|
X° Concorso 2010 Agenda 2011: Tutti i Testi Presentati a Concorso |
Tutti gli autori dialettali |
|
Tutti gli altri testi:
La foresta pietrificata
MA DARWIN: LA SELESION
Anca 'na foja pÓ sognÀ
El Gazetin dla Piassa
LONTANI RICORDI
In quel loco d'Urbin
I DO CACIATOR
DAL MONT VEGGH EL MAR
El mi' Turrion
La donna del fium
Cum sia sia ...
L'edision dla poesia dialetal 2009
La graneta
LA FELICITÀ |
(La nott d'la Befana) di Ambrogiani Anna Rita (Urbino) Presentata per X° Concorso 2010 Agenda 2011
La nott ha nevicat, la matina ha piovutt, mo la nev è dventata gel; pian pianin è dventat tutt trin.
È un paesagg da fiaba sembra fatt da 'na fata, 'na foresta incantata, ferma, solenn, pietrificata.
È 'l gel dla Befana che stanott regna sovrana. È magia, sogn e stupor che s'incontra sa l'umor. Tutt el gel ch' c'è dentra el cor, de sta vitta fatigosa, te se stregn dentra ogni cosa.
Bianch el cel, bianca la terra, tutt è chius in t'la nebbia.
S'è fatt nott. È acsé incredibbil, che te sembra tutt posibbil...
Ecco, ariva la Befana da chisà che tramontana; 'n attim gira tra le piant, un balen t'la su' scopa volant.
La su' nott, el su' ambient, s'en ce credi en t' porta gnent. Se ce credi anca un pochin, el vedrè sotta el camin...
È 'na nott de magia che pian pian te porta via in t'le al dla fantasia e ardventi un po' pcin, quant el mond era pió blin.
MA DARWIN: LA SELESION DEL PIÓ ADATT di Massimo Arcangeli (Urbino) Presentata per X° Concorso 2010 Agenda 2011
C'HO PENSAT SÓ - Premessa alla poesia - Cfr. ultimo paragrafo pag. 13 dell'Agenda 2010 "V'l'arcont in dialett". C'ho pensat só, prò en m'arcord d'avé mai studiat el dialett da pcin e manch en ho mai vist ma babo e mama sopra i libbre per spiegamm ch'sa vléven dì cle parolin. Me sa d'avelle assorbit pian pian, man man che crescev, com tutti, sensa nisciuna regola, sarà per quest ch' facc 'na gran fatiga a scriva in urbinat e vall a veda i strafalcion ch' c' lasc tramezza. C'ho pensat só e saria content se qualcun altre dicessa la sua acsé tant per chiaricc 'na mulicca e capicc mei... Non mi accodo al pensiero avverso al cambiamento, nel tempo, del dialetto urbinate pur ritenendo doveroso lo studio dei repertori, la consultazione dei dizionari, l'appropriarsi dei vecchi modi di dire quali fonti utili a indicare l'itinerario evolutivo del nostro attuale vernacolo. Basta sfogliare un qualsiasi vocabolario della nostra lingua per incappare dopo l'ultimo termine, ad esempio "zwinglismo", in una serie di appendici, di supplementi e aggiornamenti ricchi di nuovi vocaboli italiani, stranieri e tecnici. Ecco, io mi sento un evoluzionista, un amante del darwinismo, un fautore delle modificazioni costanti e inevitabili di tutto ciò che è sulla terra. Ritengo che i nuovi vocaboli, quelle intrusioni nella attuale forma dialettale di ibridi, di termini italiani apparentemente appena storpiati, non siano altro che la risposta ovvia e razionale alla veloce trasformazione che la nostra lingua madre, l'italiano, ha subito negli ultimi decenni. Ho ascoltato giorni fa un dialogo tra i miei figli sulle difficoltà economiche del momento, ebbene, almeno un quarto dei termini usati era d'origine straniera, ma molti di questi avevano rispetto alla lingua madre già subito una trasformazione. Tutto ciò per sottolineare che anche i miei ragazzi parlano il dialetto urbinate, il loro dialetto; che anche io e mia moglie ci esprimiamo in dialetto, il nostro dialetto; certamente anche i nostri nonni manifestavano i loro pensieri in un dialetto simile a quello dei nostri genitori, ma lontanissimo dal vernacolo dei loro pronipoti. È mia convinzione che qualsiasi lingua evolva in base alla selezione naturale e che la trasformazione di vocaboli arcaici in altri più adatti sia l'effetto provocato dall'abbandono della vita rurale e contadina in favore delle nuove tecnologie e della ormai tanto vituperata ma inevitabile globalizzazione . Ritengo normale che ognuno adoperi e si esprima col dialetto del momento che non è né più povero né più ricco del precedente e non rischia di divenire, secondo me, come la messa in latino, incomprensibile.
P.S. Ho butat giό ma chi burdei du' tre fras ch'en s'usen guasi piό, acsè, tant per capì s'capiven: "lascia gì da smlichè - sgluppa cla gluppa sinonca tle dag - ch'el pulcin è mèz trol, fa'l fraiol - ecc.". Da com me guardavne ho capitt ch'en avevne capit gnent. Dett tutt quest, e val per tutti, anch per me, armang d'l'idea che ognun è libber da pensalla con i par s'è convint d'essa tel giust; qualcun altre s'capisc' d'avè tort po', se vol, gambiè parer.
Quand la madreselva in primavera slunga i su' bracc rinsechitt e getta e fiorisc, quand l'ebbi e'l sanbuch s'arprenden dop le g'lat invernal, le sciep sό p'i spal, lung le strad, intriden d'odor tutt le vall. I passer, le c'licch, i codross frullen e sgaggen tra i ram, lung i foss, com se fosser in guerra, i maschi èn in lotta per fè selesion; le femmin, arpiatat tra le frasch, han già scelt el pió adatt per poté fè l'amor e improntè tutt du insiem, fra l'intrecc fatt de paj, 'na nova covata de fiol.
di Adalberto Baldani (Carpegna) Presentata per X° Concorso 2010 Agenda 2011
'Na foja sola er'armasta tacata ma qel cires, qli altre erne cascate tutte. La foja stava dura lì, aspetava. Quand tirava qel vent fort che t' fà alzà 'l bavere lia s'acartociava tutta s' faceva pcina pcina, quand pioveva che pió 'n s'ne pó e che per girà c' vol le galosc se slungava vers el bass, sembrava 'n scivole. Era stracca morta mo stava lì, aspetava. Un giorne s'è sentita carezà un fiocch de nev, finalment bufava. Era 'na serata silenziosa enn tirava 'n fil d' vent: la foja, legera, s'è lasciata andà.
