carità: almen un, un sol esser uman delicat e gentil baci 'i occhj alla bagascia, asciughi con le labbra una lacrima sua tla su' ganascia.
|
