URBIN, SE' PCIN MO BELL !

Presentata al V Concorso di Poesia Dialettale "Renzo De Scrilli"

Urbin, se' pcin mo bell,

se bell com un gioiell!

Urbin, sa i tu' giardin

pensil, sopra le mura,

a guardai da luntan

fe 'na bella figura!

Se te guard da le Vign

pari un gioiell t'un scrign,

tutt ben incastonat

tel bel mezz del Creat.

Urbin, quant nasc el sol

pari 'na cità d'or

e quant el sol va gió,

tel sfond d'un ciel turchin

spicchne i bei turicin.

Urbin a primavera:

che fresculin de sera!

D'estat, se el temp è trist,

te riempi de turist

che lascne la marina

per fe 'na scapatina

e, insiem a l'aria pura,

respirè un po' d'cultura ...

Urbin: dentra le mura

c'è sempre un po' d'frescura

e tra i tu' vigulett

dà gust a fè un girett.

Urbin, pien de student

ch' pistne i pied ma la gent,

mo dann anca un po' d'vitta

ma sta cità anticca.

Urbin, chi te vol ben,

anca se part, arvien

perchè la nostalgia

è pegg d'na malatia

ch' la pò curè soltant

tornand de tant in tant,

anca se i tu' parent

en tutti ma'l Campsant

e da San Bernardin

guardne, per sempre, Urbin ...