El Gazetin dla Piassa d' Urbin (Ogg v' arcont dle chiacchier ch' sfan e ch 'se senten a girè per la Piassa) di Arturo Bernini (Urbino) Presentata per X° Concorso 2010 Agenda 2011
"M' archmand, San Crescentin !"
Gìren tla Piassa d'le voc tutte aflitte che propri cunfort en t' dan, ch' digghen... che: «Machè gim propri mal, sa tutt ste truff e corusion ch' èn dventate 'n' istitusion, tra chi spreca e tra chi robba, c' è chi s'ispira ma l'art de Michelacc, c' è chi tira a campè e c' è chi sgobba.
Girem a fnì de mal in pegg, maché s' parla sol d' paghe, de paghè 'na mucchia d' tass. E pó c' fan veda a la television che tra tutt i partitt, en fan altre che un gran bagaiè e rimbecass e, tra gl' insult e i lor litigaticc èn tutt scen ch' fan... sol el chiass e manca en t' risolven un... cass, mentre intant cresc la mundessa, l'acqua, la benzina, la luc, el gas. Ma se va propri ben! Ma nó gim pur davanti dacsè, a en fè altre che tirè fora i sold a profusion, tant ormai c' hann pres per d' cujon. Ah sé, sem propri arcunciati per le fest ! En c' è propri piò 'na mulicca d' rispett, c'han pres e c' arbalten cum i calsett, ma che c' tratten cum fosmi d' fess, ma, se pó, cum s' mormora e s' sent a dì, e speram ch'sia sol per... schers, ch' en s' ariverà manca pió a pagacc le pension, alora, sè che s' girà a fnì tutti sa la testa in tel... palon. Tant ma cla brava gent, ch' sta ma là, a cmandacc dal Palass dla greppia e ch' manda avanti 'sta baracca scucialata per capicc... vol dì ma noiatre. Anca se 'i acusasmi d'essa di corrotti, e 'i dicesmi ch' èn e s' cumporten ugual a di furfant, ma anca a dirgli ch'èn un branch d'ladre e d' dilinguent matriculati, è listess d'fai di... cumpliment». C' è el sollitt sostnutt ch' c'ha i sold, ch' s' vanta e dic :«Ma me, de sta situasion m' ne frega men de gnent, en me fa 'n baff, en me tocca 'n dent, e manca m'importa propri un mannich. Me dispiac per viatre? propri no! Ma me, la facenda m' arman propri indiferent». E c'è invec chi s'fa prenda dal pannich. Alora invochen le Legg e la Costitusion contra sti governe e sti aministrator. Da tutt le part s' areclama la Giustissia, che per sti furfant c' vojen i prucess; ma calcun sbotta: "Per safè, cusè èn sol altre sold sprecati, adess maché i temp en cambiati e, me daret ragion, che in 'ste Paes ogg piò nisciùn... va in prigion". A sentì scunsulat ste brutt nutissie, tra i mugugn e i sbrontolament ch' fa la gent, par dessa dentra un vespar tant en fitti sti lament che t' fan nì la depresion, cusè dop t' chiappa l' afann, vien l' umor ner, che t'rodne el fegghett sa tutt i raguiam. E po' c' è el pessimista che cum fa al su' sollit s' mett a fè... l' astrolligh, e inchmincia a fè la su'... prevision che già i disastre... presupon. «Guara te, cum sèm ardotti, chi taja d' qua e chi taja d'là, tutti fann i brav chirurghi, ch' me par d'essa cum sfossa un incub a... l' uspedal, ma sarà mej a dì invec, ch' me par d' essa dentra gran macell. Sa 'sti reddit ch' c'avem, per chi quattre sold che c' dann, vedrem ch' sarà sempre pió dificil ch' ariverem malla fin di' ann, ma prò s' preved, e manca el negh, che già a fatiga s'ariverà, cumprand sol el pan, a la fin del mes, tant ch' ormai rasegnatve en c' armaran piò manch 'i occhj per piagna».
El poppol quant s'tratta d'tribulè sta a sentì atent a la television le nutissie sa 'i urecchj dritti per potè dop manifestè tutt el su' malcuntent tle Piass ma 'l Guverne del mument. Onna prò! Che disastre, che tracoll, sèm arvinati, derelitti; per giunta adess s' è agravata anca la crisi, ch' ha purtat al colme dla beffa chi ha esaperat la situasion. E cusè sem arivati al pegg; duvrem preparacc a rinuncè prima d'tutt ai bei... viagg per i "Camp Elisi". Mo va là, s' vlem magnè, maché c' tocherà invec acuntentacc d' un "Camp - icell", per facc un urticell, da sappè per piantacc 'na balla d' patat e pó facc n' arcolta d'insalata e d' pundor, magari du suchin, du mlanzan, un sachtin d' fagiol. Mo ma che tra el corra el fuggia, è la volta bona ch' gim a fnì tutti a p'r aria, a gambritt, altrechè le vacans, e le crucer sa i gran viagg per beacc da gì a brunzè le chiapp tle solatie e cald spiagg dei bei Paes esottici. Purtropp, d' quei duvrem scurdacc; c' artoccherà argì piutost ti nostre lidi a rusulè la schina fin a scutacc. Aah! Sé sé, sèm propri tl' arvina! C' artruverem cum l'Argentina ?! O farem la fin dla Grecia ?! Se maché la situasiòn en argirerà per el vers giust, sarà del tutt inuttil a... dì, o a... fè; insomma ! Sa sti quattre ch' corren gió per la china altroché a gì a bagnè el cul in t'i bei lidi, argirem a spigulè e arcoia i stridi, c' artuccherà gì a prenda el picon per gi a scavè el carbon in tla miniera, insomma, maché, tocca facc curagg e argirè le mannich e a metce a lavrè dur per dè 'n avenir ma i nostre fiòl se no puretta lor, s'en creden ma chi vien a fè i miraccol, s' artruverann senza men sa la cacca fin al... coll». S'alsen dle voc d' maldicent, piene d'livòr, ch' ne digghen de tutt' i culor; ch' fan più dann de cle sfuriat d' vent ch' seminen l' angoscia, el spavent. «Porett st' Urbin sa tutt i cittadin s' en fossa per chi do Turicin sa 'l turisme e per chi quattre student ch' artiren un po' sò le sort econommich ce scansen da gì giò miserament a fond da val, tel precipizi a rotta coll a rugulon, in t'la disperasion s' en strova 'na solusion». E pò, c' è chi dic: «Adess l'inflasion galoppa a stroppa cerquelle, che a ste punt i mument èn brutti, sèm vicin al tramont». Ma c' è anca calcun ch' la ved anca pegg e dic: «Ansi ma me, me par d' essa t' la nott piò scura, sèm propri cunciati mal, e manca en s' vegghen risors per armedialla, m' arcorda ch' el dett, ch' dic che... sensa lilleri en se lallera. Ma che, sem propri ardott al lumicin; par ch' sèm arivati a tirè gl' ultim... ansc. E adess spol anca inchminciè a dì le nostre orasion, è giunta la nostra... fin ?!».
Pro datme ascolt, stam a sentì anca la voc de chi è sagg, che c' arcorerà e c' farà curagg che c' informa, e dic: «Alegria ! ades metet via cle brutt facc, en v' avilitt, en stat imburgnitti fatve forsa e statme sò arditti, arcurdatve che noiatre c'avem ma Un ch' sta d' casa mal Dom, ch' è 'na vera Pruvidensa, la nostra risorsa, la manna dal Ciel, basta gill a preghè e purtai un cer d' acenda tl' altar ma 'l Nostre bel e bon, ma sopratutt tant Misericordios Prutetor..., Sant Crescentin. Git a implorall ch' sfacessa daver 'na Grassia per salvacc da ste sventur ma noiatre ch' sem d 'Urbin». Ma, da malasò da cima del su' Baldachin, Ló surid, e dic: «Mah io Ve ringrassie de cor ch' varcurdat da nì da me, prò c' è nit sol ti mument del bsogn; so' è vera el Vostre Sant Paladin e ch' nit da me per arcmandav, prò ma voiatre ormai per tirav fora da sta situasion en ve basta manca da gì a preghè ma tutt i Nostre Sant piò caritatevol del Paradis. Tutt'al pió anca se la strada adess è piutost mal' ardotta e tutta buc, potet pruvè da gì a truè, s' ve dà l' apògg clatre Sant, ch' io cnosch e mi vicìn; chiapat la strada ch' va sò, per el Cimiter, e git da Lò, da... San Bernardin. Dit ma Lò che ve mand... io, e vedret che Lò bon cum' è, ve chiaperà tle su grassie e v'ascolterà e cercherà de niv incontra e d' esaudì le vostre supplich».
E cosè, i Citadin, tutti d' corsa van a preghè ma 'l Sant sa tanta devusion. San Bernardin a sentì tutt de lagn accorate cum s' fosser 'na Messa Cantata, s' emoziona e se cunfond e per la cumusion i venghen gió perfin i lagrimon e repplica: «So cuntent e ve ringrassie ch' set nutti a preghè da me sal cor tle man e pieni d' calor; mah! credetme pur, io tutt ste gran pusibilità en c' l' ho, en le pusegh e manca en c' ho d' le gran richess, tutt quel che io c' ho e ch' m' apartien, ch' ve poss dè, e che poss spartì, sa ognun d' voiatre è sol un pestin d' terra, ma... è terra bona, per piantacc el cec». Pró, no Cittadin ch' sèm listess pur pieni d' ottimisme e de risors, stam sempre a la grilla, che anca se queste èn tutt robb ch' suceden, en dam tant pes ma ste malelingue, en ce scuragiam, piò del necessari en c' facem prenda e stravolgia dal pessimisme, dal scunfort e dalla fiffa, stam alegri e facemce piò annim, tant ormai è già segnat, el nostre destin cum quel d' essa di pover babusin, ch' venghen rinchius dentra 'na... stiffa.
di Olsano Cavapozzi (Cherasco, CN) Presentata per X° Concorso 2010 Agenda 2011
Era fnitta da qualch ann la sconda guerra mondial, la miseria a detta de chi grand c' n'era dacsè tanta che molt spess se sentiva di "en c'ho 'na lira da fè cantè un ciech". No burdlin en capivam la gravità dla situasion e sa l'ansia del giochè sensa pró avé tant gioch, cercavam le solusion per cert vers pericolos. Per esempi: en savria propi dì el perché de cla pasion che nó burdei de nov diec ann c'avevam da gì sempre a ravaston per i bosch del circondari. Sta de fatt che tutti insiem, sa i lacc dentra 'na sacoccia e un curtlin aganciat ma i pantalon, partivam da Cavalin chiapavam la scurciatoia fin de sotta Micarin e pó via in tla maruga do' da sempre se sentiva un gran bel concert de uc'lin. Svolasavne diffidenti ma armoniosi ed eleganti tra le cann e i cepp d'ginestre, fra i ram dle cerque e i bosch de rogh. Nó a seda tra 'l falasch, sotta l'ombra di sambucre sa la massafrombla tra le man caricata sa 'n sass tond, guardavam incuriositi e setti setti sensa quasi respirè aspettavam el moment bon. Ma i burdei se sa cum èn, de pasiensa en c' n'hann mai troppa e tra un moviment sbaiat e una serie d'rumorin s'aspettava inutilment ch'arivassa qualch uc'lin. Asptè tropp ce sé stufava e dacsé se decideva da lasciè la postasion e gì fè 'na puntatina tra i filar de Che'-Ròzin. Quant el sol brusciava fort, salivam per Che' Pasaia e arivati in cima al mont tun chel tuf che luccicava facevam tutti la liscia, capriole e rugulon. Subit dop se ripartiva, entusiasti e caricati, tutti sporchi e scurticati per chi grepp a strascinon. Intant el temp velocement pasava e da gì a casa nisciun d' nó c' pensava. Ma le nostre madre ansios, per non dì preocupat, ce chiamavne e ce cercavne tutt intorne ma 'l castell. Arivati dentra casa, de tutt quell che dop sucdeva en ne voj propi parlè. Quant el pegg era pasat, me metev a magnè in fretta e aspettav el moment giost per gì fora un'antra volta e tutti insiem c' s'artròvava per decida cosa fé. Quante volt nó sem partit a esplorè i fundon dla Vall e com c'divertiva sù e giò, avanti e indietra tun chi bosch ch' en fnivne mai. Ma per arcontalla giosta poiché nó eravam un branch e facevam 'na gran casciara, le cos en givne sempre lisc. Dalle parole s'pasava ai fatt, ogni tant se discuteva, qualca volta s'litigava e prima o poi qualcun piagneva. Nonostant st'inconvenient in poch temp tra d'nó tutt s'appianava e decisi s'arpartiva a scoprì qualcosa d'nov. Ah..! che vita spensierata bella e ricca d'novità ch'avem pasat t'un chi ann malé. Ma el fatt piò curios, è che ogg nonostant che j ann pasat sien ormai tanti quant arvagg ma Cavalin sent qualcosa dentra d'me, un richiam talment fort ch'me costring argì a fé un gir com facev quant s'er burdel malagiò ti bosch dla Vall.
di Giampaolo Colocci (Carpegna) Presentata per X° Concorso 2010 Agenda 2011
Tel borgh del mercatal i svettene i torricin i student chiappane il tranvail van de cursa com i struzz invec ma i bar s' parla l' Urbinat strett.
Gli artist com i matt van dal Micucc comprane gli atrezz per piturà perdene la testa tra le rob da comprà sempre el scont quand c'è da pagà. C'èn le salit che fann nì il fiaton mentre all' inverne quand' c'èn i lastron per fà la discesa sé rischia da fà i rùgolon.
Mò c'è anca la festa de San Crescentin ma la procession del duom sbatne i batocch del campanon nascost tra i vicol struzzane sai bott i burdel a men en se fà d'un spuntin sa la crescia ed el vin.
S' pos'ne veda dle belle mostre all'Accademia Raffaell do' se riconferma el post più arcnosciut dla storia dl' incision e te sé rizza i pel a guardà i lavor.
Tel giorne di aquilon su per el grepp fan fà le capriol p'r aria da le mille forme e color gli aquilon che, quand i se spacca, el fort vent li porta lontan.
Po' anca capità de trovalla imbiancata e 'lora te sembra post' incantat la poesia te ven in un fiat in un dialett spicicat e t'la pó arcontà tutta d'un fiat.
di Giorgio Corbucci (Urbino, Ca' Massasett) Presentata per X° Concorso 2010 Agenda 2011
Sempre, da che mond è mond Sia i ricch che i contadìn Alla sera specialment S'en godut un bicchier d'vin.
Anch'a casa e in compagnia Tutti intorne ma 'n tavlin Se discorr pió volentieri Sa un bon bicchier de vin.
E infatti in tutt'Europa Dalla Francia all'Ungheria Che sia Pub, Bar o Bistrôt Tant, è sempre 'n'osteria.
Pó essa 'n vissi, quest è vera Mo un tantin va coltivèt E chi c'ha difficoltà Pol magné un po' salèt.
Quand magneva el por si' Mario Tel tavlin, tra le padelle Ló metteva de persona Anca 'n piatt sa le sardelle.
Po' aggiungeva 'na battuta Come l'orasion d'un prét: "La sardella dà un bon beva E sopratutt, mantien la sét!"
I DO CACIATOR AL MONT PAGANUCC di Egisto Fraternale (Urbino) Presentata per X° Concorso 2010 Agenda 2011
Caro Rafael, t'arcordi quand mandevne el carel, lavorevne ma 'l fornacion, cargevne i madon? Un giorne, era n'ariaccia, sèm partitti per gì a caccia, era prest a la marina, sa la nebbia sa la brina, avem pres le motociclett, tutti dó sa le dopiett. aven pres le carcatucc per gì al mont Paganucc, le stred erne imbreciet, è gitta ben s'en sèm caschet, sèm rivet en c'era el sol, i caciator tirevne al vol, è det tutt content: "ogg ne masem cent !" Avevne el sighett, èm fatt el capann tra mezza i cepp, sa el fred ma le men aven stes i richiem, han cmencet a cantè, èm cmencet a tirè, gim a arcoia sotta cle piant c' n'era un ogni tant, j aven contet: ventiquattro n'èm maset, avem pres i turd marin sen partitti per Urbin. È gitta ben l'ultima volta sèn gitta a caccia insiem...
di Egisto Fraternale (Urbino) Presentata per X° Concorso 2010 Agenda 2011
Tra le scole e il marchet Urbin è tutt blochet. La gent che va a cumprè en c' ha el post per parchegè; c'è tanta confusion, e qualch contravension. Adess qualchò s'è moss, s'èn ardunet tutti i pess gross: han pensat da dè el via ma i lavor de Santa Lucia. Tra espert e architett fan i parchegg gió per i grepp, tra le rusp e i scavator se sent un gran rumor. Hann tajat tutt le piant, hann trasformat l'ambient sa i madon e sa 'l cement, ora che han cminciat vojne fè 'l supermercat, Quand c'è l'inaugurasion ce sarà chi c'ha i milion ce sarà i vu' cumprè sensa i sold per magnè, i disocupet èn sempre pió dispret; sarà fnit i parchegg e la gent starà sempre pegg...
di Carla Galli (Brescia) Presentata per X° Concorso 2010 Agenda 2011
Pó anca murì sta' tranquilla Tant ló En mov' un puntell de spilla Tocca faj tutt: è prepotent E grandin Un po' noios e sensa dent.
Sopra el divan a stravacon Sbraita Sa quel digh'ne tla television De politica en 'i va ben nient Pora Italia En se capisc pió n'acident.
Finalment sa i nipotin Rid de gust Ha truvat el su' badurlin 'I fa fè tutt, basta ch'en se fann mal 'I discorr sempre Per quell è un nonn eccesional
Ecco è arrivat, el telefon squilla Sta 'ttent Ch'è bagnat, malé se sguilla.
di Carla Galli (Brescia) Presentata per X° Concorso 2010 Agenda 2011
L'allegra primavera Ch'entra dalle finestre Sa i profum dle ginestre Porta musica e color
Dop el grig noios del fredd En se vedeva l'ora D' incmincè a gì de fora Per scaldè un po' i oss
Le vecchiett arzille stann Tla porta a fè la maja Tel vigol fann ciataia Un ardun tant per parlè
Tra i mur e i pagn stesi S'alsen tutt discors da poch Mo è male el bell del gioch 'Na scusa per stè insiem
D'improvis un gran chiass Sotta el sguard di resident Sbuca un'orda de student Quei moderni de 'sti temp
Capei rimidi de gel Bragalon sal cavall bass Passen ótra e vann a spass Per gì 'ncontra a le sperans.
En è 'na poesia, ma 'na riflession mia di Enaide Galli (Urbino) Presentata per X° Concorso 2010 Agenda 2011
"Io scapp!" "Du vè?" "ariv in piassa, ariv fina malé." Vagh só, vagh gió, salut ma qualcun tant per salutè ognun per la su' strada c' hann tutti el su' da fè. Dî amich c' n'é armasti pochi, suced dacsé se stè tant temp fora d'Urbin per lavrè. Quand artorni tla tu' cità ch'è idealizat provi 'na gran delusion e quasi t'manca el fiat. T'arcordi cum era la vitta ai tu' temp più misera de sigur, ma piena de sentiment, di tu' vicin, vita e miracol sapevi e tutt quel c'avevi condividevi. Se stava alla vegghia a chiachierè, i burdei a fè 'l chiass i giovin a fè 'l fil ma le ragass i vecchj a 'rcuntè e bruntulè. Adess un "ciao" o un "bongiorno" indiferent la senti distacata, quasi ostil la tu' gent! E me fann nì el nervos quei che 'na volta salutten e n'antra volta fann finta d'en cnosc'te. Per me Urbin è armast el custod de tutt i mi' più grand afett, le mi' radic èn maché perciò el mi' post social l'ho d'artruvè. Prò en poss pretenda d'avé sensa nient dè, i prim pass so' io ch'j ho da fè se, sa la mi' gent, me voj integrè!
di Rosanna Gambarara (Roma) Presentata per X° Concorso 2010 Agenda 2011
Davanti a San Francese sopra i banchett la dmennica c'è 'n sacc de batanai, libre, perett pr acenda a cap del lett, orlogg sensa lancett, sighett e tnaj, bichier deco tasin e bocalett, ochial sensa stanghett ventaj artai de giornal gialli anticchi, scaldalett de cocc, pinsett per el camin, fermaj e spassol p'i capei, ventaj de piss, santin rosari d' vetre crocifiss. Ogg c'era un clarinett e 'n mandolin e du organett, e 'n sett d' lensol de lin sa 'l giornin. E tun sfond celest c'er' anca 'na santa sa la faccia rosa e bianca.
di Rosanna Gambarara (Roma) Presentata per X° Concorso 2010 Agenda 2011
L'ho vista a l'improvis dietra la svolta d'un sogn, fors. Scivolava pian tel pel dl'acqua. Se rispecchiava capovolta com 'n'isola, com tun mond paralel.
Me par d'avella arvista 'n'antra volta, forsa tra l'imbra e l'ambra, in mezza al ciel sospesa malasó. Viagiava arcolta com dentra 'n'astronav. S' gonfiava el vel
dle nuvle sotta. Sensa pés pian pian volava sa 'l palass i toricin el campanil la cuppola la mura.
Mentre volava sempre pió lontan quand era ormai poch pió d'un punt pcin pcin sapev d'avé trovat la quadratura.
di Tiziano Mancini (Urbino) Presentata per X° Concorso 2010 Agenda 2011
Sta sospes un aquilon in méss al ciel con nobile eleganza pascoliana guarda dall'alt al bass sensa mova un pel tutt le miserie dla natura umana
El vent è poch, è quasi 'na bonaccia quand tutt un tratt a rompa st'armonia se sent un chiopp de carta che se straccia e un grido de dolor e d'agonia
"Ahi!" dice la Cometa "che dolore" sentendosi trafitta in mezzo al petto "ma chi è che s'infrange al mio cospetto ferendo più del corpo il mio onore?"
"Scusat, scusatce tant, signor aquilon m'ha infilsat tel vostre pett un brutt bordlacc che sensa rispett e sensa educasion v'ha tirat sa la su' canna di stopacc"
"Vorresti dunque dire, o screanzato che saresti quel lurido cartoccio arrotolato prima e poi leccato che dai polmon sputa batteri e moccio?"
"È ver, avet ragion, propi quel malé: me chiamne stopacc in mod dispregiativ e arcasch tla terra sporca da du' niv perché com un sput en so capac d' volè
Prò i' pos dì che c'ho la libertà da essa sempre padron del mi' destin mentre vó podret volè in eternità mo set sempre legat com un buratin!"
L'aquilone punt tel cor dventa tutt ross "È vera, vria schiantè el fil e volè via liber finalment da fnì anca dentra 'n foss mo sa la sodisfasion d'avé 'na vita mia"
Rispond el stopacc "Alora tienme strett e famm armana ma te dacsè infilsat podem gì a spass in gir com du' fidansat se te me prendi a bracc sotta l'archett
te m'insegnerè ma me l'eternità e io t'impararò l'umanità sarà un miracol, tutti niran a Urbin perchè è maché che la vita en avrà fin".
DAL MONT VEGGH EL MAR di Tiziano Mancini (Urbino) Presentata per X° Concorso 2010 Agenda 2011
I' en la cnosch la foschia marina se nascond i vascelli fantasma o se la caligin infida dventarà nebbia stanott.
En cnosch el nom del vent se guard el fil dl'onda o se odor el sal pers tl'aria salmastra.
Io el Far el veggh da dietra dai mont del gir inutil du strissa l'occhj per po' arguardè l'acqua.
Io so 'l strollig dl'acqua stretta distingue i granell da le panucc te so dì s' tacca o non tacca da com vien gió le polisch
El mi' pass quand buffa trova la piola nascosta sotta la mucchia d' nev ch' fa caschè i marinar.
I dubbi de ch'i atre a Urbin èn i mister e per fè l'inisiasion è da sguillè tla Galaverna
di Tiziano Mancini (Urbino) Presentata per X° Concorso 2010 Agenda 2011
Ogni giorne in tutt el mond quanta gent che parla al vent: c'è chi dmanda, chi rispond pió dle volt per sensa gnent.
È tutt fiat che va sprecat: el mi' babbo i' m'arcord che 'na volta che un è mort sentensiò «'i è fnit el fiat».
Che impresion ch' m' aveva fat a pensè che cl'imbornit chisà quant avria campat s' fossa stat un po' pió sit.
Mo s'en fossa 'na bugia che i polmon van risparmiat? Pensa un po' quante cassat che de men se sentiria.
A stè al mond saria 'na manna un silensi da arcoracc: i' el mi' fiat i' el mett t'na canna e c'infil un bel stopacc.
El tir só da cima el ciel a sfiorè ma l'aquilon lor vicini pel a pel e nó sotta sa 'l magon.
di Tiziano Mancini (Urbino) Presentata per X° Concorso 2010 Agenda 2011
Cl'atra nott en chiapav sonn alora me so alsat. Dietra l'avlan ho arvist cle luc che da bordel 'i dav la caccia per mettle tun bichier e trovè cent lir el giorne dop. Chi pió grand invec 'i givne dietra sa le bordelle mo era 'na scusa per pomicè. Pó a 'n cert punt lor hann cminciat a sparì e i' me so sposat. Adess digne ch'en c'èn pió. Mo alora sa ch'ò vist, le lucciol, o i mi' ricord?
di Stefano Mancini Zanchi (Urbino) Presentata per X° Concorso 2010 Agenda 2011
Me ce portava da pcin mi' madre per la man e m'arcontava storie di temp ormai lontan.
In pied sopra el murett sa l'aquilon montav da giovanett sa gran passion.
E a vent'ann per man sa la ragassa ce baciavam malé no com ogg, tel mess dla piassa.
Quanti sospir nascosti tra i madon, ènn custoditti maché tel mi' torrion !
Ogg quand vengh só m'arpos sopra el murell e arveggh tutt le mi' storie da quand er un burdell.
di Isabella Marini (Urbino) Presentata per X° Concorso 2010 Agenda 2011
So piombat tel pien dl'invern Sarà long sarà 'n infern Se pó facc com l'ann passat Sen c' lasc le penn so' fortunat A dó pass da casa mia Hann apert 'na farmacia So' diventat el miglior client En passa giorn ch'en me serv gnent el mal de gola en m' à mai lasciat Le tonsill gross me chiuden el fìat Un sacc dolor me sent adoss Ci ò la bronchit el mal ma i oss E me fo' piè da un gran nervos Quan sa la toss quasi m' afog Poss dì che ancora en sto malacc Perchè la febbra m'arduc un stracc Felic ma april dò el benvenut Ma en ho fatt i cont sa i mi' starnut Sa 'i occhj gonfi el nas tapat Arriv ma giugn e tir el fiat Sto ben sa i cald el sol leon Me sparisc tutt, sto propri bnon Sa 'l sol malat... dic che adess Tocca stè attent per non nì less Ma i' figurt so' 'n animal el sol en ma mai fatt mal. El prim giorn de tintarella Vaggh ma i bagni Marinella Sa tutt cla crema me so' mess adoss En duvria scottam... né dventè ross Ma chel giorn el sol era rabbit Arveng a casa tutt brustolit Per tutta la vita le spall compres Sembrav che ardev tel foch aces Ho passat el mes d'agost A cure ste poll arost E chi l'avria mai immaginat D'en avé ben manca st'estat E com diceva el por peppon En c'en pió le mezz stagion Dó colp de toss... en bastat Per capì che l'invern era arivat.
En so' un che me lament Ma me nissa n'accident... E pó... quel che stat ormai l'ho vut ... l'important... è la salut !!
di Isabella Marini (Urbino) Presentata per X° Concorso 2010 Agenda 2011
L'amicizia quella vera pió dle volt è 'na chimera Ch'un insegue da fiulin coltivand tra ros e spin a l'asil ch'sè un mucicon tocca crescia tra pugn e schiafon quan se' alla scola se' già grandin ma ancora en tutt insult e ridulin quand le passion se fann più grand èn già passat bell'e vent ann e tutt chi amich èn la tu pell c'è condivis rob brutt e bell pó sa i temp di chi compagn Ch' c'è giocat per tanti ann C' ne arman sempre de men E t' dispiac ce stavi ben Ma l'amich del prim schiafon Lo c'è sempr tun canton Che avria voja d'essa ascoltat Ma che spess te l'he ignorat. Se' cresciut, se' pien d'amich Se' content, c'è un sacc d'invit È cnosciut un bel po' d' gent C'è i amich, en t' manca gnent. Ma quand la vita t' cambia umor Te te senti un mel ma 'l cor Te trovi sol tra tanta gent Che in fond de te en sa propri gnent. E allora t' guardi un po' d'intorn ma propri d' ló ci avresti bsogn senti t' manca l'amich del cor ch' c'era già prima dl'amor Ma ancora prima de parlè Ló è già malé, vicin a te E le parol en èn mai servit Ló te guarda e t'ha capit E sa t'i occhj i gocciolon te fè piè dall'emozion Allarghi i bracc, el strigni fort 'I vò un gran ben è un gran confort È com l'acqua dla sorgent È prezios, en costa gnent Tla mi' vita s'è mess in mezz E se en c'è, m' ne manca un pezz En c'è nient de pió important D'un amich che te sta acant En c'ho gnent... poch fortunat Ma sol per quest sarò invidiat
di Aldo Minutelli (Fermignano) Presentata per X° Concorso 2010 Agenda 2011
S'arcordarà el Metauro di segret chi ha confìdet? Di desideri scritti sa 'i occhj tl'acqua in fuga? Di dolor, le gioi, le difficoltà ch'ha superet? Dle preghier volet al cel, dal bagnasciuga?
Ancora la luc e l'acqua, in chesa, evne da nì En c'era el progress e i ben de Dio d'ogg Lavatric e detersiv? la nonna mai sentit a dì Tutt a unt de gommit, sensa guardè l'orlogg
En feva diferensa s'era incinta o deva la tetta En s'arendeva a la tramontana, el fred d' genè Le men ti fìanch, t'la testa i pagn e la banchetta Vestit e biancheria, tutt ma 'l fium giva a lavè
In ginoch t'la riva com 'na santa Se l'acqua era giaccia en se cureva La voja de lavorè n'aveva tanta Magari moriva dal fredd, lia canteva
A la fin, sa i mel de schina mo sodisfatta Se pur intorne era bianch de brina Sa tant amor stendeva i pagn tla fratta Segneta sa do stracc la sera prima
Sé, era quella la vitta chi ann malé Tuttora se c'è pens me s'epra el cor Arveg de nov la nonna, sensa sbajè De nov la su' dolcessa el su' candor
La regina neta dop? "na bugia bella e bona" Ansi per la madonna dai corai "n'eresia" E logica, damò pió lett e pió poltrona Dic: "s'ha tribolet la nonna pegg per lia"
Invec i' pens ma i valor cla donna m'ha paset Un'albre secoler ch' en ha mai pers 'na foja El su' ricord ha fat d'me 'n omne fortunet So' vecchj e sper ancora ti bon frutt da coja
di Aldo Minutelli (Fermignano) Presentata per X° Concorso 2010 Agenda 2011
Volubil, invisibil e potent per su' natura Dle volt talment gentil d'acaresè 'na foja Dle volt furios e travolgent da fè paura Insidia el capell, el vetre e l'orc tla croia (El vent)
So neta com voiatre tle letier Prima ho paset malé la vitta mia Adess invec ho cambiet mestier Lavor ti ufici bel pagheta e fò la spia (La cimic)
di Giuliana Pambianchi (San Marino d'Urbino) Presentata per X° Concorso 2010 Agenda 2011
Te si' quell ch' ho sempre sognat e ch'enn sperav più de trovè, quell ch'enn ho mai cercat, per la troppa paura d'amè.
Te si el port du' trov un ripar, el confort malle mi' delusion, el mi' segret più car, la carta vincent per tutt le ocasion.
E adess che percorem la stessa via, starem sempre insiem, cum sia sia.
E, cum sia sia, sappi che i' ce sarò; cum sia sia, te ce sarè sempre, el so ... Cum sia sia.
di Delfina Scoglio (Urbino) Presentata per X° Concorso 2010 Agenda 2011
L'altre giorne ho avut n'idea: ho aces el caminett...
Erne ann ch'en el facev e ho da di' ch' m'ha fatt efett ... È statt bell a veda el foch, a sentì chel calorin, a guardè cle fiamm tremant e le lucciol ch'givne só, per la cappa del camin ...
"Cric, cric, cric" facevne alora (quanti ann fa? 'na sesantina ?) salend só per chel bug ner ; mo da cima en c'arivavne: givne a sbatta tla catena ch'penzolava tutta nera in atesa del caldar ...
A cuvin sopra l'aiola guardav só tra la fuliggin chel chiaror luntan luntan da do' niva la befana ...
El camin era bel largh, bassa bassa era l'aiola e malé, sopra el camin, c'era lia: la ventarola; a sinistra el macinin, a la destra el pistasal, da 'na part el ferr da stir e da cl'atra i fulminant.
Fra la cener e i tison se cucevne le patat, qualca volta le castagn e dle volt, mo rarament, s'aduprava la gradella pr'arustì 'na fetta d'lard ch'la magnavi già sa 'l sguard.
I ultim tiss, prima d'gì a lett en s'facevne dventè cener: messi dentra un recipient sa l'aiut d'una paletta e ben chiusi da un cuperchie, j artruvavi la matina trasformati in carbonella ...
L'edision dla poesia dialetal 2009 di Anuska Severini (Urbino) Presentata per X° Concorso 2010 Agenda 2011
Anca st'ann , ben o mal, s'è svolt la rasegna dla poesia dialetal. Sta volta en ho partecipat perchè tutt chi diploma m'aveven stufat Avev scritt n'antre du righ per el cor de Massaferr format recentement da un grupp de parochian che canten e s'aspetten sol le batutt de man. Sèm 'na ventina d' donn che canten per pasion, se diverten insiem durant le lor riunion; è un grupp ch' s'podria chiamè anca "assemblea de quelle che a casa en sann sa fè"
L'argoment m'è sembrat trop particolar, non adatt d'figurè tel libre dialetal, legat a un grupp ristrett e, invec da gì a sentì so armasta a casa, a lett. Pro ho vist la registrasion c'ha mandat in onda la television sa la Lara Ottaviani c'ha intervistat tutt quei dla comision.
Le due più acculturate, docenti rinomate, hann fat capì el valor del dialett ch'è radicat in nó, ch'sèm più che bagiotini, da quant, tanti anni fa, eravam pcini pcini, con parole ben dette, ricercate, forbite, mo vlevne significhi che propri cum magnam avressim da parlè.
Tra quei dla comision un, daver, m'ha colpitt, applaudiva, rideva, s'è propri divertitt, cercava de nascondse dietra el corp del dotor mo la su' bocca aperta riempiva el televisor !
Fini ha lett qualch bran del concors mo più che recitat diria c'ha sbasofiat, prò s'è scusat dicend ch'en s'era preparat !
El regista, in dispart, a seda tun canton ve dirò quasi ch' m'ha fatt cumpasion ! Santoriello è un cultore delle nostre radici; quant recita s'impegna per daver, cnosc ben el su' mestier ! Ammicca, s'alsa in pied, quant arconta se sbraccia, ce tien a comparì, più d'i atre c'mett la faccia!
Due parole dirette al giular dla compagnia, al dottor Duccio Marchi che fa la su' comparsa e pó va via! Dop ch' l'ho vist strimpelè la chitarra, scandì la su' ballata che le vicende di urbinati narra, ho dett ma la vicina, pianin, pianin, tra i dent: "Chissà se 'i vien da rida quant visita i pasient ! Prò, caro Duccio, un consiglio te 'l voj dè: el dialett lascle stè ma quei cani come me, che chiamen "fungh" i "fongh" a la maniera giusta cioè da cittadini e no da contadini.
Alla fine di queste due righe che hanno voluto scherzosamente esprimere qualche mia osservazione, voglio ringraziare tutti quelli che si attivano con sacrifìcio e lavorano per la riuscita di queste manifestazioni e per mantenere vivo e rinnovato il dialetto dei nostri padri e della nostra infanzia.
Natale 2009 - El cor de Massafer n° 2 di Anuska Severini (Urbino) Presentata per X° Concorso 2010 Agenda 2011
En cminciat a di' che c'ho la lingua lunga perché c'ho armess le man a scriva ste du righ ; la colpa è sol del giornalista, è ló Di Ludovico quel ch'scriv tel Nuovo Amico ch' m'ha provocat dicend: "Perché en t'armetti in pista e scrivi quel ch'suced quant c'artrovam in pied, schierati a Massafer per cerchè d'metta a punt i nostre ritornei?"
Ló m'ha dat l'assica e, io ch'so un po' tignosa, ho arcolt sta nova sfida rischiand d'essa noiosa.
Ormai en pió d'tre ann che ce riunim per Pasqua e per Natal per preparè di cant, ch'ce riesce en c'è mal, e c'fan ben figurè davanti ai parochian ch'ascolten e ce premien sa le batutt de man
L'Odette ce mette el cor, s'impegna per daver, cnosc ben el su' mestier; per dirigia se sbraccia, saltella, s'alsa in pied ogni atac fori temp, non sol el sent, mo el ved ! Potem capilla ben s'facem 'na figuraccia pió d'nó ce mett la faccia
Per fac capì che Astro del ciel e Pargol divin voine un cant delicat, imita el son del violin mo, spess nó entram, Dio bon, sa la grassia d'un ton! Io e la Maria qualca volta sforam anch s'la Gina ce dic:-Mo vlet cantè più pian!-
Marcello segue a ruota la sua sposa sorride ai suoi assolo, registra ogni sua posa; tutta la sera a seda t'un canton ve dirò quasi ch'me fa cumpasion!
Vicin a me c'è l'Eude ch'en sta ferma un minut quant arconta se sbraccia, quant canta fa la staccia; i piac molt a chiacchierè; pel lavor lasciamla stè; quel che tocca, un vas, un fior dventa un bel capolavor. Fa la madre, la sposa, l'assicuratric ed è svelta com la polver, ogni client el dic ve dirò, po', che ogni tant va a fè anca la badant. È precisa per fè i cont, mo el marit dic spess che romp !
In coppia sa Francesco, el giular dla compagnia, se trova per daver in total sintonia. Ló ce sfott, a me ha dett, sensa vergogna, ch'potev essa la su' nonna! Un giorne c'ha vist l'Eude a cuvin sopra 'na buga i'ha dett ch'era precisa a la su' tartaruga !
Con le due nuove avem fatt un bell'acquist, en puntuali, s'impegnen com en s'era mai vist; Nó vecchie ce chiedem:- Pensat che durerà se dop l'impegn de tutt cle stman becam sol batutt de man! -
St'ann insiem a nó, n'antre element è nutt è Paolo, un bel signor, ch'ce dà un fort contributt; ló vol subbit cantè sensa tant ascoltè; ha una voce possente che, nel gruppo, si sente; sa chel trombon vicin Giancarlo s'fa pcin pcin, rischia d'gì in confusion e de fermass de chiop a metà dla canson Vers la fin dla riunion, guarda l'orlogg: "Avem fatt tardi anch'oggi - po' dic più fort - dami gió Odette, sarà ora da gì a lett!
Quando si unisce a noi don Agostino canta con l'entusiasmo d'un bambino; è un gran piacer a vedle sorident ló che par ch'abbia sempre el mal de dent!
L'edision de ste Natal ma la Ione ha portat mal perché prima ch'fnissa el cors, è approdata al prontsocors! Lindo en vol ch'vien a cantè, sol a casa en ce vol stè; per freghè mej ma 'l maritt e costringel a stè sitt lia ha fat finta d'gì a durmì e, pian pian, p'en fass sentì, è scapata com 'na ladra e de corsa ha fat la strada per ragiungce tel salon e provè tutt le canson. Tl'arnì a casa prò ha inciampat; s'è artrovata a gamb rit e sensa fiat. El su' spos s'è alsat dal let in mutand sotta un giachet e ha gridat:"En so' mica un testa d'sass; en è vera ch'è inciampat dentra el terass; tu s'è argitta só tla chiesa, t'costarà sta bella impresa! Ed infatti avrà da stè tut el mes sensa stirè!
Lundè sera sèm rientrati tardi apannati eran gli sguardi per el sonn ch' c'aveva pres e l'impegn ch'ce fa stè tes; el mi' spos ha aces la luc: "Guarda un po' com un s'arduc anch stasera è mezzanott, sa sti cant ormai è rott ! Par ch'avet da gì a teatre, ma chi 'i frega de voiatre! Se' ch'en dorm sensa de te, mettet gió, da ment ma me!
So' arivata a la chiusura e me sent 'na certa arsura trop c' n'avria ancora da dì, sarà mej a lascè gì? Se i dagh gió, sta tirlinghina duraria fin a dmatina Chiud sa un gran ringrasiament rivolt ma la dirigent, un applauso anche a Marcello e all'intera compagnia che salutt prima d'gì via.
A tutti voi buon NATALE e buon ANNO!
di Maria Teresa Spaccazocchi (Peglio) Presentata per X° Concorso 2010 Agenda 2011
Oh! munei, me so' stufeta tutt la nott t'un sta graneta, sò e gió su per sti tetti sempre pina de sacchetti.
Bsogna ch'vaggh sal granaton quant ti sacchi c'è el carbon, pesa tropp e sporca astuff nisciun pega, fan tutt buff.
Mo perché propri a Genè la Befena ha d'arivè? sa ste fred è tutt gelet, preferiv a nì d'estet !, giv al Mer, a fè do tuffi, tel post d'essa sempre muffi a piè el sol salla graneta che dal fred s'è guesi spleta, avria propri da gambialla mo en ciò i soldi per pagalla, sa sta crisi c'vol pasiensa, tocca fè la penitenza.
Sper per tutti ch' sia un bon ann pr' arvedecc maché st' altr'ann.
di Giorgio Speranzini (Ancona, 2008) Presentata per X° Concorso 2010 Agenda 2011
Tutti la felicità la vlem vicin, Prò nisciun la tien un bel pestin Quand pensi ch'è ma te vicina Alora scappa via com una burdlina Anca se per cas, te sfiora Tienla stretta che t' arcòra, Quand la tieni vicin al cor È com avecc un gran tesor En essa sempre scontent, La vitta te sembra gnent ? Sèm al mond per tribulè ? Non cred, sia propi acsé È colpa de Dio ? È colpa dl'om ? Chi chiappa el testimon ? Alla fin , el ben trionferà So' sigur, el mal en ce sarà, So' sigur , l'umanità se salverà, Alla fin vedrem felicità.
El sapor d' Urbin di Giovanni Volponi (Urbino) Presentata per X° Concorso 2010 Agenda 2011
De nott, quand dorm, sogn le stell, le stell ducali, tel ner dla nott. Maché el ner c'è anca de giorne, e de nott el fum copre 'nicò, anca i sogn de chi vol veda el giorne.
De nott, quand dorm, sogn le aquile, le aquile dla porta de Valbona, tl' azurr del ciel. Maché el ciel en c'è manca de giorne, perchè de giorne se sta dentra le grott, ma no quelle del Dom, quelle del carbon.
De nott, quand dorm, sogn l'odor, l'odor del prans, del prans dla Dmennica. Maché l'unica cosa ch'se respira è la pussa del carbon che te sfnisc, anca de pió se pensi al prans de casa tua.
De nott, se dorm, sogn el sapor, el sapor d'Urbin, el prim de Giugn. El sapor dle mura, el sapor dle piol, el sapor di pagn stesi fora, di passatei. El sapor dla nott, del giorne, del vent. El sapor d'Urbin.
A tutti gli Urbinati che, emigrati all'estero, hanno cercato una vita migliore.
di Massimo Volponi (Urbino) Presentata per X° Concorso 2010 Agenda 2011
Nó c'avemi dó cità: una è Urbin, cl'atra, propri de front, è San Bernardin: la prima è la casa di vivent, la sconda la dimora dej assent. Tra le dó, una strada che scolina e, serpegiand, pian pian le avicina. De nott tutte e dó c'hann le luc acese, mo se una viv invan le su' atese, quella tra i cipress, i vialett e 'l mur en viv nè 'l present nè 'l futur: resta malé, immobbil, sollenn e silensiosa, com un spos ch'aspetta la su' sposa. Nate e cresciuti insiem, moment per moment, e en è un cas se tutte e dó en un monument, ma la storia e ma se stess, sospes ma 'l sol, immers tra i profum di crisantem e girasol. E ce gim a salutè i nostre cari per chieda confort ma i nostre cor amari, e i fior e le preghier che ma lor porgem en in realtà per nó che ancora vivem. Se un giorne Urbin morirà San Bernardin comunque vivrà, perchè sapem che l'esistensa è limitata propri da cla mort che sempre l'ha evitata. Una sola è la diresion del camin che cmincia fin da quand un è burdlin: dai toricin al mausoleo ducal, per tutti, perchè 'l destin rend ugual. Anch'io ho scolinat, e vegg pió vicin i profil e le luc de San Bernardin.
|